¹ Ana ahuna, aderha: omurhima gwani gushagalusire omu Nnamubaho, emisi yani ya yimusire muli Nnamubaho, akanwa kani kayigusire emw'ashombanyi bank, bulya nshagalukire oburhabale bwawe. ² Ntaye oli mucesibwa nka Nnamubaho, harhali owindi Nnamahanga nkawe, harhali olundi lwala nka Nnamahanga. ³ Murhacikaderha nobwirhundulike, obwibone burharhengaga omu kanwa kinyu, bulya Nnamubaho all Nnamahanga oyishi byoshi, na muliyè ebijiro byoshi binagerwe. ⁴ Empenzi z'abobuhashe za vunisire, n'engonyo zigwerh'emisi nka mukaba. ⁵ Abali yimusire bali bacikunga enyanya z'omugati, n'abali shalisire bali barhamuka. Ciru n'engumba ebusire kalinda. N'owaligwerhe haha banji bali bagonyohire. ⁶ Nnamubaho anayirhe anacizè. Anahonolere omu kuzimu, anayinamule enyanya. ⁷ Nnamubaho anakenyè anagazè, anahonole anayinamule. ⁸ Kurheng'omu luvù anakùle omukenyi, omu nvùngu anayinamule omugalaganda, n'okumudahaza haguma n'abalengerire. Na anabagabire entebe y'irenge; bulya entimanyo y'igulu eri ya Nnamubaho, n'oku ye kwo ayimanzize igulu. ⁹ Ayishi langa olungenzilw'abazigirwa have.Ci endyalya ziyishi bulabula omu mwizizi; bulya omuntu arhakahima oku misi. ¹⁰ Abashombanyi ba Nnamubaho bayishi juguma; kurhenga enyanya z'amalunga oyishi bakwebakw'omukungulo; Nnamubaho Ayishi twira amahanga y'igulu olubanja. Ayishihà omwami save oburhwali, na Ayishi yinamula emisi y'omushigwa save. ¹¹ Elkana acishubirira emwag'erama, n'omwana abera oku mukolo gwa Nnamubaho embere ly'omudahwa Eli. ¹² Bene Eli bali Bantu bagalugalu, barhanacigonzagya Nnamahanga. ¹³ Lolaga olwali lugenzi lw'abobagula embere z'olubaga. Erhi omuntu akahanyirè entulo, omukozi w'omudahwa akagiyisha amango bakagi dogomya enyama. Afumbirhe namiromo wa mino asharhu. ¹⁴ Akagi funds oyo namiromo omunyungu, omu idurhu, erhi omu kanoga, n'ebi oyo namiromo akagi yisha ajebwire, omugula akagi cihekerabyo. Ntyo kwo akagijira oku b'israeli boshi bakagiyisha eshilo. ¹⁵ Ciru embere bayoce amashushi, omukozi w'omugula akayisha abwire oliwarhula: one omugula enyama y'omunyafu, arhacishi kuhunè oku ndeke, alonzize enyama mbishi. ¹⁶ N'erhi oyo muntu akamubwizire: hanorhuba rhwama shushagiza, wayishi rhola ahakusimisa, n'omukoziakagi shuza: nanga! ompe buno, nkaba nanga nacihà n'emisi. ¹⁷ Eyo misole yakagi ciyaza embere za Nnamubaho, okucaha cinene, bulya bakagi ganyagusa enterekero za Nnamubaho. ¹⁸ Samweli akagijira omukolo embere za Nnamubaho, n'oyomwana akagi yambala ecishuli c'obwoya. ¹⁹ Nina akagi muhangira ngasi lwala akanzo, anamuhekere ko erhi bakagi yinamuka bone iba olubanja enterekero y'omwaka. Eli agisha Elkana na mukage, omukuderha: Nnamubaho akuhè abana okw'oyu mikazi, bulya bagombole oyu ahozagya Nnamubaho! banashubira emwabo. ²¹ Erhi Nnamubaho abonekera Ana, aba izimi, aburha bana basharhu barhabana na banyere babiri. N'omwana Samweli akulira hofi na Nnamubaho. ²² Eli alikola mushozi, anamanya ebi abagala bakagijira oku b'israeli, ayunva oku bakagirhola abakazi bakagi cirhumbika omu muhango gw'ihema ly'okurhimanana. ²³ Ababwira: bulyagurhi mwajijirentyo, bulya ndinayunva oku Bantu boshi amabi ginyu. ²⁴ Nanga bana bank ebi ndinayunva birhali binjà, mulimwagomera olubaga lwa Nnamubaho. ²⁵ Erhi omuntu akagomera awundi muntu, Nnamahanga wayishi mutwira olubanja. Cikwone erhi akagomera Nnamubaho, ndi wakamusambira? barhayunvagya ishe, bulya Nnamubaho alilonzize abayirhe. ²⁶ Omwana Samweli agendekera akula Abali murhonyi wa Nnamubaho na w'abantu. ²⁷ Muntu muguma wa Nnamahanga ayishira Eli, amubwira: ntya kwo Nnamubaho adesire: kantacifululaga oku nyumpa ya who, amango baciri emisiri omunyumpa ya Farao? Namulondwire omu milala yoshi y'israeli oku and omu mukolo gwani gw'obugula, okuka yinamuka oku luhero lwani, okuyoca eshange, n'okuyambala eishuli embere zani, nahirè eyumpa ya sho ngasi ntulo nyocè erherekirwe n'abana b'israeli. ²⁹ Bulyagurhi muli mwaganyagusa enterekero yani n'entulo zani, narhegekaga omunyumpa yani, na ngahi birhenzire oku okenge bagala base kundusha, mpulyo mushushagiza amalibuko g'enterekero zoshi g'israeli, olubaga lwani? ³⁰ Cocirhumire ololage ebi Nnamubaho adesire, Nnamahanga w'israeli, nalidesire oku enyumpa yawe n'enyumpa ya sho, bayishi kagenda emalanga gani ensiku zoshi. Na buno Nnamubaho adesire: munje kuli! bulya nayishi kenga onkenzire, ci abadahire bayishi lahiwa. ³¹ Lolaga, ensiku akayisha na hagula okuboko kwawe n'okuboko kw'enyumpa ya sho wawe, lyo omunyumpa yawe murhacibaga mushozi. ³² Wayishibona omugombozi omunyumpa yani, cikwone Israeli ayunjula aminja ga Nnamubaho; n'omunyumpa yawe murhakaciboneka mushosi. ³³ Nayishi muguma omu benewinyu oku luhero lwani, lyo nkuhus'amasu n'okukugayisa; ci ab'omumwawe boshi bayishifà omu busole. ³⁴ Wayishibon'ecimanyiso oku bagala base babiri, Hofni na Pine bayishifà bombi kuzimu luguma. ³⁵ Nayishi ciyimikira omudahwa mwikubagirwa, owayishi kakola oku murhima gwani, n'oku bulonza bwani; nayishi muyubakira enyumpa erhinzire, na ayishi genda emalanga gani nka mushigwa wani. ³⁶ Na ngasi w'omumwawe wayishi sigala ayishi ka muyubakira lyo abona igerha erhi kalyo, anaderhe: nkusengire, ompebe oku mukolo muguma gw'obudahwa, lyombona akalyo nalya.