¹ Kurhenga,sezi sezi,abakulu ba bajinji baj'omwihano haguma n'abashosi ,n'abandisi,n'abe chigamba boshi.Erhi baba bamashweka Yesu,banamuhan'emwa Pilato. ² Pilato amudosa:Kawe mwami wa Bayahudi?Yesu amushuza:Okudesire. ³ Abakulu b'abajinji balimudwirhe kw'obushumi bwinji. ⁴ Pilato achiri mudosa buhyahya:Kantaby'oshuzize?Lla binga bakushobesire. ⁵ Chi Yesu arhashuzagya bichi,byasomera Pilato. ⁶ Oku ngasi lusiku lukulu,bakagi shwekula mushwekwa muguma,oy'ulubaga lwakagi huna. ⁷ Hal'umumpamikwa owali hamagirwe Baraba n'babo bagoma oku bunizi bajirag'omubugoma. ⁸ Olubaga,erhi lusoka,lwarhondera lwa dosa nkoku baligwerh'obworhere bwoku baha. ⁹ Pilato abashuza:Kamusimire mbashwekulir'omwami wa Bayahudi? 10 Buly'ali manyir'oku kwal'oku bwagalwa bw'abajinji kwo kharhumire bamuhana, ¹¹ Ch'abakulu b'abajinji bashumik'olubaga,mpu Pilato,abe Baraba y'abashwekulira. ¹² Pilato,achiri derha,ababwira:Gurhi mulonzize njire enyanya l'oyu muhamagala mwami w'Abayahudi? ¹³ Bachiri yama buhyahya:Amanikwe. ¹⁴ Pilato abadosa:Bubi buch'ajijire?Banachiri yama bwenene:Amanikwe! ¹⁵ Pilato,alonz'asimis'olubaga,abashwekulira Baraba;n'erhi,ab'amashurhisa Yesu emikoba,abaha ye mpu bamu manike. ¹⁶ Abasika baheka Yesu omundalala ly'echogo,kwokuderh'omu lurhamba,bamuhira kw'olubaga lwa basika lwoshi. ¹⁷ Bamuyambis'echishuli ch'akana bwami,bana dekerez'echimane ch'emichugi balisusir'okwirhwe lyage. ¹⁸ Banarhondera bamulamusa:Asinge, mwami w'Abayahudi? ¹⁹ Banamushurh'iham'okwirhwe,bamukayira kwo,bamufukamira,bayunam'emalanga gage. ²⁰ Erhi baba bamamushekereza,bamuhol'echishuli ch'akana bwami,bamugalulir'emishsngi yage,banamuheka bagendi mumanika. ²¹ Baseza mulume muguma warhengag'ebwishwa,ok'abarhul'omusalaba gwa Yesu,ye Simoni Mukureni,Ishe wa Alexandre na Rufo. ²² Bana heka Yesu ahantu hahamagirw'e Golgota,hohadesirwe hantu h'empanga. ²³ Bamuh'endulwe mp'ayinywe,ch'arhayinywaga. ²⁴ Bamumanika,banagab'emishangi yage,bayiyesher'echigorhe lyo bamanya bichi ngasi mugum'aheka. ²⁵ Hal'aha nsa zisharhu,erhi bamumanika. ²⁶ Emyandio yali yerekin'enyanya lyo kuhanwa kwage yaligwerh'eyi myandiko:Mwami wa Bayahudi. Bamumanika ²⁷ haguma na bishumusi bibirhi,mugum'ekulyo,n'owind'ekumosho. ²⁸ Intyo byahikir'eb'amandiko gadesire:Ahirw'omu maganjo g'enkola maligo. ²⁹ Abageraga bakamujachira,banakadund'irhwe,banaka derha:He!wewahongol'ishengero,ona liyubak'omu nsiku zisharhu, ³⁰ Ochichize wene,ohonok'oku musalaba. ³¹ Abajinji bakulu,bona abandisi,bashekerezanya bone nanene,banakaderha:Achiziz'abandi,karhanka chichiza yene! ³² Oyu Kristu mwami w'Abayahudi,ahonokag'oku musalaba lyo rhubona rhuna yemere!Abali tundisirwe haguma naye bamu shekereza nabo. ³³ E'nsa ndarhu erhi zihikomwizizi ganab'omwigulu lyoshi kuhika nsa mwenda. ³⁴ N'aha nsa mwenda,Yesu ayama n'izu linene:N'Namahanga,N'Namahanga wani,bulya gurhi wanyasire? ³⁵ Baguma bomu bal'aho,erhi bamuyunva,baderha:Loli,amahamagala Eliya. ³⁶ Na muguma womu b'alibirh'ayunjuz'echihorhole ch'enkalishi,ana,chishweker'oku lusheke,amuha mp'anywe,anaderha:Muleke rhulol'erhi Eliya ayish'ish'amuhonole. ³⁷ Chikwone Yesu erh'ayama nizu linen'anahola. ³⁸ Omushangi gw'endeko gwabereka mpande zibirhi,kurh'eng'enyanya kuhik'idako. ³⁹ Omukulu w'abasirika wali ,wal'emalabga ga Yesu,erh'abon'okwama hola ntyo,aderha:Okunanali,oyu munt'ali Mwana wa N'Namahanga. ⁴⁰ Aho hali n'omukazi wakagi lolera hali.Omu bwo mwali Mariya we Mngadaleni,Mariya, nina wa Yakobo murho,na wa Yoshuwa,na Salomi, ⁴¹ Abakagi mushimba n'okumukoler'amango bali e'Galilaya,nabandi banji basokaga boshi e'Yerusalemu. ⁴² Erh'ebijingo bihika,bulya gali marheganyo,kwo kuderha,kwo kuderh'oku mulaliro gw'esabato, ⁴³ Ayisha Yosefu w'Armatayo ,muhanuzi mukengwa,naye yene akagika lind'obwami bwa N'Namahanga.Arhangul'okuja'ember lya Pilato mp'ajihun'omubiri gwa Yesu. ⁴⁴ Pilato asomerwa ok'anafire duba ntyo;ayish'adwirh'omukulu wa basirika noku mudos'erh'ali kasanz'afire. ⁴⁵ Erh'ab'omukulu wa basirika amumanyisa bwinja,anaha Yosefu omubiri. ⁴⁶ Erhi Yozefu aba anaguzir'omushangi mweru,ahonola Yesu oku musalaba,amuboha omu mushani mweru,anamurherekez'omu nchinda. ⁴⁷ Mariya mangadalena na Mariya nina wa Yozefu,balolerez'aha bamuhizire.