1
E masimane m'e bauma, maenderere e kuba.
2
Muteebilyiraa ilyi e kureka ekutabala e baenyi; kwa bushi kw'ene ndjira e bandji bamwoere ilyi baangilyire ba malaika busira kumenya.
3
Mukengere bala bahwekirwe, ngokula mungaba muhwekirwe alauma nabwo; na bala balyi mwa malyibuko, ngokula nenyu mungaba mulyi momwo mwa mubilyi.
4
E hwera ilyi buya bube bukengirwe n'e bandju bwoshi, na ebyoko ndjingo bibe bitchere ilyi bikomire; kwa bushi e bihungu n'ebabanzi b'ekilyi, Ongo akabatchibusa.
5
Mutabaa n'emyifindjo s'ekusima ebikulo, mutchikubayire ebye mwete; kwa bushi yeyine atetchire, "Ndakwandaalyire ilyi kukuyinyira tchiro n'ehitchitcha, ilyi ndakureke e kunalyi.
6
Na tchiro, tchwende tchwteta :"Enawetchu yi wende watchutabala, ndobwowe kandju; kut'e mwenye mundju anganyiyira?"
7
Mukengere bala bendee babalongolana ilyi birongosi byenyu. Bala bababiraa ilyi babeyilyisaa e mwasi wa Ongo; kandji kwa kutchumbikisa busibu e busnda bw'e luenzi lwabwo, mwiye e bwemere bwabwo.
8
Yesu Kristo yi n'oyo omwo olo, kulwarero n'e siku soshi ilyi e myaka n'e myaka.
9
Mut'ekibwaa n'e meyilyisa ma lundji lundji lubero, n'e m'etchienyi; kwa bushi, kulyi kubuya e mutchima abe aselyire kwa lukwoo, ata kwa bilyo, kwa bushi bala baenda nabye ilyi kubye, batabwo naa tchiro n'e bunguke.
10
Tchwete e mazabahu ilyi ala e nderekero, mazabahu mala bala bende bakola mwo batete e luuma lw'e kulya ebilyi mwo.
Kwa bushi, sira nyama e mikira yase yende yaretchibwa n'e badjindji, ala atchere a Ongo, kwa bushi n'e byaa, e mibilyi y'ese nyama yende y'otchibwa e mbuwa ilyi e nyuma s'e kambi.
12
Kwa bushi n'okuno, Yesu naye, ilyi atchesa e bandju kwa mikira yaye yeyine, era kulyibusibwa e mbuwa ilyi e nyuma s'elunvi (ilyi kambi)
13
Na batcha, tchwiluke, tchumubuane e nyuma s'e kambi, tchube tchubetchure e kulyibusibwa kwaye.
14
Kwa bushi ano butala, tchutete musi ola w'e kulama myaka; si kweyine, tchwahonda oyo musi w'esha.
15
Na batcha, kw'e sina lyaye Yesu, tchwerese Ongo e nderekero y'e mutongo ilyi ngulu e bishangi byoshi, kukuteta, e maree ilyi bifuma by'e bunu butchiundjusise e sina lyaye.
16
Si kweyine, muteebilyiraa e kukola ilyi ekuyira e mabuya n'ekuba lushangi; kwa bushi e ndjulo silyi ng'ese si s'ende sasimisa Ongo.
17
Mukenge bala babahondorere (ilyi b'ekubalongoloana), na ekutchirembuya era balyi; kwa bushi, abwola b'ende b'esa kwa mitchima yenyu ilyi e ndonga s'e mitchima yenyu, nga bandju bakana e muandjo, na ilyi baala e kuyira batcha kwa bushaaluke, si ata kwa businane; kwa bushi kutanga baterana mwabwo.
18
Mutchweemere; kwa bushi tchwemere kwa tchwete e nyifindjo sibuya ilyi sitchere, na tchwu hondjire e kuba n'e kuenzi lubuya mwa kakatchi ka ngasi kandju.
19
Nanyi nyibeemire busibu e kuyira batcha, ilyi nyisha e mwenyu lubiro ilyi fuba.
20
Na batcha, Ongo lw'e bwolo, ola wahuba kumukula mwa bafu, e mulanzi mukulu w'e bibusi kwa mikira y'e tchiraane tch'e myaka n'e myaka, yi enawetchu Yesu.
21
Abayire mube mulyi b'e kunalyi mwa kakatchi ka ngasi mwasi mubuya, ilyi muala e kuyira e kuhonda kwaye, naye ayire mwa nda senyu e bisimisise e muhondo saye, era mwa Kristo Yesu; e bukuse bulyi naye e myaka n'e myaka. Amina.
22
Si kweyine, benyewetchu, nyibeemire, mutabalane n'ono mwasi w'et'e maanure, kwa bushi nabaandjikilyire kwa myasi yieke.
23
Mumenye kwa mwenye wenyu Timoteo era abwoorwe; oyola ilyi angesha fuba, nyingabwona na nenyu alauma naye.
24
Munyilamusise abwo bwoshi b'ekubalongolana, n'ebatchesibwa bwoshi ba Ongo, na bala benyewetchu b'e Itlia, babalamusise.
25
E lukwoo lwa Ongo lube alauma nenyu mubwoshi.