1
Ongo, e nyuma s'ekuteta kutengera mira n'e basere betchu, mwa ndjira sinene, kurengera e barebi,
2
mwesine siku sisinda era kuteta netchu kurengera e mwana waye ola abikaa kuba e eukema mu byoshi, na kandji kuye kw'aremaa e butala.
3
Yeyine yi ukaaba bulangare bw'e ngulu yaye na tchilorero tch'ebulamu bwaye, n'ekusesa kasi kandju mwa mwasi waye uselyire, era kuyira e kutchesibwa kw'e byaa, na era kwikala mwa kulyo kw'ebukulu e ndonga.
4
Ongo era kuyira e muala kuba mukulu kulusha ba malaika bwoshi, mwa kumweresa esina lyikulu kulusha e lyabo.
5
Kwa bushi kunde malaika ola Ongo era 'bilyire kwa: "U mwana wanyi ! Kulware ro nakubutchire?" Na kandji: Nyikab'eho, Nawe uka ba mwana wanyi?
6
Tchiro kandji, ilyi areta e mwana waye mutanzi mwa butala, era kuteta, ba malaika bwoshi ba Ongo batchikumbe ye.
7
Na kwa myasi ya ba malaika baye era kuteta: "Ongo yi wende wayira ba malaika baye ngulumira ya mulyiro."
8
Si kweyine era kuteta e mw'emuala: Etchifu mbi tchawe tch'e kanyabwami, Ongo, tchilyi tch'e myaka n'e myaka. N'e katchi k'e bwami bwawe kalyi katchi k'e kunalyi.
9
Wera kusima e kuna lyi, wera kuyisibwa n'e mabi; Na kwa batcha, Ongo, Ongo wawe, era kukubika kwo e mafuta, mafuta ma bushaaluke kulusha e bandji bwoshi.
10
Na kandji, woyo, e nawetchu, u wabumbaa e butala kutengera mira, N'e mbingu alyi mukolo w'e maboko mawe.
11
Byoshi bikasherera n'ekure nga, si woyo ukalama e siku soshi; Byoshi bika kunguwa nga lutchimba, si woyo ukala e myaka ne myaka.
12
Ukabikundja kundja nga ndkimba, nabye bika alulwa; Si kweyine woyo u unoyo unoyo, mw'olo, kulwarero na mishangya. N'e myaka yawe yitakawa tchiro ne hitcha.
13
Ongo, kulyi malaika ola era abilyire kahangi kauma kwa : "U mwana wanyi, wikale e kuboko kwanyi kw'e kulyo, kuyika e mango nyikabika e bahombanyi bawe e masina m'e maulu mawe?"
14
Abwo bwoshi, batalyi bakosi ba Ongo batchumirwe kuyira e mukolo wa Ongo kwa bunguke bwa bala bakama e ndonga s'e butchunguke?