¹ Omunsiku makumi gabiri na luguma, lw'omwezi gwa kalinda, akanwa ka Nnamubaho kayigulirwa Hagai, mulebi, okw'eyi myanzi. ² Obwire Zorubabeli, mwene Shealtieli, murhegesi was Yuda, na Yoshua, mwene Yosadaki, mugula mukulu, n'oku lubaga lwoshi, onababwire. ³ Ndi mulimwe warhulubusire, wabwine eyinyumpa omw'irenge lirhanzi? Na gurhigi muyibwine buno? Nkoku eri kamurhayibwini nka ntabyo embere zinyu? ⁴ Kurhangira buno ozibuhe, Zorubabeli! kwo Nnamubaho adesire. Ozibuhe Yoshua, mwene Yosadaki, mugula mukulu! Ninyu lubaga muzibuhe, omu cihugo coshi! kwo Nnamubaho adesire. Na mukole! Bulya ndihaguma ninyu; murhayobohe. ⁵ Nciri mwikubagirwa oku ndagano namujiriraga amango namukulaga emisiri, na Muka gwani alihaguma na ninyu, murhayobohe! ⁶ Bulya ntya kwo Nnamubaho w'emirhwe adesire: bulya omu kasanzi kasungunu nabirundula amalunga, igulu, enyanya n'obuma. ⁷ Nabirundula amashanja goshi; emihako y'amashanja goshi; emihako y'amashanja goshi yayishi yisha, n'eyinyumpa nayibumba irenge, kwo Nnamubaho w'emirhwe adesire. ⁸ Enfaranga ziri zani, n'amasholo gali gani, kwo Nnamubaho w'emirhwe adesire. ⁹ Irenge lizinda lyeyi nyumpa lyba line kulusha elya burhanzi, kwo Nnamubaho w'emirhwe adesire. Na aho honayishi lerha omurhula, kwo Nnamubaho w'emirhwe adesire. ¹⁰ Omunsiku makumi gabiri na zini z'omwezi gwa mwenda, okumwaka gwa kabiri gwa Dario, akawa ka Nnamubaho kafululirwa Hagai, mulebi, okw'iyi myanzi. ¹¹ Ntya kwo Nnamubaho w'emirhwe adesire: Obwire abagula er'idoso liyerekire irhegeko. ¹² Erhi omuntu akaheka enyama y'entulo omu cishumiro c'omushangi gwage, n'erhi akahuma n'ogwo mushangi, oku mugati,oku kalyo, oku cinywebwa, oku mavurha erhi oku ngasi kalyo, k'ebyobintu banaciba bicesibwe? Abagula bashuza: nanga. ¹³ Na Hagai aderha: erhi omuntu aka zira omukuhuma oku murhumba, ahume okw'ebyo bintu byoshi, kabyanaba n'ishembo? abagula bashuza: byaba n'ishembo. ¹⁴ Lero Hagai, aciriderha: ntyo kw'olulubaga luyosire, ly'er'ishanja embere zani, kwo Nnamubaho adesire. Ntyo kwo n'emikolo y'amaboko gabo eyosire, balibantulira ebirikw'ishembo. ¹⁵ Mugerereze bwenene ebyagezire kuhik'ene, embere babe ibuye oku lindi okunyumpa ya Nnamubaho! ¹⁶ Cocirhumire, arhanakagi linda namaha makumi gabiri; hakaiboneka ikumi lyone. n'erhi bakagi linga njerekani makumi garhanu emukenzi, bakagibona makumi gabiri. ¹⁷ Namushusire oku lugonyo, oku buma, oku lubula, nashusire emikolo y'amaboko ginyu goshi. Cikwone murhangalukiraga, kwo Nnamubaho adesire. ¹⁸ Mugerereze bwenene ebyagezire kuhik'ene, kuhika Omunsiku lwa makumi gabiri na zini z'omwezi gwa mwenda, kurhenga olusiku enyumpa ya Nnamubaho ya yubakagwa, mubirhanyuluse bwenene. Kahaciri emburho omu nguli? Ciru omuzabibu, amtini, makomamanga erhi mizetuni, kurhayeraga bici; kurhangir'ene namugisha. ²⁰ Akanwa ka Nnamubaho kaciri yishira Hagai bwakabiri, olusiku lwa kali makumi gabiri na zini z'omwezi, omukuderha: ²¹ Obwire Zorubabeli, murhegesi we Yuda, oderhe: nabirundula amalunga n'igulu; ²² Nahindula amami; nashaba emisi y'amami g'amashanja, nkulumbye endogomi n'abazishonirekwo, ebihesi n'abazishonirekwo bayirhwe, ngasimuguma oku ngorho y'owabo. ²³ Agomango, Nnamubaho w'emirhwe adesire: nayishi kurhola, Zorubabeli mwene Shealtieli, mukozi wani nayishi kufulika nka kashè; bulya nakwishozire, kwo Nnamubaho w'emirhwe adesire.