¹ Too bagalatia, barhagwerhi burhimanye! Ndi wamulogaga, mwe mwabonaga n'obwalagale kurhi Yezu Kristu ayorhaga nka amafa oku musalaba? ² Lolagi eci balonza oku manya emunda muli: kamwahabirwe mûka gwa Nnamahanga entanya z'okujira ebi amarhegeko gadesire? ³ Kabwenene mwabuzirage obwenge? k'enyuma ly'oku rhondera na mûka gwa Nnamahanga, mukola mulonzize okumalira oku mubiri? ⁴ Ka bushà mwalibulirage? Erhi byankaba ntyo erhi na bushà. ⁵ oyu wamuhaga mûka gwage Anita n'ibirhangaza omu karhi kinyu, k'anabikole entanya ly'amarhegeko, erhi oku migirizo gayerekire obwemere? ⁶ Nkakulya Abrahamu akengaga Nnamahanga, lero naye amuderha mushinganya, ⁷ ntyo Mumanyuse oku balya b'obwemere bo banali omu buko bwa Abrahamu bwinjinja. ⁸ N'amandiko, garhanziri yerekana oku Nnamahanga ayishi jira abapagani okuba bashinganya erhi bwemere burhuma, anarhangi manyisa Abrahamu ogu mwanzi gw'akalembe gudesire mpu: Omu garhi kawe mw'embaga zoshi zayishi gishwa! ⁹ Ntyo kwo abemezi bagishwa haguma na Abrahamu w'obwemere. ¹⁰ Bulya ngasi bacikubagira ebijiro by'amarhegeko bali idaku ly'obuheherere; bulya biyandisirwe: ali muheherere ngasi muntu orhashimbuliri oku yunva ebiyandisirwe omu citabu c'amahano. ¹¹ Kandi ntaye waderhwe mushinganya embere za Nnamahanga erhi marhegeko garhuma, ebyo biri by'okuli, bulya biyandisirwe: Ow'obushinganya alame oku bwemere. ¹² N'obwo, amahano garha yimangira oku bwemere; ci bidesirwe: owakola oku birhegesirwe ana bilamire kwo. ¹³ Kristu acihanyire ahali birhu oku hehererwa kw'amarhegeko, ahinduka buheherere erhi rhwe rhurhuma Bulya biyandisirwe: Ahehererwe olya yeshi wakamanikwa oku murhi. ¹⁴ lyo emigisho ya Abrahamu ehikira abapagani kugerera omu Yezu Kristu, n'oku yankirire mûka rhwa laganyibagwa oku bwemere ¹⁵ Benewani ( ndesire nka muntu), irga lishinganine, ciru lyakajirwa n'omuntu, ntaye muntu wankacilirhenza erhi aliyushule. ¹⁶ N'obwo iragane byahabirwe Abrahamu n'iburha lyage. Ci birhadesirwi: N'oku miburhwa, nka biyerekine miburhwa minji, Cikwone nka muguma gwone: N'oku Iburha lyawe, kuli kuderha oku kristu ¹⁷ Lolaga oku nyunvirhe: iraga Nnamahanga afundikaga mbere lirhankashubululwa, nantyo eciragane cahinduka nka bushà, n'irhegeko lya ciri yisha enyuma lya myaka magana gani na makumi gasharhu. ¹⁸ Bulya nk'omwimo gwankayishire okw'irhegeko, gurhankaciyishire oku ciragane; nobwo, kuli oku ciragane kwo Nnamahanga ahire Abrahamu olwo oluhembo lw'olukogo lwage. ¹⁹ Cirhumaga haba irhegeko? lyacibirijirwa anyana z'amahushe, kuhika omuburhwa walaganyibagwa guhabe; er'irhegeko lya hamirizibagwa na ba malaika, kugerera kahumanya. ²⁰ Nobwo ohumanya arhana kahumanya was muguma yene, Cikwone Nnamahanga aba muguma yene. ²¹ K'amarhegeko garhacirigi kuguma n'ebiragane bya Nnamahanga? Birhali ntyo! erhi hankabire irhegeko liguma lyankahana obulamu, obushinganya nabwo bwankarhenzire omu marhegeko. ²² Cikwone amandiko gadesire byoshi idaku ly'ebyaha, mpu lyo ebyalaganyibagwa biboneka oku bwemere muli Yezu Kristu emw'abemezi. ²³ embere obwemere buyishe rhwlishwekirwe idako ly'amarhegeko, kulindirira oku obwemere bwayishi fululuke. ²⁴ Ntyo kw'amarhegeko galiyosire nka mwigiriza w'oku rhulangulana emwa Kristu, mpu rhuba bashinganya oku bwemere. ²⁵ Lero obwemere bahisirage, rhurhaciri idako ly'amarhegeko. ²⁶ Bulya mweshi muli bana ba Nnamahanga oku bwemere muli Yezu Kristu; ²⁷ Mweshi mwe mwabatizibwe omu Kristu, mwayambirhe Kristu. ²⁸ Ntaciye muyahudi erhi mugiriki, Ntaciye mujà erhi orhali mujà; Ntaciye mulume erhi mukazi; Bulya mweshi mukola muguma omu garhi ka Kristu. ²⁹ N'erhi mwankaba bakristu, erhi munakolaga b'omu mulala gwa Abrahamu, ba mwimo kushimbana eciragane.