¹ Nabwine Nnahamwirhu waliyimanzire oku luhero. Na Aderha: shurha oburhungiri lyo emitungo ebavunikira oku marhwe boshi! Nayishi hererekeza emisigala yabo oku ngorho. Ntaye mulibo wayishi ciciza omukulibirha, ntaye mulibo wafuma. ² Erhi bakahonokera omu nshimu, okuboko kwani kwabakulawo; erhi bakayinamukira emalunga, nabahungulula yo. ³ Erhi bakacifulika oku cirera ca Karmeli, nayishi balongereza n'oku bagwarhirayo; erhi bakacifulika oasu gani omucirumbi c'enyanja, eyo narhegeka enjoka ebalumireyo. ⁴ erhi bakagenda mpira emw'abashombanyi babo, eyo narhegeka engorho oku bamalira; nayishi bakanirizakwo amasu lyo mbajira kubi c'arhali bwinja. ⁵ Nnahamwirhu, Nnamubaho w'emirhwe, akahuma okw'idaho, linajugume, n'abikala bamwo boshi banaje omu mishibo; linayimuke lyoshi nka lwishi, na oku yondobera nka lwishi lw'e Misiri. ⁶ Ayubasire ahokulama omu malunga, na okuheba eciriba cage okw'idaho; anahamagale amishi g'omu nyanja n'oku gashandaza omw'igulu: Nnamubaho l'izino lyage. ⁷ Kamurhanyorhiri nka bana b'e Etyopia, bana b'israeli? kwo Nnamubaho adesire. Nkantamukulaga omucihugo c'e Misiri, nka bafilisti kurhenga e Kaftori n'aba Ashuru e Kiri? Lolaga, Nnahamwirhu, Nnamubaho, alyalabiriza amami magalugalu. Nayishi gashereza omw'igulu; cikwone ntayishi hererekeze enyumpa ya Yakobo yoshi, kwo Nnamubaho adesire. ⁹ Bulya lolaga, nayishihana amarhegeko gani, na nayishi yerula enyumpa ya Israeli omu mashanja goshi, nkoku bayerula oku lwibo buzira okurhoza ciru n'enderhere nguma. ¹⁰ Ngasi banabyaha b'olubaga lwani bayishifà oku ngorho, balya baderha: obuhanya burhakarhuyegera, birhakaba rhuhikakwo. ¹¹ Omwagomango, nayishi yinamula enyumpa ya Daudi omukuhirima kwayo, nayishi lungula ahashabusire, nayishi hembeza emina, nayishi yubaka nk'oku mango ga burhanzi. ¹² Lyo bagwarha emisigala ya Edomu na ngasi mashanja goshi izino lyani lyadesirwemwo, kwo Nnamubaho adesire, wayishi hikiriza ebyo. ¹³ Lolaga, ensiku ziyishire, kwo Nnamubaho adesire, amango omuhinzi ayishi shimbuluza omusarhuzi, na okanda ecinywebwa ayishi labiriza okarhwera emburho, na entondo zirhonyemwo ecinywebwa cinja cinahulule oku birhwa byoshi. ¹⁴ Nayishigalula empira z'olubaga lwani Israeli;baciri yishi yubaka emirhundu yashabusire n'okulamamwo; baciri rhwera olukoma n'okunywa oku cinywebwa, bayishi jira amashwa n'okulya amalehe. ¹⁵ Nayishi baheba omucihugo cabo, na barhakacikulwa omucihugo nabahaga, kwo Nnamubaho adesire, Nnamahanga wawe.