¹ Kisha Jesu weenjira ndani ya sinagogi na mwekala na mtu mwenye mkono urioholoza. ² Baada ya atu ekala wachimchunguza pkwa hehi kulola chikala yundamhoza siku ya sabato ili wamshitaki. ³ Jesu wemwambira mtu mwenye mkono urioholoza, “Unuka weme kahikahi ya umati uu.” ⁴ Kishi achimwambira ao atu, “Je ni halali kuhenda hendo hidzo siku ya sabato au kuhenda gasigo haki; kokola maisha au kolaga? Lakini kawajibire wachinya mala zi. ⁵ Achiwalola pkwa hasira, achihuzunika pkwa sababu ya ugumu wa mioyo yao na achimwambira iye mtu, “Gologa mkono o.” Achigologa na Jesu achimhoza mkonowe. ⁶ Mafarisayo wachenda konze wachihenda njama hamwenga na mahenodi dzuluye kumolaga. ⁷ Kisha Jesu hamwenga na anafunzie, epkwenda baharini na kundi bomo ra atu heatua richomborera Galilaya na Uyahudi. ⁸ na kombola Jerusalemu na sidumaya na mbere ya Yoridani na jirani ya Tiho na Sigoni; kundi bomu ririhosikira chila chitu arichokela unachihenda, ekudza pkwapkwe. ⁹ Na wewambira anafunzie kuandaa mtumbwi mtite pkwa sababu ye pkwa sababu ya kundi ili kukala wasidze wakamzonga. ¹⁰ Pkwa kulalawewa hozaanji chila mtu ariyekala na mateso wekala na shauku ya kumfikiha ili amgute ahole. ¹¹ Hohosi hoho achafu warihomons engwa hotsi mbereye na kuriha na kugomba, “Uwe umwana wa Mlungu.” ¹² Wawakemea pkwa msisitizo wasimhende amanyikane. ¹³ wepanda dzulu mrimani, na achiweha ariowahenza na wachimwendera. ¹⁴ Achiwatsagula kumi na airi (arioweha atumwa) ili kukala wakale hamwenga naye na achiwahuma kuhubiri. ¹⁵ na achiwapa mamlaka gakomboza mapepo. ¹⁶ Na achiwatsagula kumi na airi; Simoni ariyempa dzina ra Petro. ¹⁷ Yakobo mwana wa Zebedayo na Yohana nduguye Yakobo, ariyepewa dzina ra Bonagesi, ao ni ana a ngurumo, ¹⁸ na Anderea, Filipo, Batholoyo, Mathayo, Tomaso, Yakobo mwana wa alifayo, Thadayo, Simoni mkananayo. ¹⁹ na Yuda Iskariote, ariye Yuda msaliti. ²⁰ Kisha wepkwenda nyumbani na kundi ra atu wachimtua pkwa hamwenga kaheri, hata wasiweze kuhia hata mkahe. ²¹ Familiaye warihosikira habari iyo, epkwenda kumubwira, pkwani egomba, “Yulipupkwa na akili.” ²² Aandiki wariokudza kombola Yerusalemu egomba, “Yupagawa na Beelzebuli, na pkwani mtawala wa mapepo na yunomboza mapepo.” ²³ Jesu weweha pkwapkwe na kugomba nao pkwa mifano, “Jinsi hiyo shetani yunaweza kumomboza shetani? ²⁴ Chikala ufalme uchigavika wenye uwo uo kauweza pkwema. ²⁵ Chikala nyumba ichigavika yenye nyumba iyo kaiweza pkwama. ²⁶ Chikala shetani yundema chinyume che mwenye na kugavika, kaweza pkwema na yundakala yufika mwishowe. ²⁷ Lakini kakuna hata mmwenga awezaye pkwenjiha ndani ya nyumba ya mtu mwenye nguvu na pkweya vitu vye bila kumfunza pkwanza na kisha kuhala virivyomno nyumbani. ²⁸ Jeri nawambira, dhambi zosi za ana aafu zindasamehewa, hamhwenga na kukufuru ahizo wananena. ²⁹ Lakini yeyosi andeye mkufuhu roho mtakatifu kandasamehewa kabisi, bali yuna hatia ya dhambi ya milele.” ³⁰ Jesu werigomba hihi pkwa kukala ekala wachigomba, “Yuna hoho mchafu.” ³¹ Kisha mameye na nduguze ekudza na pkwema konze wachihuma mtu kumweha. ³² Na kundi ra atu rekala hisagala msamaha karibu naye wachimwambira, “Mameyo na nduguzo wakonze na wanakutsafuta uwe.” ³³ Wea jibu, “Ni nahiye mame wangu na ndugu zangu?” ³⁴ Wewa lola wariokala wasesehe wadzimzunguka na achigomba, “Lola, aa ni mame zangu na ndugu zangu! ³⁵ Yeyosi ahendaye mapenzi ga Mulungu, mtu eye ni ndugu yangu, na dada wangu na mame wangu.”