¹ Yesu arheng'eyo, n'okuj'omuchihugo chage.Abanafunzi bage bamushimba. ² Erhi olusiku lwa N'Namahanga luhika,arhonder'ayigiriz'omu kanisa.Bantu banji bakagi muyunvirhiza basomerhwa n'okuderha:Ngahy'aly'arhenz'eyi myanzi?Bumanye buch'obu ahabirwe nagurhy'ebi bisomerine byoshi biribyajirikana n'amaboko gage? ³ K'arhaly'olya muyubasi,mugala wa Maria,mwene wabo Yakobo ,na Yose,na Yuda,na Simoni?na bali babo kabarhali hano muli rhwe?Yanaba njira emwabo yokuhirima. ⁴ Chi Yesu ababwira:Omulebi arhaganyagusibw'erhaly'emwabo,omu babusi bage ,n'omunyumpa yage. ⁵ N'eyo arhajiraga yo chisomerine choshi choshi,nkab'ab'aja heb'amabok'oku balwala baguma baguma n'okubafumya. ⁶ Anasomerwa nokurha yemera kwabo.Yesu aj'agerager'oku mirhundu ya hofi ,n'okuyigiza. ⁷ Intyo,ahamagala baly'ikumi na babibiri,anarhonder'abarhuma babirhi babirhi,n'okubah'obuhash'enyanya ly'abazimu. ⁸ Abakomerez'okubarhahekaga kantu omu lugenzi,barhabaga n'akalyo,inshoho,erhi faranga omu bibuno; ⁹ Bashwek'ebirato,barhanayambale mishang'ibirhi. ¹⁰ Ahanyum'ababwira:Omu nyumpa nguma nguma mwajaa mwo,murhahulukaga kuhika murheng'eyo munda. ¹¹ N'erhi haguma haguma hankabonek'abantu barhamuyankiriri barhana muyunve,aho muharhenge munahorhol'amagulu ginyu,ly'ebyo buba buhamiriz'emwabo. ¹² Bagenda n'okuja kwa yigiriz'emyanzi y'okugokola. ¹³ Bajabahinv'abazimu banji,n'okuja kwashig'abalwala banji amavurha n'okubafumya. ¹⁴ Mwami Herodi ayunva bader'enyanya lya Yesu,oyu izino lyage lyalijir'irenge anderha:Yohana mubatiz'anafusir'omu bafu,cho chinarhumire kumugerera ajachijirir'ebisomeza. ¹⁵ Abandi bakaderha:Ye Eliya.N'abandi bakaderha:Ali mulebi nka muguma wa balebi. ¹⁶ Chi Herodi,omukumany'ebyo,aderha:Oyu Yohana nagwarhaga ye wafusire. ¹⁷ Bulya Herodi yen'ashwekwsize Yohana,nokumuheb'omu mpamikwa enyanya lya Herodia,muka Filipo,mwene wage,bulya kub'amuyansire, ¹⁸ Na Yohana akagi mubwira:Birhakushinganini okuyanka muka mwenewawe. ¹⁹ Herodia agaya enyanya lya Yohana ,n'okulonza mpu amunigise.Charhahashaga. ²⁰ Bulya Herodi akagi kayoboha Yohana,alimumanyire nka muntu w'okuli n'ochire,aka muhaliza,n'ahanyuma ly'okumuyunvirhiza,agaya bwenene,n'okumuyunvirhiza n'obushagaluke. ²¹ lero lusiku luguma lushinganine lwahika,amango g'ekengezo y'okuburhwa kwa Herodi,ajiris'akaramu oku bakulu bage,oku bimangizi ba basoda,n'oku bakulu be Galilaya. ²² Na mwali wa Herodi anadah'omunyumpa y'akarama;asama,asimisa Herodi n'aba balitamire boshi.Mwami abwir'oyu munyere:ompun'ebi walonza,nani nakuha byo. ²³ Ayushula,alapa:ebi wampuna byoshi,nakuha byo,chir'oluhande lyo bwami bwani. ²⁴ Omu kuhuluka,abwira nina:Bichi nahuna?Na nina ashuza:Irhwe lya Yohana Mubatiza. ²⁵ Ajira duba'okugaluk'emunda mwami ali,nokumubwira:Ndozize bwono buno ,omp'irhwe lya Yohana Mubatiza oku nsahani. ²⁶ Mwami agaya;chi,enyenye ly'ebilapo byage,n'ab'alitamire boshi,arhslonzagy'amulahirire. 27 Honaho arhum'omulanzi,mpw'alerh'irwe lya Yohana Mubatiza.Omulanzi agenda aniga Yohana omu mpamikwa, ²⁸ analerh'irhw'oku nsahani.Alih'omunyere,,n'omunyer'aliha nina. ²⁹ Abashimbulizi ba Yohana,omukumany'ebyo bayisha balirhol'omubiri gwage,bajiguheb'omu nchinda. ³⁰ Abanafunzi,baji chiheba hagum'ahaburhambi bwa Yesu,bamubwir'ebyajirikine byoshi,n'ebi bayigirizize byoshi. ³¹ Yesu ababwira:Muje hali aharali bantu,murhamuke hitya.Bulya hali banji bokuisha na banji bokugenda,arhali chirw'akasangi k'okulya. ³² Banagend'omu bwarho,lyo bachiyegula baj'arhali bantu. ³³ Bantu banji bababona bachigendera banabamanya,n'omu bishagala byoshi bagenda n'amagulu banabarhang'aha bajaga. ³⁴ Erhi barheng'omu bwarho,Yesu abon'olubaga lunene,abayunviz'obonjo bulya bali nka bibuzi birhagwerhi munger;anarhonder'abayigiriza bintu binji. ³⁵ Nkokw'akasangi kali kamashegera,abanafunzi bage bamuyegerera,banaderha:Aha lir'irungu nakasangi kagezire; ³⁶ Obahinve bagend'omu mirhundu eri hofi,bajigul'ebi balya. ³⁷ Yesu ababwira:mubahe mwen'ebi balya.Chi bamubwira:karhwagendi gul'emigati ye dinari magana gabirhi,rhuna bah'ebibalya? ³⁸ Anababwira:Migati inga mugwerhe?Gendi mulole.Erhi bamanya ,bashuza:Irhanu ,na nsamaki zibirhi. ³⁹ Ho naho ababwira oku babatamaze birhumbi birhumbi oku lubala, ⁴⁰ banatama oku mulongo gw'igana n'ogw'amakumi garhanu. ⁴¹ Arhola eyo migati irhanu n'ezo nsamaki zibirhi,anaimanul'amasu gag'emalunga,avug'omunkwa.Agab'emigati,n'okuyih'abashimbulizi bage,mpu bayigabir'olubaga.Anagab'ensamaki zibiri oku boshi. ⁴² Boshi balya banayugurha, ⁴³ Banagalukana ngenge ikumi nazibirhi ziyunywire birholo bya migati n'ebyasigir'oku nsamaki. ⁴⁴ Abalir'emigati byali bihumbi birhanu bya balume. ⁴⁵ Ahanyuma lyaho,akomerez'abashimbulizi bage oku bashone omu bwarho bagend'embere lyage olwindi lund,luyerekire'e Betisaida,amango yen'abir'alyasengeruk'olubaga. ⁴⁶ Erhy'ab'ama lusengeruka,ashon'oku ntondo,okuji huna. ⁴⁷ Erh'ibijingo bihika,obwarho bwaly'omunyanja,na Yesu ali yen'ekajabu. ⁴⁸ Abon'oku byalishinganin'abarhabale; bulyalir'empusi yabayishire kwindi kwindi.Oku bulindire bw'akani bw'obudufu,aj'emunda bali,omu kugend'okunyanya lye nyanja,n'okulonz'oku barhaluka. ⁴⁹ Erhi bamubon'ajagend'oku nyanja,barhanya mpu muzimu,banakubiza; ⁵⁰ Bulya bakaka mubona boshi ,banarher'obwenge.Honaho Yesu abadesa,n'okubabwira:Muyemere,nyene,murhayobohe! ⁵¹ Buzinda,ashona nab'omubwarho,n'empusi yana hulika.Boshi baban'obwoba banasomerwa; ⁵² Bulya barhayunvagy'ebisomeza by'emigati,buly'emirhima yabo yali mizibu. ⁵³ Ahanyuma ly'okuyichir'enyanja,baj'omuchihugo che Genezereti,banarhaluka. ⁵⁴ Erhi bahonok'omubwarho. ⁵⁵ baja zunguluka entambi zoshi,barhondera balerha abalwala oku chingo gasi hoshi bali manyire ali. ⁵⁶ N'angasi hoshi bahisire,omu mirhundu,omu biahagala,n'omu mashwa bakaheb'abalwala ahantu ha bantu banji,n'okumuhun'abayemerere bahum'oku chishumiro cho mushangi gwage,n'aba muhumire kwo bashi banafuma.