¹ Mahuno ga Habakuki, mulebi ( oku bworhere bugalugalu ). ² Nnamubaho, nayunvirhe ebi wamanyisagya, ngwerhwe n'ecoba. Ohikirize omukolo gwawe omugarhi k'emyaka, we Nnamubaho! omugarhi k'emyaka ociyerekane! Omuburhe bwawe okengere obwonjo bwawe. ³ Nnamahanga ayishira kurhenga e Temani, Omucesibwa arhenzire omubirhwa by'e parani... oyunjwire burhwali afunisire amalanga, na irenge lyage lishandire omw'igulu. ⁴ Guyosire nka mukemezo, nka mishalazi erhenzire omu maboko gage; aho hohali emisi yage. ⁵ Embere zage ho ecisha cigera, n'ecisha ciru omunjira yage. ⁶ Anayimange, na kurhenga ebushoshokero bw'izuba anapime igulu. Anasinze, anajugumie amashanja. Entondo z'amango goshi zinamoke, n'emishozi ya Mira elohome, n'enjira za mira zinakabuke embere zage. ⁷ Mbwine ebigala bya Etiopi omu bululu, n'ebigala bya mediani omu malibuko. ⁸ Ka Nnamubaho agayisibwe n'enyishi? ka nyisi zirhumire wabà burhè, koku nyanja oburhe bwawe buyalagazize, mpulyooshona oku bihesi byawe, oku ndogomi yawe y'obuhimi? ⁹ Ecisonga cawe cibonesire, amaheherere co cimanyiso c'akanwa kawe... onamole idaho ly'oha olwishi enjira. ¹⁰ Okuboneka kwawe, entondo zinazjugume, emigezi enaharhule; n'omukungulo gunayunvikane, Anayimuse amaboko gage emalunga. ¹¹ Izuba n'omwezi binayimange ahamwababwe, oku bulangashane bw'emyampi yawe egenda, oku mukemezo gw'itumu lyawe limoleka. ¹² Onagere omw'igulu oku burhwali bwawe, onalabarhe amashanja omuburhe bwawe. ¹³ Onahuluke okuciza olubaga lwawe, okuciza omushigwa wawe, onashabe oburhungiri bw'enyumpa y'omulyalya, onaishabe kuhika oku ciriba. ¹⁴ Onarhunge ebirhwe by'entwali zabo, bakayisha bahasire nka musirula mpu banshandaze, balibahologoma oku gushagaluke nk'abali ba maliriza omuhanya okw'ihwe. ¹⁵ Oku bihesi byawe onalabarhe omu nyanya, ijonda ly'amishi manji. ¹⁶ Nayunvirhe...Na olunda yani mwagera omsisi. Okw'erizu, akanwa kandirhimana, abivuha byaluma, n'amadwi gahukulana: omu kahwenyenye ngwasirwe nindirire olusiku lw'amalibuko, alusiku ababisha barhabalira olubaga. ¹⁷ Bulya omurhi gwawe gurhaci yase na omuzabibu gurhaci yane, amalehe g'omuzetuni garhahabe. Amashwa garhakaci yera; ebibuzi byayishibula omu malambo, na harhakaciba mpanzi omu maruli. ¹⁸ Cikwone, ngwasirwe nshagalukire Nnamubaho, nancishigire Nnamahanga bwakiro bwani. ¹⁹ Nnamubaho, Nahamwirhu, he misi yani, anajire amagulu gani nka ga kurungu, na acingeza abantu halengerire. Aku bakulu b'abimbiza.