¹ Hali muntu muguma w'e Rama tofimu, w'oku mushozi y'e Efrahimu, wa hamagalagwa Elikana, mugala was Yerohamu, mugala wa Tohu, mugala wa Tufu mu Efrahimu. Agwerhe bakazi babirhi, muli bo muguma akagi hamagalwa Anna, n'owindi Penina; Penina aligwerhe abana, ci Anna arhali mugwerhe. ³ Ngasi mwaka, oyomuntu akagirhenga omu murhundu gwage okujà eshilo, okujifukama embere za Nnamubaho w'emirhwe n'okurhula entulo. Eyomunda hahaha bend Eli babiri, Hofni na Mine, haguma na Nnamubaho. ⁴ Olusiku Elikana akagi hana enterekero have, akagihà Penina ebigabi, mukage n'abagala n'abali. ⁵ Cikwone akagihà Ana bigabi bibiri,bulya alimusimire bwenene, oyo Nnamubaho alijijire ngumba. ⁶ Mbanda wage akagi mushekera, mpulyo agaya bulya Nnamubaho alimugumbize. ⁷ N'emyaka yoshi kwo byakagibà ntyo. Ngasimango erhi Ana akayinamukire omu nyumpa ya Nnamubaho, Penina akagi muganyagusa kwonokwo. Akagiyama na ntakucirya. ⁸ Eliana, iba, akagi mubwira: Ana, bulyagurhi oliwalaka, orhanali walya? bulyagurhi omurhima gwaweguli burhè? Kantalushiri hana ikumi emundoli? ⁹ Ana ayimuka ehri bamala okulya n'okunywa eshilo. Mwene Eli alitamire oku ntebe have, ahaburhambi ly'omutungo mugumagw'om'ishengero lya Nnamubaho. ¹⁰ Na, obululu omu murhima, ashenga Nnamubaho anlyarhow'emirenge. ¹¹ Anajira eciragane, omukuderha: Nnamubaho w'emirhwe! nka wakasinza okulibuka kw'omujakazi wawe, nka wakankengera, orhana yibagiraga omujakazi wawe, n'erhi wakahà omujakazi wawe omwana w'omurhabana, nayishi muhà Nnamubaho ensiku z'akalamu Kage Joshi, n'olwembe lurhaka mugera okw'irhwe. ¹² Nkoku alikasangi ashenga embere za Nnamubaho,Eli asinza akanwa Kage. ¹³ Ana akagiderha omu murhima gwage, akadund'akanwa ci arhakagi hubula. Eli amanya mpu alalusire. ¹⁴ Anamubwira: kuhika mangaci wabera omundalu, oleke ecinywebwa cawe. ¹⁵ Ana amushuza: nanga, Nnahamwirhu, ndi mukaziolibwire omu murhima gwage, ntanywire manvu erhi chiywebwa can kulalusa, ci ndi nayanika omurhima gwani embere za Nnamubaho. ¹⁶ Orhabone omujakazi wawe nka mukazi cinganyi, bulya bwinji bw'amalumwa n'oburhè gwani birhumire ndinaderha kuhika buno. ¹⁷ Eli ashubiriza aderha: genda n'okurhula, Nnamahanga w'iraeli ayemere amahuno wamuhunyire. ¹⁸ Aderha: omujakazi wawe abone olukogo emalanga case. N'oyo mukazi anacigendera. Ajirya, Nnamahanga gage gayinjiha. ¹⁹ Banazuka hibungubungu, n'enyuma ly'okufukama embere za Nnamubaho, bagaluka bashubira emwabo drama, Elikana amanya mukage, Ana, na Nnamubaho amukengera. ²⁰ Omwogwo mwaka, Ana ab'izimi, anaburha omugala, amuyirika samueli, bulya, Aderha, namuhunyire emwa Nnambaho. ²¹ iba Elikana aciri yinamuka haguma n'enyuma have yoshi, okujirhula Nnamubaho entulo y'omwaka, n'okuhikiriza eciragane cage. ²² Cikwone Ana arhayinamukaga, abwira iba: han'omwana anena amonka, nayishi muheka, lyo muhana embere za Nnamubaho, ayibere lwoshi. ²³ Elikana, iba, amubwira: ojire ebi osimire, olinde anene amonka. Bisimise Nnamubaho okuhikiziza akanwa kage. Namukazi asigala ayons'omugala, kuhika amunenes'amonka. ²⁴ Erhi anen'amonka,amuyinamula Joshi Nate, arhola na mpanzi isharhu,na namaha w'eshano, n'akabehe k'idivai. Amuheka omunyumpa ya Nnamubaho eshilo: omwana aciri murho bwenene. ²⁵ Abaga ezo mpanzi, anahekera Eli oyomwana. ²⁶ Ana Aderha: Nnahamwirhu, mbabalirwe nkoku omurhima gwawe gulamire, Nnahamwirhu, nie olya mukazi wakagi bera hofi naweoku huna Nnamubaho. ²⁷ Oyomwana ye nakazi huna, na Nnamubaho ayunv'amahuno namuhunyire. ²⁸ Nantya namuho: akalamu kage Joshi namuhoza Nnamubaho,anafukam'aho embere za Nnamubaho.