¹ Enyuma z'ebyo, oburhe bwa mwami Aswero bwatwika, akengera Vashti, n'ebyajiraga, n'emihigo yarhozirwe oku bimuyerekire. ² Lero abakozi ba mwami baderha: mwami alongezibwe emisole banyere, barhamanyiri mulume na binjà ba nshusho. ³ mwami ahebe omu mirhundu yoshi y'obwami bwage abasagasi bagwasirwe okurhimanyanya emisole banyere, barahamanyiri mulume na binjà ba nshusho, e Size; omu murhundu mukulu, omunyumpa y'abakazi oku bulanzi bwa Hege, muganda wa mwami, na mulanzi wa bakazi, wakagibaha ebikwanine oku kucicesa kwabo. ⁴ na oku omunyere wasimisa mwami, ahinduke mugoli ahaliha Vashti. Ogwomwanzi gwayemerwa na mwami, byanabantyo. ⁵ Omu Size, murhundu mukulu, mwali muyahudi muguma, wahamagalagwa Mordekai, mwene Yairi, mwene Shimei, mwene Kishi, mulume w'emwa Benyamini, ⁶ walerhagwa kurhenga e Yerusalemu omu mpira zahekagwa haguma na Yekonia, mwami w'e Yuda, na Nebukadeneza, mwami w'e Babeli. ⁷ Akagilera Hadasa, ye wali Esta, mwali wa mwishe, bulya arhalicigwerhe ishe erhi nina. Oyo mwananyere ali mwinja wa munjunju na mwinja wa nshusho. Erhi ishe na nina bafa, Mordekai omuheka nka mwali. ⁸ Erhi bayalagaza omuhigo gwa mwami n'olwandiko lwage, n'erhi banyere banji baba bamashobazibwa e Size, omu murhundu mukulu, okubulanzi bwa Hegai, Esta naye ahekwa omunyumpa ya mwami, oku bulanzi bwa Hegai, mulanzi wa bakazi. ⁹ Oyo mwananyere amusimisa; anarhona emunda ali, anaka bangusa okumuha ebimukwanine okumuha ebimukwanine okucicesa n'oku nyifinjo zage, anamuha bananyere nda balondole omunyumpa ya mwami, anamuheba nabo bananyere omunyumpa nyinja y'abakazi. ¹⁰ Esta arhabamanyisagya benewabo erhi ahaburhiragwa, bulya Mordekai alimuhanzize oku arhaderhaga. ¹¹ Na ngasi lusiku Mordekai akagiyisha omungo y'enyumpa y'abakazi, okumanya gurhi Esta alamire n'oku bamugwaire. ¹² Ngasi mwananyere akagigenda emwa mwami Aswero, enyuma z'okukolesa miezi ikumi n'ibirhi okubyo byalirhegesirwe abakazi, Omwagomango, bakagi kombera okucicesa, miezi ndarhu mavurha ga manemane na miezi ndarhu oku mavurha ga manukato n'amarashi okukolesa abakazi. ¹³ Ntyo kwo ngasi munyere akagija emwa mwami, na erhi arhengaga omunyumpa y'abakazi kuja omunyumpa ya mwami, bakagimuleka arhole ngasibyo alonzinze. ¹⁴ Bakagiyija bijingo; na buca bagenda omu yindi nyumpa y'abakazi, oku bulanzi bwa Shaasahazi, muganda wa mwami na mulanzi wa baherula. Arhakanacishubire emunda mwami ali bundi, nkaba mwami amulonze n'okumurhumiza okw'izino lyage. ¹⁵ Erhi akasanzi kage k'okuja emwa mwami kahika, Esta, mwali wa Abishaili, mwishe wa Mordekai, wamukuzagya nka mwali, ahuna ebyanali rheganyibwe na Hegai, muganda wa mwami, na mulanzi wa bakazi. Esta akarhona emwa ngasi boshi bakagi mubona. ¹⁶ Esta ahekwa emwa mwami Aswero, amunyumpa y'akanabwami, omu mwezi gwa kalikumi, gw'omwezi gwa Tebeti, oku mwaka gwa kalinda gw'oburhambuzi bwage. ¹⁷ Mwami azigira Esta kulusha abandi bakazi boshi, anarhona n'okuhabwa lukogo emundali kulusha abandi bananyere boshi. Amuhebakwo ishungwe ly'akanyabwami okw'irhwe, anamuhindula mugoli ahali ha Vashti. ¹⁸ Mwami ajira idinye linene oku barhwali bage boshi n'abakozi bage boshi; idinye lya lukengesa Esta, ahana oluhuma oku mirhundu, ashobozanya oluhembo oku buhanyi bw'akanabwami. ¹⁹ Obwakabirhi erhi bashoboza abananyere, Mordekai alitamire oku muhango gwa mwami. ²⁰ Esta arhamanyisagya emwabo erhi buko bwage, bulya Mordekai alimuhanzize, analikenzire ihano lya Mordekai oku bwikubagirwa nkoku mango anali mulezire. ²¹ Mwonagomango, nkoku Mordekai akagibera aha muhango gwa mwami, Bigtani na Tereshi, baganda babirhi ba mwami, balanzi ba muhango, bacigayisa n'okulonza oku shereza mwami Aswero. ²² Mordekai amanyantyo, anakumanyia omugoli Esta, wabimanyisize mwami okw'izino lya Mordekai. ²³ Erhi balabiriza ebintu, byanaboneka oku kwobinali; abobaganda bombi bamanikwa oku murhi. n'ebyo byayandikwa omu citabu c'enkengero embere za mwami.