¹ Ngo bhukota bha ikulu lá nguvfá bhú bhuvfalané na mukulu wa yavfulu undjo úvfudua kpalá, ivfungala bha kambia bholé bhèse bha Mizabibu. ² Aokana nabho ibhá lipá dhénali tomoiá kilà bhusi, ká ábhá túmá á bholé. ³ Uvfunduwa á saa ya masaso, ká éná ibhamó bhàa bhubhiá á égulá iyo na mbèse ikià éma. ⁴ A bhásowa: kénai dyokuto á bholé bhámi, ká eneowuè nuwé iyo i engimaniè. ⁵ Ká bhukéna. Avfundúwá ka amó á sàa ya sità ká à saà ya tisà, ká ákià namuna ku témoi. ⁶ Na ivfundua á saà ya bhúú na yomó temoi, ú gboká bhaamô á égula iyo ku iyo, ká ubhásowa: mungusa wa éndje núgwali bhàtémé àno bhusi ku bhútúbhú mbèse ikuà éma? ⁷ Bhun'kpetania: indjèse na mushé undjo útúbhisià á mokambo. Kenai dyokuto á bholé bhámi, ábhásowa. ⁸ Dyaa bhusi bhouwá idjakoli, mukulà wa bholé avfia na kapita wèse: bhisià bhushé bhá mokambo, ká ubhà vfindá mushala, na iandjaangá bhàa bhatútútú mpaka ku angábhàa bhá pikililiè. ⁹ Bháa bha sàa ya tabhúú na yomo temoi bhu idja, k bhatapakilá mushé Dhenali témoi. ¹⁰ Bhàa bhá pikilie bhá idja ambusa, iwaza tàa bhá odhú yá iyéta; nge bha údha dyokúto kilà mushé Dhenali temoi. ¹¹ Na ipátá, bha ngúngú máká na mukulu wa yavfulu, ¹² ká bhuvfia: bhaà bhá mbúsà bhu kamba abhó kú saà témoi, ká wa bhá vfinda namuna témoi nàa, bhaà tú bhélià idoga la bhúsi ká na bhundjaa. ¹³ Un'kpetania tomoi wabhó: mbéni wami, sinekii ámi bhùbhi; tu okané ású nái ku Dhenali ku témoi? ¹⁴ Géiya iyo iyangangai, ká kénà. I ouwe anga bhaà bhamó namuna temoi na owé. ¹⁵ Indjé ámi na lúusa lá ikià émà yámitoku i onduwe? Indje ú éniè bhubhi à madjo mai áni yakià ya kià ékima? ¹⁶ Na éyo, bhá ambúsà bha gwaliè bhá pikiliè, ká pakiliè bhá gwaliè bhá mbúsà. ¹⁷ Dyaà Yesu ukéna á Yelusalema, ubhá geiya á m'bhongó bhatende bhèse ta bhúú na bhamó tabhavfili, ká abhasowá na paki: ¹⁸ enai, takénà à Yelusalema, ká mona wa mushé úgwaliè méiowané anga bhadumanga bhá bhakoli ká na bhakpalúà. Bhá mukumuwé á ligwà, ¹⁹ ká ú owaniè angá bha pagano, mungusá bhá mosákià, bhan'bhitila na mambaká, ká bhan'gigilá ká bhusi bh masaso ú omúwe. ²⁰ Ngo nyinya wa bháná bha Zebhedhayo an'bhambá Yesu na bhánà bhèse, ká bha tshúma màlie dyulu lá inévféma. ²¹ Ansowa: ú ondúwe indje? luusia, ansowa, ta bhána bhámi tabhavfili, bháno, bhágwali bhadjumané, á bhukota bhái, tomoi á ilúme lái ká undjomó á dyali dyai. ²² Yesu an'manyula: undje djibhiái iyo úvfemiè. Upasiè inyúwà lungú lúwò ipasiè inyuwá? Tupasiè, bha vfia. ²³ Ká ábhá kpetania: i ékima taà nú nyúwé lungú lámi,ngé naiyo ibhoniè idjumana á ilúme émi,ká igwali iyowané kú angá undjo tita ú avfisia nana. ²⁴ Bhaà ta bhúú, na iyoka iyo, bhusúmà na bha wanyinya bhaà tabhavfili. ²⁵ Yesu úbha bhisià, ká avfià: nudjibhiè ta bhakota bhá bhikita bhá tabhaliè na mbèse bhú endjini, ká taa bhadumanga bha bhakambisiè na iyonda labhó. ²⁶ Indje gwalièse namuna témoi anganú, n'topa undjo ú ondúwe igwala n'dumangá anganu, kià agwali n'kambià wanú; ²⁷ ká n'topa undjo ú ondúè igwala wa pikiliè anganú, kià agwali n'kobhé wanu. ²⁸ I dyito mona wa mushé ú idja, mbèse taà bhan'kambila, ngé ikambila ká iowá libhika lèse toku évfindo ya bhagi. ²⁹ Dyaa uvfunduwa á Yeliko, dyombo ta dhène lá bhushé lá mika Yesu. ³⁰ Ká énai, bhushé bhá bhutiti tabhavfili, bhadjumané an'bhongo wápaki, bhuokà taa Yesu ú étiyè, ká bhúvfamà wa dawidi! ³¹ Dyombo libhá susanyakia; dyúlu lá ibhá katanisia, ngé bhu vfámá na lokulu; útu úgwa bhukúkú, Bhwáná, mona wa Dawidi! ³² Yesu átémá, ábhabhisià ká avfia: núondúwe inekie núwe indje? ³³ Bhansowa: Bhwáná, kià madjo masú má éguláná. ³⁴ Mu idjalé na bhukúkú, Yesu ábhukulá mádjo mábho; ká dyokàa ku ibho iyénà, ká bhániká Yesu.