¹ Enyanya ly'oku shwekulwa kwo kurhumire Kristu arhujira bashwekule. byo birhumire mucisezagye, murhanacilekerere oku shubira omu nshumi z'obuja. ² Lolagi, nie Polo mubwizire oku, mukacikaliza ntabyo Kristu amujirira. ³ Nashubirira lindi liguma okuderha oku omuntu yeshiyeshi wankana cikarha, akwanine okuseza amarhegeko gashi oku ganali. ⁴ Mukola muciberwire na Kristu, mwe mugwerhe mwalonza obushinganya omu marhegako mweshi, mukola muhezize obukenge bw'obukuze. ⁵ Emunda rhuli, obwemere bwo rhuli rhwa lindirira, kugerera mûka yeri bulangalire b'obushinganya. ⁶ Bulya omu garhi ka Yezu Kristu, okukarhwa n'okurhakarhwa byoshi birhagwerhi bunguke, ci bwenene obukolesibwa bw'obuzigire. ⁷ Mwali libisirre bwinja: Ndi wamuyimanzize okukenga okuli? ⁸ Okwo kurhebebwa kurharhenziri emwo olya omuhamagire. ⁹ Engezo nsungunu ena rhundise obuntu bw'ougati bwoshi. ¹⁰ Mwencikubagira omu Nnahamwirhu, oku murhakaci rhanya kundikundi. Cikwone ogwerhe wa mulibuza, ciru ankaba yendi, ahekamwa ebidarhi ¹¹ Niehe, benewirhu, erhi nanka ciyigiriza kandi oku karhwa, cirhumirage ncishimbulirwe? Ebisarhazo by'omusalaba lero byarhenzire! ¹² Abagwerhe bamulerhamwo akashaba bacirhenzibagwe! ¹³ Benewirhu, mwahamagalirwe okushwekulwa, eciguma cone muleke oku kolesa okwo kushwekulwa oku biyerekire irala ly'omubiri; cikwone muyerekere oku kukolerana ngasi baguma oku babo. ¹⁴ Bulya amarhegeko goshi gabunzire omu kawa kaguma: okasima omulungu wawe nka wene. ¹⁵ Cikwone erhi mwakalumana n;okulyana mwene ma mwene, mumanye murha cimalirage mwene. ¹⁶ Cintya kwondesirage: Mugende oku lugero lwa mûka ocesibwe, n'okurhakola amalonza g'omubiri. ¹⁷ Bulya omubiri gugwerhe enyifinjo zirhali so nguma n'ezomurhima. n'omurhima gugwerhe ezirhali nguma n'omubiri. omubiri n'omurhima birhaheka kuguma, mpulyo murhakajira ebi mwali lonzize. ¹⁸ Nka mûka amulonoline, murhaka rhegekwa K'amarhegeko. ¹⁹ Nkobwo ebijiro by'omubiri biba bimanyikine, byo byebi: Kugona, bucafu, bushungu, ²⁰ Kucikumba enshushano, bulozi, nshombo, kadali, bwagalwa, bukunizi, mashikwe, kucisima, kuciberula, kuciyungula, ²¹ Bunvu, bulalu, budambye, n'ebindi bishushir'ebyo. Murhonzire n'oku nali namarhangi mubwira, oku abakajira ebirink'ebyo barhakayima omu bwami bwa Nnamahanga. ²² Ci amalehe g'omurhima, go gaga: Buzigire, bushagaluke, murhula, bushibirizi, lukogo, murhima mwinja, kujir'aminja, butudu, kucihasha; ²³ amarhegeko garha bandisi ebyo. ²⁴ Abali ba Yezu bamanisire emibiri oku musalaba haguma n'amiru n'enyifinjo z'emibiri. ²⁵ Erhi rhwankalama oku mûka ocesibwe, rhwanagende oku mûka gucire. ²⁶ Rhurhaciri head obukuze bw'obusha, omuku sholoshonzanya rhwene na rhwene, omu Bunvu, kucifinjana rhwene na rhwene.