¹ Wakati sabato irihoma Mariamu Magdalena na Mariamu mameye Yakobo na Salome egula manukato madzo ili waweze pkwenda na kuuhala mafuha mwiri wa Jesu. ² Madzacha na mapema siku yap kwanza ya juma epkwenda mbira wakati dzua ririhoombola. ³ wachuza na ao pkwa ao? Noni andeuza dziwe pkwa ajili yehu ili hwenjire mbirani?” ⁴ Wakati wariho ona eona kakala dziwe mgonyakuswa naho rekala bomu sana. ⁵ wachenjira pkwenye mbira na wachimona chija na yuvala joho reruhe yusegehe upande wa kuria, na wachishangazwa. ⁶ Achiwaambira, “Msogohe mnamtsafuta Jesu Mnazareti ariyesulubiwa yufufuka! Kaho hah alala hohatu wariho kala wadzimwika. ⁷ Lakini enendani mkaambire anafunzie na Petro ya kukala yudziwatangulia pkwelekea Galilaya kuko mndamona hehe arivyo waambira. ⁸ Wachuka na kuchimbira kombola pkwenye mbira wachitetemeka na kushangaa kawagombere chochosi pkwa yeyosi sababu eogoha sana. ⁹ Mapema kahiza siku yap kwanza ya juma baada ya kufufuka wemborera pkwanza Mariamu Magdalena ariye kombola pkwapkwe wemomboza mapepo saba. ¹⁰ Weuka na achiwaambira ao wario ekala hamwenga naye wakati warihokla wachoomboleza na kuriha. ¹¹ Wachisikira kukala nimzima na yudzonekana naye lakini kawamwaminire. ¹² Baada ya mambo gago, weonekana kahiza sura injine na airi ai wariokala wachenda mashambani. ¹³ Wachiya na kuwambira anafunzi anjine wariobaki lakini kawamwaminire. ¹⁴ Jesu baadaye achidzomboza pkwa ao kumi na mmwenga warihokala wachiria mezani na achiwachemera pkwa kusoamini pkwao na ugumu wa miyo yao pkwa sababu kawawaminire aa wahomona baada ya kufufuka kombola pkwa wafu. ¹⁵ Achiwaambira, “Enendani urimwenguni kosi na kuihubiri injili pkwa viumbe vyosi. ¹⁶ Yeyosi aaminiye na kubatizwa yundaokolewa na iye asiyeamini yundahukumiwa. ¹⁷ Ishaha zizi zindagwirana na osi waaminio pkwa dzina rangu wandomboza pepo wandangoma pkwa lugha mbisha. ¹⁸ wandagwira nyoka na mikono yao n ahata wachinwa chitu chochosi na kolaga kachandawadulu wandaika mikoni yao dzulu ya akongo nao wandapata afya.” ¹⁹ Baada ya Bwana Jesu kugomba nao, achoholwa dzulu Mlunguni na yusegere mkono wa kulume wa Mlungu. ²⁰ Anafunzi wachuka wachihubiri chila hatu na Bwana achihenda kazi hamwenga nao na kulihakikisha riro neno pkwa ishara zirizogwirana nao.