¹ Ehi Yesu arhenga eyo munda,aj'omuchihugo che Yudeya,kurhaluk'e Yordani.Olubaga lwashinganana buhyahya'aha burhambi lyage n'oku bworhere bwage,anachiri rhonder'abayigiriza. ² Abafarisayo banamujaho;n'oku,murhangula,bamudosa,nkaba kakuyemirw'omunt'ahinve mukage. ³ Abashuza:Gurhi Musa abarhegesire? ⁴ Nabo bamwibira,Musa ayemir'okuyandik'amaruba goku vun'obuhya n'oku muhinva. ⁵ Lero Yesu ababwira:Al'enyenye ly'emirhima yinyu mizibu byo byarhumire Musa abah'ely'irhegeko. ⁶ Chwoku murhondero gw'okubumbwa,N'Namahanga abumbire omulume n'omukazi; ⁷ Chochirhumir'omulum'asig'ishe na nina,anachishwekere kwo mukage, ⁸ Na bombi bayishi ba mubiri muguma.Nantyo barhachiri babirhi,chi bakola mubiri muguma. ⁹ Nanty'omuntu arhaberul'ebi N'Namahanga ahumanyanyagya. ¹⁰ Erhi bahik'omunyumpa,abaganda bage bachiri mudos'enyanya ly'ako kanwa. ¹¹ Ababwira:owanka hinva mukage akayank'owindi,erhi kuhush'ahushire. ¹² N'omukazi wankalek'iba anagendi yankwa n'owindi,erhi naye kuhush'ahushire. ¹³ Banamulerher'abana barho mpu,abahume kwo.Ch'abaganda bakalahir'abali badwirhe. ¹⁴ Erhi Yesu abona,agaya,anababwira:Mulek'abana barho baj'emunda ndi,murhanabagalule buly'obwami bwa N'Namahanga buli bw'ababashushire. ¹⁵ Mbabwizir'okunali,ngasi yeshi'orhayankirir'obwami bwa N'Namahanga nk'omwana murho arhakamuja. ¹⁶ Agali babagalira,abahir'omu maboko gage,abagisha,n'oku balambulira kw'amaboko. ¹⁷ Erhi Yesu ab'olal'omunjira,mulume mugum'ayish'alibisir'afukam'emalanga gage:Mwigiriza mwinja,amudosa,gurhi nanka jira lyo nyim'omubulamu bwensiku na mango? ¹⁸ Yesu amubwira:Bulya gurh'ompamagire mwinja?hali mugum'oli mwinja,anali N'Namahanga yene. ¹⁹ Omanyir'amarhegeko:Orhagonaga,orha nigaga,orhazimbaga,orha hamirizagy'obushumi,orha yisikanyagya muntu yeshi,okenge sho na nyoko ²⁰ Amushuza:Mwalimu,mbankulikir'ebyo byoshi kurheng'obusole bwani. ²¹ Erhi Yesu ab'amamusinza,amusima,amubwira:Hachikubulire kantu kauma;genda,oguz'eb'ogwerhe byoshi,obih'abakenyi,ly'oyishi habw'obuhirhi omu mpingu.Obuli yish'onchimbe. ²² Erh'agay'ako kanwa,oyo muntu anagend'anagayire;buly'aligwerhe birugu binji. ²³ Yesu ,amulola kwo,abwir'abaganda bage,byananabe bizib'oku bagale,okudah'omu bwami bwa N'Namahanga! ²⁴ Abaganda bage basomerwa okubona Yesu al'aderha ntyo.Anashubiriza,ababwira:Banabani,oku biribizibu oku bachishwekir'oku bugal'okudah'omubwami bwa N'Namahanga! ²⁵ Biri bilemb'engamiya eger'omu murhule gwe nsindani kulush'omugal'okudah'omu bwami bwa N'Namahanga. ²⁶ Abaganda bachiri somerwa bwenene,bakadosanya bone na nene;na ndigi wanka chizibwa? ²⁷ Yesu abalola,aderha:Ebyo birhahashiini emw'abantu,ch'arhali emwa N'Namahaga:Bulya byoshi bihashikin'emwa N'Namahanga. ²⁸ Petro anarhonder'amubwira:Lola,rhwasizire byoshi ,rhwana kushimba. ²⁹ Yesu ashuza:Mbabwizir'okunali,ntaye muntu warhenzir'erhi ny'entuma,erh'enyanya ly'omwanzi gwani gw'akalembe,enyumpa yage,erhibene wabo,erhi bali babo,erhi nina,erh'ishe,erh'abana bage,erh'amashwa gage, ³⁰ Abul'okuhabwa kal'igana,bun'omwenoka;enyumpa,bene wabo,bali babo,ba nina,abana babo,n'amashwa,haguma n'amalibuko,n'omumango gachiyisha. ³¹ Banji barhanzi bayishi ba bazinda,na banji bazinda bayishi ba barhanzi. ³² Erhi bal'omunjir'okusoker'e Yerusalemu,na Yesu abashokolera.Abaganda basomerwa banamukulikira n'echoba.Yesu achiri rhola buhyahya baly'ikumi na babirhi hofi naye anarhonder'ababwira ebwali gwasirwe bimuhikire: ³³ LOli,rhu sosir'e Yerusalemu,n'Omwana womuntu ahanw'omumaboku g'abajinji b'abadahwa,n'abashemuka b'ihano.Bayishi mutwir'ihano ly'okufa,banamuhan'emw'abapagani, ³⁴ Nabo bamushekere,bamutwire kwo,bamushurhe,n'enyu ly'ensiku zisharhu,ayishi fuka. ³⁵ Abana ba Zebedayo,Yakobo na Yohana,bayegerer'emunda Yesu ali,bamubwira:Mwalimu,rhwali simir'orhujirire ngas'ebi rhwahuna. ³⁶ Ababwira:Bichi mulonzize mbajirire? ³⁷ Orhujire rhutamale, mugum'ekulyo,nowind'ekumosho,amango waj'omu bukuze bwawe. ³⁸ Yesu abashuza:murhamanyir'ebi muhunyire.Kamwana nywa oku chikombe nanka nywera?erhi mubatizibwe oku bubatizo ngwasirwe mbatizibwe? ³⁹ Nabo baderha,mpu rhanahasha.Na Yesu abashuza,erhi:Kushinganine munywer'oku chikombe nanywera,na mubatizibw'oku bubatizo nabatizibwa; ⁴⁰ Ch'oku biyerekir'okudah'ekulyo kwani'erh'ekumosho,ebyo birhanyerekiri,ch'ebyo byayishi habw'ababibikirwe. ⁴¹ Balya balikumi,erhi bayunvwa ntyo,barhondera baduduma enyenya lya Yakobo na Yohana. ⁴² Yesu abahamagala,ababwira:Kamumanyir'oku ababalola nka bakulu b'embaga banaka balenganya,n'abakulu banaka balabarha. ⁴³ Arhali kwo bwaba nty'omukagarhi kinyu.Chikwon'owankalonz'okuba mukul'omu karhi kinyu,achijire mukozi winyu. ⁴⁴ N'owakalonz'abe murhanz'omukarhi kinyu,anabe muja wa boshi. ⁴⁵ Buly'omwana w'Omuntu ayishire,arhali mpu bamukolere,chi mp'akoler'abandi.Ahan'akalamu kage nka muchunguzi wa boshi. ⁴⁶ Bahik'e Yeriko.N'erhi,Yesu arhenga yo,bon'abaganda bage n'olubaga lwinji bwenene,mugala wa Timeyo,Bartimayo,gwali muhurha gwajaga gwahuna,alitamir'oku burhambi bw'enjira. ⁴⁷ Ayunv'oku Yesu we Nanzareti ayishire,arhonder'ayakuza;Mugala wa Daudi,Yesu ombere bonjo! ⁴⁸ Banji banamukankamira,mpu bamuhulise;chikwon'ayakuza bwenene kulusha:Mugala wa Daudi,ombere bonjo! ⁴⁹ Yesu ayimanga,aderha:Hamagali ye.Bana hamal'omuhurha,bana mubwira:Ochih'omurhima,oyimuke,akuhamagire. ⁵⁰ Omuhurha gwa kabulir'ikoti lyagwo,gwaj'emunda Yesu ali. ⁵¹ Yesu amubwira:bich'olonzize nkujirire?Mwlimu,omuhurha gwashuza,ndonzize mbone. ⁵² Na Yesu amubwira:Genda,obwemere bwawe bukuchizize.Ho nah'anabona n'okushimba Yesu omu njira.