¹ Na achuka haho na pkwenda mdzini Nazareti na anafunzie wachimtua. ² Sabato irihofika, weanza kuwafundisha kahiza sinagogi, atu anji emusikiza na wachishangazwa wachigomba wepata hiho mafundisho gano?” Ni hekima ya namna hiyo ino ariyoipata?” Yuno Jesu yunahendadze miujiza ino pkwa mikono ye?” ³ “Je yuno siiye mhoho wa seremala, mwana wa Mariamu na nduguyai ahiye ni Yakobo, Yese, Yuda na Simioni? Je dadze hunaishi nao haha hamwenga nasi?” Atu a Nazareti kawahamirirwe na mafundisho ga Jesu. ⁴ Jesu achimwambira, “Nabii kapata heshima, kahiza mdziwe hata pkwa nduguze a nyumbani mwapkwe.” ⁵ Kawzehe kuhenda miujiza, ela wawaikiha mikoni akongo achache achiwahoza. ⁶ Weshangazwa sana pkwa sababu ya kugeamini pkwao kisha wevitsemberera vidzidzi vya jirani achifundisha. ⁷ weweha ao anafunzi kumi na airi achanza kuwahuma airi airi wewapa mamlaka dzulu ya pepo achafu ⁸ na kuwamuhu wasihale chochosi wanohoenda isihiokala fimbo tu, wasihale chakuria wala mkoba wala pesa chibindoni. ⁹ Lakini wa vale vhahu na sio kanzu mbihi. ¹⁰ Na achiwambira, “Nyumba yoyosi mndiyoenjira gagalani haho mpaka mndihouka. ¹¹ Na mdzi wowosi usihowahuchera wala kuwasikiza ukani pkwao kukutani mavumbi ga magulu genu ikale ushuhuda pkwao.” ¹² Nao wachenda wachiwambira atu watubu na kuhicha dhambi zao. ¹³ Anafunzi warihoenda ewainza mapepo anji na ewahaka mafuha akong’o na waerihozwa. ¹⁴ Mfalme Heredo ariho sikira kuhusu habari za Jesu jinsi anavyo hoza na pkwinga mapepo na kutambulika pkwa atu, baadhi ya atu egomba indakala Yohana mbatizaji wefufuka na pkwa sababu iyo ii ngucu ya miujiza inahenda kazi ndani ye. ¹⁵ Baadhi ya atu wachiamba, “Yuyu ni Eliya, Ariye Mlungu weahidi kukala yundauya,” anjine wachigomba, “Yuyu ni nabii, hehe mmwenga wa ao manabii wa zamani.” ¹⁶ Lakini Herode arihosikira sasa achigomba, “Yohana niriye lagiza asikari wamkate chichwa yufufuka.” ¹⁷ Maana Herode mwenye wehuma asikali Yohana akatwe na wemfunga gerezani pkwa sababu ya Herodia (Mehe wa nduguye ariye ni Filipo) ¹⁸ pkwa sababu Herode “si halali kumhala mche wa ndugu yo.” ¹⁹ Lakini Herode weanza kumtsukirirwa na wekala achimala kumolaga Yohana lakini kawezere vivyo wetafuta njiha ya kumolaga. ²⁰ Maana Herode wemogoha Yohana wemanya kukala ni mwenye haki na mtu mtakatifu na wemhicha salama na ariohendereha kumsikiza Yohana wehuzunika sana lakini wefurahia mazungumzoge kuyasikiza. ²¹ Hata uriofika wakati kamili ichikala idzikaribia siku ya kuvialwa, Herode achiwaandirira maofisaa we sherehe, na kamansa, na vilongozi a Galilaya. ²² Ndigho binti ye Herodia achenjjira na kucheza mbeehe yao, achimfurahisha Herode na ajeni wariasagala wakati wa chakuria cha dziloni. Ndiho mfalme achimwambira binti, “Nivyoye chochosi nichihenzaco nami nindakupa.” ²³ Achimwikiha chihaho na kugomba chochosi undichonivoya nindakupa hata nusu ya ufalme wangu niumikia. ²⁴ Binti achombola konze ya chumba cha sherehe achimza mameye. “Nivoye noni?” Mameye achigomba, “Voya chitswa cha Yohana mbatizaji.” ²⁵ Pkwa haraka sana achenjira pkwa mfalme achanza kugomba, “Namala unipe dzulu ya sahani chitswa cha Yohana mbatizaji.” ²⁶ Mfalme wesikitizwa sana na voyo ra binti. Lakini pkwa sababu ya chiraho che na pkwa ajili ya ajeni kawezere kumkaharika voyo re. ²⁷ Vivyo mfalme achihuma askari kahiza arinzie na kuwalagiza pkwenda kumrehera binti chitswa cha Yohana. Mrinzi wepkwenda kumkata chitswa Yohana achikala chifungoni. ²⁸ Achichireha chitswa che pkwenye Sahani na kumpa binti, na binti achimpa mameye. ²⁹ Na anafunzi a Yohana wariosikiria gago epkwenda kuuhala mwiriwe kuzika kaburini. ³⁰ Na mitume warihouya kombola kuhubiri ekusanyika hamwenga mbere ye Jesu wachimweleza gosi wadzigohenda na wadzigogafundisha. ³¹ Naye achiwambira, “Nzoni mwimwi anafunzi angu hatuha faragha na hupumzike pkwa muda.” Atu anji ekala wanadza pkwa mitume na kuka hata kawapatire mda wa kuria chakuria. ³² Vivyo wapanda mashua wachenda hatu hafaragha hasihokala na atu. ³³ Lakini atu ewena Jesu na anafunzie wachuka na anji wachiwamanya pkwa hamwenga echimbira pkwa kuchirira njira ya magulu kombola midzi yosi, nao wachifika pwani kabila yao. ³⁴ Jesu na anafunzie warihofika pwani, wao na gulupu bomu na achiwahurumia pkwa sababu ekala here kondoo wasiokala na mhigaji na achanza kuwafundisha mambo manji. ³⁵ Mda wepkwenda sana yekala ni dziloni, anafunzi wachimdzira wachimwambira, “Haha ni hatu hafaragha kahana makalo ga atu, na muda udzendereha sana. ³⁶ Uwalage atu midzi yajirani na vidzidzi ili wakadzigarire chakuria.” ³⁷ Lakini achiwajibu achigomba, “Wape mwimwi chakuria.” Wachimwambira, “Hunaweza pkwenda na kugula mikahe yenye thamani ya dinari magana mairi na kuwapa warie.” ³⁸ Achiwauza, “Mna mikahe mingahi? Endani mkalole.” Wariholola wachimwambira, “Mikahe mitsano na Samaki airi.” ³⁹ Achiwamuru atu wasagale kahiza makundi makundi dzulu ya makodza maitsi. ⁴⁰ Wachiwasagaza kahiza makundi makundi ga Magana pkwa Hamsini. ⁴¹ Kisha achihala mikahe mitsano na Samaki airi na kulola mlunguni achimshukuru Mlungu kisha achiwapa anafunzi waike ili wawape makutano wachiyika mbere ya umati. Nakisha achigavia Samaki airi na kuwapa atu osi. ⁴² Atu osi eria mpaka wachitosheka. ⁴³ Ekusanya vipande vya mikahe iriyobaki vixhodzala vikahana kumi na vihi na pia vipande vya Samaki. ⁴⁴ Na ekala anaalume elfu tsano warioria mikahe na Samaki lakini anaache na ahoho kawatarirwe. ⁴⁵ Kisha achiwambira anafunzie wapande pkwenye mashua wende sehemu nyinjine mpaka Bethsaida, wakati iye achiwalaga makutano. ⁴⁶ Atu warihogoma kuka, Jesu achenda mrimani kuvoya. ⁴⁷ Irihodika dziloni, na mashua yao yekala kahikahi ya bahari, naye Jesu wekala hacheye pwani. ⁴⁸ Na wewona wachitabika kubiga makagia pkwa sababu ya peho idziwavulia irihokaribia madzacha achiwendera, achitsembera dzulu ya madzi na wemala kuwachira. ⁴⁹ Lakini warihomona Jesu yunatsembera dzulu ya madzi wachenjirwa ni wasiwasi wachidani ni mzimu wachihiga kululu. ⁵⁰ Pkwa kukala emona wachodzalwa na hofu, maha Jesu achigomba nao achiwambira, “Mukale na ujasihi! Ni mimi! Musikale na hofu. ⁵¹ Achenjira ndani ya mashua na peho ichiriha kuvuma na wachimushangaa sana. ⁵² Vivyo kawakarire wadzele maana y aiyo mikahe maana hakili zao zekala zishidwa pkwelewa. ⁵³ Nao warihovuka ng’ambo efika itsi ya Genesareti mashie ichenjiza nanga. ⁵⁴ Warihoombola konze na mashua atu wachimutamba Jesu na anafunzie wekudza. ⁵⁵ Wachichimbira kutangaza kahiza mkoa mzima na wachanza kuwareha atu akongo pkwa machela, chila ariyesikira wekudza. ⁵⁶ Hohosi arihoenjira kahiza vijiji au mjini au kahiza intsi, atu ewaika akongo hatu ha goko na hatu wachimvoya awaruhusu akongo kuguta pindo ra vazire. Na osi wariomguta ehozwa.