¹ Bahika ishiriza lyenyanja omu chihugo cha bagerese. ² Honaho yesu ali embuga lyo bwarho aisha,embere zage omuntu warhenga omuchinda,agwerhwe n'empusi mbi. ³ Oyumuntu ali lamire omu chinda nantaye muntu waka chi mushwesire chire n'obujongoro. ⁴ Bulya kanjikanji bakagi mushweka n'obonjogoro n'okutwa ebyuma nantaye wali gwerhe emisi yoku mugwarha. ⁵ Ali buzira kuhwa obudufu n'omushi omuchinda n'omi mishozi akayama n'oku chitwa namabuye. ⁶ Erhi abona yesu ebwa kuli,amulibirhira afukama embere zage. ⁷ Ayama okwizu lihamu,bichi bili ekagarhi kani rhwembi,yesu mwana wa N'namahanga oli nyanya hali?inkubwizire okwi zino lya N'namahanga orhandibuze. ⁸ Bulya yesu akagi mubwira rhenga omwoo muntu muzimu mubi. ⁹ Amudosa izino lyawe wendi legio ly'izino lyani amushuza,bulya rhuli banji. ¹⁰ Gwamuinginga bwenene orharhurhume enyuma lye chihugo. ¹¹ Aho hali okweyo tondo obuso bunene bwengulube zakagi kera. ¹² Nabazimu bamuhuna baderha orhurhume omwezo ngulube rhuzijemwo. ¹³ Abahangula'nabazimu babi barhenga baja omu ngulube,n'engulube zaharhula zalibirhira omu nyanja zali bihumbi bibiri za shulumukira omunyanja. ¹⁴ Abali yabwire bayaka,balumiza emyanzi omuchishagala n'omu murhundu abantu baji kalola bichibyo bya bire. ¹⁵ Bahika hofi nayesu babona olya wabazimu wali gwerhe entumbi yabazimu atamire,ayambirhe,n'omubworhere bwage bwinja bagwarhwa n'echoba. ¹⁶ Ababwine ebya gezire bakababwira ebya gezire emwa owa bazimu n'engulube. ¹⁷ Lero barhangira bainginga yesu mpu arhenge omu murhundu gwabo. ¹⁸ Erhi ashonera omu bwarho alya wa bazimu amu huna mpu bere bombi. ¹⁹ Yesu arha muyemereraga,chamu bwira;genda omu nyumpa yawe,emwa bantu bawe,oba shambalire byoshi ebi namuzinda anakujirire.nagurhi anakujirire naagurhi anakuberire bwojo. ²⁰ Agenda arhondera ayalagaza omu Dekapoli byoshi ebi yesu anamu jirire boshi basomerwa. ²¹ Yesu omu bwarho aja ishiriza lyenyanja,aha olubaga lwinji lwamu zunguluka ali oku buurhambi bwe nyanja. ²² Lerohaisha muguma wabakulu b'ishengero izino lyage Yairo erhi amu bona achilasha omu magulu gage ²³ Achimanyisa bwenene ayinginga mpu:Mwali wani murho ali bufa oyishe omuhebe kwa maboko lya chizibwa lya chiri lama. ²⁴ Yesu agenda bonaye n'olubaga lunene lwa bashimba lwaja mufundeza. ²⁵ N'obwo hali mukazi muguma wakagi rhenga omuko myaka ikumi nibirhi. ²⁶ Ali amalibula bwenene omu boko gaba ganga banji,ali amamala ngasi ebyali gwerhe chikwone ahrabonaga burhabale,chi agenderera okulibula. ²⁷ Ayunva bali baderha enyanya lya yesu,ayisha omulabaga enyuma,ahuma oku mushangi gwage. ²⁸ Bulya jag'aderha:inka nanka huma kwone oku mushangi gwage,nafuma. ²⁹ Konako kasanzi omuko gwa imanga,ayunva omumu biri gwage oku amafuma amalumwa gage. ³⁰ Yesu amanya honaho okwimisi yamamu rhenga mwo,ahindukira olubaga,aderha:indi ompumire oku mushangi? ³¹ Entumwa zage zamu bwira:obwine olubaga luku zonzire,wama buli derha:indi ompumire kwo? ³² Alola eburhambi bwage,mpu alole yene indi wajiraga echo. ³³ Omukazi,ayaboha anajuguma,amnya ebya gerekine ayisha achilasha omu magulu gage amu bwira okuli. ³⁴ Koki yesu amubwira:munyere wani,obwemere bwawe buku chizize,genda n'omurhula,ofume amalumwa gawe. ³⁵ Erhiba achiri aderha ntyo,haisha kurhenga emwomukulu w'ishengero abantu baderha:mwali wawe ana fire;bichi birhumire ochiri walibu za omwigiriza? ³⁶ Koki yesu buzira kushimba eyo myanzi,abwira oyo mukulu wishengero:Orha yobohe,oye mere kwone. ³⁷ Arhana yemeraga muntu mpu amuluse,kuleka Petro ,yakobo na yohana mwene yakobo. ³⁸ Bahika omu nyumpa yokulu wishengero,mwo yesu abwine olubaga,lugwerhe ishababe nabantu bakagi laka n;oku banda endulu nene. ³⁹ Adaha,ababira:bulya gurhi muli mwajira olubi,nabulya gurhi muli mwalaka?omwana arhafiri,kwoki ahunire. ⁴⁰ Bamushoholera,lero yesu ahulusa abantu boshi arhola ishe na nina wolya mwana nabalinmulusize baja omu mwana ali. ⁴¹ Amugwarha okuboko,n'okumubwira,Tabita koumi,kwo kuderha,munyre imuka nkubwizire. ⁴² Honaho umunyere ayi muka;anarhondera agenda bulya alikola agwerhe myaka ikumi n'ibirhi basomerwa bwenene. ⁴³ Yesu abakomereza bwenene oku omuntu yeshi yeshi arhamanya ebya gerekine anaba bwira oku bahe omunyere ebyokuya