¹ Yesu ababwir'omugani muguma:Oku ba yerek'oku bagwasirwe baka huna,ba rha naka husa. ² Ababwira:Omucihugo ciguma mwal'omuzuz'orhali yobohireNnamahanga arhana yobohaga ndi. ³ Omweco cihugo mwali mukana muguma wakagi yishi mubwiramwal'o:Ontwir'olubanjan'omushombanyi wani. ⁴ Kasanzi kanj'akagilahira.Cikwon'aciri cibwira yene,cir'ankaba nta yobohiri Nnamahanga ntana kenga ndi, ⁵ cikwone buly'oyu mukana amantanga,namuh'olubanja,ly'arhacikayisha ngasi mang'alikambr'irhwe. ⁶ Nakasane ayushulacir'an:Yunv'eb'omuzuzu adesire yene. ⁷ Ka Nnamahanga arha twir'abishogwa bag'olubanja,abamulakir'obudufu n'omushi?K'anayishi yorh'emunda bali? ⁸ Mba bwizire,ayishi ka ywirw'olubanja duba.Cikwon'amang'omwana w'omunt'ayisha,k'ananashiman'obwemer'ahigulu? ⁹ Aciriderh'ogu mugani,enyanya ly'abantu bakagi cibon'okubali bashinganyanya,barhanakagi jira ciru n'ehiguma hy'abandi: ¹⁰ Bantu babirhi ba soker'omu ka Namuzinda baji huna;mugum'ali mufarisayo n'owindi muvurhisa. ¹¹ Omufarisayo ayimuka,ahun'omu murhima gwage,Nnamahanga,nku kuzize ntali nk'abandi bantu,ba nyazi,ab'emirhima mibi,banyazi,cirunk'oyu muvurhisa w'ikoli, ¹² ncishalisa kabirh'om'iposo,nankahan'ecakumi c'ebimbona byoshi. ¹³ Omuvurhisa,ayimang'okw'ikano,arhacirhanyagya ciru ayimul'ams'empingu,c'akacishurh'enda,anakaderha:Nnamahanga,omber'obwonjo nye munabyaha. ¹⁴ Mba bwizir'oyulir'ahonok'omu nyumpa yage ayemerirwe,kulush'owabo.Buly'owayishi ci ciyinamula ahonolwa,n'owayishi ci honol'ayishi yinamulwa. ¹⁵ Bamulerher'abana barho, mp'abahume kwo .Cikwon'abaganda,erhi bababona,ba galul'abali ba dwirhe. ¹⁶ Na yesu abahamagala,aderha:Mulek'abana barho baj'emmunda ndi,murhabagalule,bulya'obwami bwa Nnamahanga buli bw'ababashushire. ¹⁷ Imbabwizir'okunali,orhankayankirir'obwami bwa Nnamhanga nka mwana murh'arhanka muja ciru n'ehitya. ¹⁸ Mukulu mugum'adosa Yesu aderha:Mwalimu mwinja,gurhi nanka jira lyo nyim'omu buzine bwe nsiku n'amango? ¹⁹ Yesu amushuza:Buya gurh'ompamagire mwinja?Ntaye mwinja nkaba Nnamahanga yene. ²⁰ Oyish'amarhegeko:Orha gonaga,orha yirhaga,orha zimbaga,orha derherag'owind'obushumi,okenge sho na nyoko. ²¹ Oy'ashuza,na jijir'ebyobyoshi kurheng'obulamba bwani. ²² Erhi Yesu ayunv'ebyo byoshi,amubwira:Obuzire kantu kaguma,oguz'eb'ogwerhe byoshi,obigabir'abakenyi,wanayishi habw'oluhemb'omu mpingu.Buzind'oyish'onshimbe. ²³ Erh'ayunv'eyo myanzi,ababurhe yeshi;buly'ali mugale bwenene. ²⁴ Yesu,abon'ok'amgay'aderha:Bili bizib'oku bagal'okuj'omubwami bwa Nnamahanga. ²⁵ Bulya bili bilemb'engamiy'okuger'omu murmhule gwe nsindani kulush'omugal'okuj'omu bwami bwa Nnamahanga. ²⁶ Abakagi mu yunvirhiza baderha:Ndi wankacizibwa? ²⁷ Yesu abashuza:Ebirhankahashikan'emw'abantu byana hashikan'emwa Nnamahanga. ²⁸ Petro aderh'erhi:Lola rhwa sizire byoshi,rhwa kushimba. ²⁹ Na yesu ababwira:Mba bwizir'okunali,ntaye muntu,wankasig'enyanya ly'obwami bwa Nnamahanga,enyumpa yage,erhi mukage,erhi bene wage,erh'ababusi bage,erh'abana bage, ³⁰ ahabwa binji gano mango,amngo ga yisha,akalamu k'ensiku na mango. ³¹ Yesu arhola baly'ikumi na babirhi hofi naye,anababwira,loli,rhwasoker'eyerusalemu,n'ebyayandisirwe n'abaleb'enyanya ly'omwana wo muntu bya hikirira. ³² Buly'aishi hanw'omu maboko g'abapagani,bayishi mu shekera,bayishi mu jacira,bayishi mutwira kwo, ³³ na,hano baba bama mushushurh'emikoba,bamuyirha n'olusiku lwa kasharh'afuka. ³⁵ Erhi Yesu ayeger'eyeriko,muhurha muguma gwali tamir'oku burhambi bwe njira,gwakagi hun'abagera. ³⁶ Eehi guyunv'abantu banji bagera,gwadosa bici byabire. ³⁷ Bamubwira:Yesu w'enenzareti ye gezire. ³⁸ Ler'ayakuza:Yesu mugala wa Daudi,omber'obwonjo! ³⁹ Abal'embere bamukalihira,mpu bamuhulise,cikwon'ayakuza n'izu linene:Mwene Daudi,omber'obwonjo! ⁴⁰ Yesu,ayimanga,arhegeka mpu bamulerhere gwo;n'erh'amuyegera, ⁴¹ amudosa;bic'olonzize nku jirire?Amushuza Nakasane,ndonziz'okubona. ⁴² Na Yesu amubwira:Obone,obwemere bwawe bwakucizize. ⁴³ Honah'abona,anashiba Yesu,akuza Nnamahanga.