¹ Sasa warihoka wafika Yerusalemu, ekala karibu na Bethfage na Bethania pkwenye mrima wa Mizeituni, Jesu achiwahuma airi miongoni mwa anafunzie ² na achiwambira, “Endani kahiza chidzidzi chirichokuko mkabala wenu chikala mdzenjira mmo, mndamona mwana punda ariye kadzapandwa. MFuguleni mmhehe pkwangu. ³ Na chikala yeyosi achiwaambira pkwa noni mnahenda vivi? Mnapawa kugombi, Bwana yunamhitaji na kisha yundamdzia haha.” ⁴ Wachenda wachimkuta mwanapunda yufungwa kunze mriangoni konze ya njiha bomu nao wachimfugula. ⁵ Na baadhi ya atu wariokala wadzema haho wachimwambira, “Mnahenda noni kumfugula mwana-punda iye?” ⁶ Wachiwaambira hehe Jesu arivyowaambira, na atu wachiwahi wenende. ⁷ Wachimreha mwana-punda pkwa Jesu na wachihandika nguo zao, naye achisagala. ⁸ Atu anji wachitandika mavazi gao bahabahani na anjine wachitandaza mafani wahigo Sakata mashambani. ⁹ Ao wariotangulia mbereye na ao wariomfua ebiza kululu, “Hosana! Yubarikiwa adzaye pkwa dzina ra Bwana. ¹⁰ Udzibarikiwa ufalme udzao wa baba yehu Daudi! Hosana dzulu Mlunguni.” ¹¹ Kisha Jesu achenjira Yerusalemu achenjira hekaluni achilola chila chitu. Sasa, wakati wekala upkwenda weombola pkwenda Bethania hamwenga nao kumi na airi. ¹² Machehoge warihokala wachombola Bethania, weona nzala. ¹³ Na achona pkwa kure mtini wenye majani achenda ilia one chikala yundaweza kupata matunda dzuluye, arihofika achona makodza tu pkwa kukala kaikarire majira ga matunda. ¹⁴ Achiwaambira, “Kahana yeyosi andiyearia tunda kombola pkwako kaheri na anafunzie wachisikira. ¹⁵ Wachifika Yerusalemu naye achenjira hekaluni na achanza kuwomboza konze aguzaji na agulaji ndani ya hekalu. Achizipendu la meza za abadilishaji wa pes ana vihi vya ao wariokala wachiguza majia. ¹⁶ Kamhurugihe yeyosi kubeba chochosi hekaluni chiriwaza kuguzwa. ¹⁷ Achiwafundisha na kugomba, “Je, kaya ndikirwe, nyumba yangu indaehewa nyumba ya sala pkwa mataifa gosi? Lakini mdziihenda pango ra anyang’anyi.” ¹⁸ Makuhani akulu na aandishi esikira arivyo kala yugomba, neo etafuta njira ya kumwangamiza, hata vivyo emogoha pkwa sababu umati weshangazwa na mafundishoge. ¹⁹ Na dziloni irihofika, euka mdzini. ²⁰ Warihokala wachitsembera madzacha, eona mhi wa mtini udziuka hata pkwenye mizijiye. ²¹ Petro achikumbukira na kugomba, “Rabii! Lola, mhi wa mtini urioulani udzikauka.” ²² Jesu achiwajibu, “Mukale na imani kahiza Mlungu. ²³ Amini nawaambira kukala chila awambiraye mrima uu uka na ukadzitsahe mwenye bahari, na chikala kana mashaka moyoni mwapkwe lakini yunaamini kukala adzichochigomba chindakala, vivyo ndevyo Mlungu andivyohenda. ²⁴ Pkwa vivyo ninawaambira, “Gogosi mgavoyago aminini kukala mdzigahochera, nago gandakala genu. ²⁵ Mwemaho na kuvoya, mnapaswa kusamehe chochosi mrichonacho dhidi ya yeyosi ilikukala Baba yenu ariye Mlunguni awasamehe pia mwimwi makosa genu. ²⁶ (Lakini msihosamehe wala Baba yenu ariye mlungumi kandawasamehe dhambi zenu.”) ²⁷ Wachuya Jerusalemu kaheri na Jesu arihokala achitsembera hekaluni, makuhani akulu, aandishi na azee ekudza pkwapkwe. ²⁸ Na wachimwambira, “Pkwa mamlaka higo unahenda mambo gano?” ²⁹ Jesu achiwaambira, “Nindawauza swali mwenga, nambirani na mimi nindawaambira pkwa mamlaka higo ninagahenda mambo gaga. ³⁰ Je, ubatizo wa Yohana weombola mlunguni au weombola pkwa anadamu? Nijibuni.” ³¹ Wachijadiliaa miongoni mwao na kushindana na kugomba, “Chikala huchigomba, kombola mlunguni yundagomba, pkwa noni basi kamwaminire?” ³² Lakini chikala hundagomba, “Kombola pkwa anadamu.” Ewagoga atu, pkwa kukala osi eshawishika kukala Yohana wekala nabii. ³³ Ndiho wachimjibu Jesu na kugomba, “Kahumanya.” Ndiho Jesu achiwaambira, “Tamimi si ndawaambira ni pkwa mamlaka higa na gahenda mambo gaga.”