¹ Paulo, ntumwa, arhali kurhenga emw'abantu, erhi arhumwa n'omuntu, ci na Yezu Kristu na Nnamahanga larha, wamufulaga omu bafu, ² na benewirhu boshi balya rhuli haguma oku mashengero g'egalatia: ³ Muhabwe Olukogo n'omurhula kurhenga Nnamahanga larha, n'emwa Nnahamwirhu Yezu Kristu, ⁴ he wacihânaga yene oku byaha birhu, mpu lyo arhukula omw'ezi nsiku mpanya kushimbana obulonza bwa Nnamahanga na larha wirhu. ⁵ He w'oku habwa obukuze emyaka n'emyaka! bibentyo! ⁶ Nsomirwe oku mulesire dubaduba owamuhamagalaga oku lukogo lwa Kristu, mwashibulira agandi migirizo. ⁷ arhali mpu hali ezindi nyigirizo, haly'abantu Bali bamu lerhamw'akavulindi n'okulonza okushaba emyanzi y'akelembe ya kristu. ⁸ Cikwone, erhi ankaba rhwene, erhi malaika w'omumpingu ayalagaze agandi migirizo garhali aga rhwa muyigirizize, ahehererwe. ⁹ Oku rhwaderhaga burhanzi, Kandi kwo nanciziriderha buno: Omuntu yeshi wanka muyigiriza agandi migirizo garha shushini n'aga mwa yankirire, ahehererwe. ¹⁰ Na buno, ka bunguke bwa bantu nonzize erhi bwa Nnamahanga? ka! nonzize okucisimisa emwa abantu, ntakacibire mukozi wa Kristu. ¹¹ Mumanyuse, benewirhu, oku emyanzi y'akalembe nayigirizagya erhali ya muntu; ¹² Bulya ntayihabagwa erhi kuiyigirizibwa n'omuntu, ci kufululirwa na Yezu Kristu. ¹³ Bulya mwamanyire, emyanzi y'ebijiro byani birhanzi omu idini ly'abayahudi, nka gurhi nalibuzagya abemezi n'oku bashereza. ¹⁴ Nakandi nali murhanzi bwenene omw'eri dini ly'abayahudi, kulusha banji ba myaka yani na b'omu cihugo cirhu, nalishimbulire obworhere bwa ba larha bwenene kulusha. ¹⁵ Cikwoki, erhi bihashikana emw'olya wacinshogaga embere ntaciburhwa, ye wanampamagalaga oku lukogo lwage, ¹⁶ afuluza omwana wage omu ndalala zani, mpu Mumanyuse mw'abapagani, honaho, ntacidosagya ihano ly'abantu b'omubiri erhi muko, ¹⁷ nantyo ntaci rheremeraga eyerusalemu emwa zizya ntumwa zali mbere zani, Cikwone nagenda e Arabia, n'oku taluka e damasko. ¹⁸ Enyuma lya myaka isharhu, narheremera eyerusalemu lyo njimanya Kefa (Petro), nanabera naye nsiku ikumi n'irhanu ahamwage. ¹⁹ Ci ntabonaga yindi ntumwa, kulena na Yakobo, mulumuna wa Nnahamwirhu. ²⁰ Omw'ebi muyandikire, mulole, embere za Nnamahanga, ntadesiri bushumi. ²¹ Enyuma ly'aho Nana omu cihugo c'esiri n'omu c'egilgali. ²² Kwoki enshusho yani erhali emanyikine agomango Yoshi emunda emirhwe y'abemezi b'omu buyahudi eri. ²³ Okuguma kwone, bakazigiyunva byaderhwa: Olya wali rhulibuzize ye kola waja yigiriza obuyemere ajaga ciseza oku bushereza. ²⁴ Banakakuza Nnamahanga erhi nye ntuma.