¹ Kisha weanza kufundisha kanda ya bahari na kundi bomu rekusanyika richimzunguka. Acheinjira ndani ndani ya mtumbwi baharini na kusagala ndani yam tumbi kundi rosi rekala konze ya bahari mfuoni. ² Na achiwafundisha mambo manji pkwa mifanari na achimwambira kahiza mafundisho ge. ³ “Sikizani mnyali wepkwena kunyala mbegu. ⁴ Arihokala achinyala, baada ya mbegu zewa njihani, na tsongu wachidza ziria. ⁵ Mbeyu zinjine zeswa pkwenye dziwe, ariko kahana udogo mnji. Mahamwenga zichimeha, pkwa kukala kaipatire udongo wa kutosha. ⁶ Lakini dzua ririho ombola mimeha yenyauka. Pkwakukala kaikarire na miziji zichikauka. ⁷ Mbeyu zinjine zegwa kahikahi za miiya. Miiya ichikula na kuzilinga na kazivyarire matunda gogosi. ⁸ Mbeyu zinjine zeswa pkwenye udongo mdzo na zichiviala matunda wakati zichikula na konjezeka na kuviala maha mihonzo mihahu zaidi, mihongosita, na pia maha gana mwenga.” ⁹ Na achigomba, “Yoyosi mwenye masikiro ga kusira na asikire.” ¹⁰ Jesu arihokala hacheye ao wariokala hehi naye na ao kumi na airi emza kuhusu mafumbo. ¹¹ Achiwa, “Pkwenu mwimwi Mlungu yudziwafunuriha siri za ufalme we, lakini pkwa wario konze chila chitu ni pkwa mafumbo. ¹² ili wachilola ndio walole, lakini wasoni na wachisikira ndio wandasikira, lakini waselewe, hebu secyo wakagaluka na Mlungu akawasamehe.” ¹³ Jesu achimwambira, “Je kamwelewa mfano uu? Vino mndawezadze pkwelewa mifano minjine?” ¹⁴ Mnyali wenya neno. ¹⁵ Aa ndio ao wario kando ya njira, hatu neno ridzihonyalwa wariho sikira mahamwenga shetani achidza na kurikala neno abaho hidzinyalwa ndani yao. ¹⁶ Na baadhi ya mbeyu zihizonyalwa dzulu ya dziwa, ario wanahosi kira neno warihochera mara mwenga pkwa haha. ¹⁷ Lakini Kawana miziji yoyosi ndani yao, lakini nikuvumiriha pkwa muda baadaye wakati shidi na mateso gadzaho pkwa sababu ya neno maha mwenga ni kuhicha imani. ¹⁸ Na anjine ao warionyalwa kahiza miya ao wario nikurisikira neno. ¹⁹ Lakini masumbuko ga dunia na ukengaji wa mali na tamaa za mambo manjine nikudza na kuhilinga neno na kari na nguvu. ²⁰ Ao wihio nyalwa pkwa udongo mdzo ni ao wanao sikira neno kurihochera na kuviala matunda, miro ngomihahu mihandahu mara gana mwenga zaidi. ²¹ Jesu achimwambira, “Je nikukala unaheha taa ndani ya nyumba na kuyika tsini ya chikahana au tsini ya chitanda? Nikuireha ndani na kuyika dzulu ya chango. ²² Pkwa kukala kakuna chochosi chirichoodzifitsa aricho kachindamanyikana na kuhana siri iriyo kaindaipkwa wazi. ²³ Iye ahiye na masikiti na asikire.” ²⁴ Achimwambira, “mkale makini pkwa chicho msikiracho, pkwa kukala chipimo mndahumira chicho mndicho pimirwa na zaidi mndonjezwa pkwenu. ²⁵ Pkwa kukala eye ariye nacho yundonjezwa zaidi, na iye ariye pkwapkwe chindahalwa hata chicho nacho.” ²⁶ Achigomba, “Ufalme wa Mlungu ni here mtu ariyenyala mbeyu kahiza udongo. ²⁷ Alalaye usiku na kulamka madzacha na kona mbeyu zimeha na kukula hata chikala kumanya zidzivyomeha. ²⁸ Ahidi nikuviala mimeha yenye pkwanza majani halafu malua, halafu nafaka iriyo ikomala. ²⁹ Wakati mavyalo sadziva, iye nikuhuma maha mwenga nikuhirika panga pkwa kukala mavyalo gafika.” ³⁰ Na kaheri achigomba, “Ni nani hunaweza kulenganisha na ufalme wa Mlungu, ai ni mfano hio hunaweza humira pkweleza? ³¹ Ni hehe mbeyu ya haradali iriyo ichinyalwa na tite zaidi kuriko mbeyu zosi duniani. ³² Hata wakati inyalwa, nikalala bomu zaii ya mimera yosi ya bustani, na nikutengeza matawi mabomu, pkwa vivyo ndege wa angani wanaweza kutengeze visunzi pkwa chivuhivu vhiche.” ³³ Mafumbo manji hehe gaga Jesu wegomba nea neno pkwa kadhi walivyoweza pkwelewa. ³⁴ Na kago mbere nao bila mafumbo. Lakini arihoka la hacheye wewelewesha anafunzie. ³⁵ Siku iyo wakati wa dziloni urihofika achimwambira, “Hindeni ng’ambo irahu injine.” ³⁶ Vivyo wachihiricha kundi ra atu, wachimuhala Jesu vivyo arivyokala ndani ya chombo pkwekala na vhombo vinjine virivyo enda naye. ³⁷ Dhoruba ya peho kali ichomboreha na mawimbi gekala gachenjiha ndani ya mashua hata mashua karibu kodzala madzi. ³⁸ Lakini Jesu mwenye wekala nyuma ya meli yurehe dzulu ya mho. Enafunzie wachimlamusa wachimwambira, Mwalimu kujali kukala huhuhehi karibu pkwangamika?” ³⁹ Achilamuka, achiikemera iyo peho na achiyambira bahari, “Amani! Huriha”, iyo peho ichihurirana kuchikala na uhuhizu mubou. ⁴⁰ Achigomba nao, “Mbona mnagoha? Bago hamna imani?” ⁴¹ Odzalwa na hofu bomu ndani yao na wachambirana, “Yuno nani hata peho na bahari vinamtii?”