¹ Yesu, erhi aba amayingira omu yeriko,ayichira omu chishagala. ² Lola,mulume muguma mugale,ohamagirwe Zakayo,mukulu w'abavurhisa,akagi lonza amanye ndi wali Yesu; ³ Chikwone arha hashaga ahika ho,enyanya z'olubaga lwinji,bulya ali mwofi. ⁴ Analibirhira embere,ana sokera oku murhi lyo amubona,bulya aligwasirwe agere aho. ⁵ Erhi Yesu ahika aho,ayinamula amasu anamubwira: Zakayo,harhula ohoke;bulya bikwanine nje omu mwawe ene. ⁶ Zakayo ahonoka duba,anamuyankirira n'obushagaluke. ⁷ Erhi babon'ebyo,boshi ba duduma,bana banaderha:Anajiri handa emw'omuntu w'ebyaha. ⁸ Chikwone Zakayo,ayimanga emalanga ga Nakasane,amubwira:Lola,Nakasane,mpire abakenyi echihimbi ch'ebirugu byani,na,nkaba hali oyu na rhebire namurhola ebyage namugalulira kani k'ebinamuhesire. ⁹ Yesu amubwira:obuchunguke budahire omu mwawe ene,bulya oyu naye ali mwana w'Abrahamu. ¹⁰ buly'omwana w'omuntu ayishre ali lonza n'oku chiza abahezire. ¹¹ Ba yunvirhiza ebyo bintu,na Yesu ayushula mugani muguma,bulya ali hofi n'eyerusalemu,banaka rhanya oku honaho obwami bwa Nnamahanga bwayisha. ¹² Anaderha erhi; Mulume muguma w'iburha liri anagenda omu chihugo cha hali,mpu aji chiyimika omu bukulu bwomu bwami,anachiri galuka kandi. ¹³ Ahamagala ikumi lyomu bakozi bage,abaha abaha bichere ikumi,anbabwira,mubirhimbule kuhik'amango nayisha. ¹⁴ Chikwone abantu b'eyo bamushomba,bna rhuma entumwa enyuma zage,mpu baderhe: rhu rhalonza oyu muntu arhu rhambule. ¹⁵ erhi agaluka,erhi aba amayimikwa omu bwami,ana hamagala hofi naye balya baganda ahaga zilya nfaranga,lyo amanya gurhi ngasi muguma ana rhimbwire. ¹⁶ Omurhanzi ayisha,ana derha:echioroti chawe cha yungusire bindi bikoroti ikumi. ¹⁷ Amubwira:buli bwinja,mukozi mwinja;bulya wali mwikubagirwaomu btya,rhola oburhambuzi bwa bishagala ikumi. ¹⁸ Owakabirhi ayisha,ana derha:Nakasane,echikoroti chawe cha yungusire bindi bikoroti birhanu. ¹⁹ Amubwira:Nanawe,qrhambule bishagala birhanu. ²¹ bulya nai kuyobohire,bulya oba muntu mudarhi,orhola ebi nta dekerize ona yimbule ebi nta rhwezire; ²² Amu wira:Nkutwirire olubanja oku myanzi yawe,mukozi mubi;wali manyire oku ndi muntu mudarhi,natole ebi ntahebire, nampumbule ahanta rhwezire; ²³ bulya gurhi orha hizire enfaranga zani omu nguli,lyo hano ngaluka nyishi zirhola n'obunguke? ²⁴ Lero ana bwira abali aho:Mumu nyage echo chikoroti muchi he ogwerhe ebikoroti ikumi. ²⁵ Bana mubwira:Nakasane,hali bioroyi ikumi. ²⁶ Mba bwizire,bayishi ha ogwerhe,chikwone orhagwerhi bamu rhola chiru n'ehi agwerhe. ²⁷ Oku bisigire,mulerhe abashombanyi bani,barhasimaga oku mbarhambule,muna banige emalanga gani. ²⁸ Erhi ab'amaderha ntyo,yesu agera emalang g'olubaga,asoker'e Yerusalemu. ²⁹ Erhi ayegerera e Betfage n'e Betaniya,hofi n'omushozi gu hamagirwe mushozi gwe mizabibu,Yesu arhuma baganda bage babirhi, ³⁰ aderha:Mugende omu lugo luli e malanga;hano muyihika mwayishi bona omwanabuzi mushweke,oyu ntaye muntu osigi mutamala kwo;mumu shwekule muna mulerhe. ³¹ Nka hanka jira owamudosa:Bulya gurhi muli mwa mushwekula?munamushuze:Nakasane amulonzize. ³² Ababali rhumire banagenda,bana shingana ebintu nkoku Yesu ababwiraga. ³³ Erhi baba bali ba shwekul'omwana buzi,banacho baba bwira:Bulya gurhi muli mwa shwekula omwana buzi? ³⁴ ba shuza:Nakasane amulonzize. ³⁵ Bana lerhera Yesu omwana buzi,oyu bajaga bakweba kw'emishangi yabo,bana shoneza kwo Yesu. ³⁶ Erhi aja genda,abantu baja ba bamba emishangi yabo omu njira. ³⁷ Erhi aba amayegerera e Yerusalemu,ebwa kuhoka omushozi gw'emizetuni obwinji bw'abaganda bwoshi,ba shagaluka,barhondera ba kuza Nnamahanga n'izu linene oku bisomerine ba bwine. ³⁸ Banaka derha:Akuzibwe omwami oyishire ok izino lya Nakasane!Omurhula omu mpingu,n'obukuze ahantu hali enyanya! ³⁹ Bafarisayo baguma,omu karhi k'olubaga,ba bwira Yesu:Mwalimu,chir'orhole abaganda bawe. V 40 Ana shuza:Mba bwizire,baka hulika,amabuye ga yishi yakuza! ⁴¹ Erhi bayegera omu lugo,Yesu,erhi alu bona,alaka enyanya zalwo,ana derha: ⁴² Nkaba nawe,nka chiru olu lusiku wahabagwa,walimanyire ebinti by'omurhula!Chikwone lero bili bifulik'emalanga gawe. ⁴³ Hayishi isha oku we ensiku abashombanyi bawe bakuzungulusa enkuta,bakufungira,bakufundez'enyunda zoshi; ⁴⁴ Bakushekereza,we mwena abana bawe omu karhi kawe,barhakulekere ibuye ha nyanya l'ibuye,bulya orha manyaga akasanzi warhandulagwa. ⁴⁵ Ayingira omu ka-Nyamuzinda,arhondera ahinva abakagi rhimbula, ⁴⁶ ababwira:Biyandisirwe: Enyumpa yani yaba ya kuhunira mwo.Chikwone mwe mwayijijire mukumba gwa bishambo. ⁴⁷ Ensiku zoshi akagi yigiriza omu ka-Nyamuzinda.Abakulu babajinji,abashamuka b'ihano,n'abandi bakulu omu lubaga balonza bamuheze; ⁴⁸ Chi barhamanyaga gurhi bamuhika kwo,bulya olubaga lwoshi lwakagi muyunvirhiza luna hwekire.