¹ Benye wetchu na ba tata, munvae ebye na honda nyibabire kwa kutchitetera." ² Na ilyi bonva oko aba shambasa mwa luteto lw'e tchi Hebrania, bera kureka e lwayo. Ne Paulo era kuteta: ³ "Nyili Muyaudi, mubutchwa w'e Tarso w'e Kilikia, si nakulyiraa mwono musi, na neyilyisi bwaa kwa maulu ma Gamalieli mwa bwenge bw'e kunalyi bw'emaanure ma ba tata, n'ehure ebushibi lyisi bwa Ongo, ngoko munalyi nenyu kulwarero. ⁴ Nera kusheresa ne kwita e bandju b'ene ndjira nera kuhweka ne kubika mwa buroko e balume ne ba kasi. ⁵ E mukulukulu we kwish'emandja n'e buuma bw'e bahosi balyi baamilyisa. Tchiro neresibwaa nabo e maruba ku benyewetchu b'e Damaski, yi nabaa naya ilyi nyi bareta bahwekirwe e Yerusalemu boshi babaa baly'eye n'ekubatchi ndjibusa. ⁶ Na ilyi nyilyi mwa ndjira, na nera nayika e Damaski, kwa lyiuma, mwa kakatchi k'e mushi, bulangare bunene kuteng'embingu bwera kunyilo mekera e butambi sanyi. ⁷ Nera kukumbaala kwa tchitaka, na nera kunva e murenge wanyibira a: 'Sauli, Sauli, tchiye tchitchumire wanyilyibusa?' ⁸ Nera kuhusa, 'Unde , e nawetchu?' Na era kunyihusa, 'Nyi Yesu w'e Nazareti, nyi walyibusa.' ⁹ E babaa alauma nanyi bera kulola kwa bulangare, si batonvaa e murenge wola wendee wanyitetesa. Na nera kuteta: 'kute nyiyirae e Nawetchu?' ¹⁰ E nawetchu era kunyibira: 'E muka, uy'e Damaski, n'eye, yi bangakubira byoshi uahingenen'ekuyira. ¹¹ N a ngoko ngendee na bona kandju, kwa bushi n'ebukalyi bw'obo bulanga re, ababaa alauma nanyi bera kunyimusa kwa kuboko, na nera kuyika e Damaski. ¹² Na mundju muuma yi Anania, mundju u shingenene kwa kukulyikir'emano, na e Bayaudi boshi babaa e Damaski bendee banyira e bwami lyisa bubuya, era kwisha era nyilyi, ¹³ era kunyi bira: 'Mwenye wetchu Saulo, utol'ekubona.' Mwako kashangi, nera kubona n'ekulola. ¹⁴ Era kuteta, 'Ongo wa ba tata abaa akukubulyi re e kuhonda kwaye, ne kulola kubuya, na ekunvi lyisa e myasi y'e bunu bwaye. ¹⁵ Kwa bushi unga mukorera nga mwamilyisa, e mwe bandju boshi, kw'ebye walolyire kwo n'ekunva. ¹⁶ Na batcha, tchiye walyindjira? Emuka, ubatisibwe, uhu kibw'ebyaa byawe, mwa kutong'esina ly'enawe tchu.' ¹⁷ Mwa kuhubir'e Yerusalemu, nyendee nema mwa kanisa, nera kuya mwa bibonekeresi, ¹⁸ na nera kulola e nawetchu anyibira: "Ira fuba ute nge e Yerusalemu, kwa bushi bataangilyire e buamilyisa bwawe e ndonga sanyi." ¹⁹ Nera kuteta, ' Enawetchu, bamenyire beyine kwa nyendee nabika mwa buroko, n'ekuhuta kwa tchuhunya-hunya mwa bishagala e bendee batchi kumba esina lyawe. ²⁰ Na emango e mikira ya Stefano mwamilyisa wawe yasheshekalaa, nabaa nyilyi wo, nendee nemeresa eby'e bandji, n'ekula ng'endjimba sabo bendee bamwita. ²¹ Si era kunyibira, 'Enda, kwa bushi nyinga kutchuma bure e mw'ebatemere.' ²² Bera kumunva kuyika kw'oyo mwasi. Na bera kwimusa e murenge ne kuteta: Mutenze anola e mundju ulyi ngono! Kwa bushi ata shinge nene e kulama. ²³ Na bera kuhut'emirenge, mu kabulyir'endjimba sabo, munakabul'emukungu mwa tchanya. ²⁴ E mukulu kulu era kwan'eluu ma bengise Paulo mwa mulungu. Ne kumubusa kwa tchuhunya hunya, ilyi bamenya tchiye tcha tchumaa bamulakangira batcha. ²⁵ Na ilyi bamuhunyayisa, Paulo era kubira e mulanzi wabaa uly'awo: "Bibemererwe e kuhuta e mundju w'e Roma atan'eshilyirwe e lubandja? ²⁶ Kweye myasi, e mulanzi era kuya e mwe muku lu w'e luhu ne kumukengesa, ne kuteta: "Kute wayi ra? Ono mundju alyi mu Roma." ²⁷ Na e mukulu kulu w'e luhu, ilyi esha, era ku bira Paulo, ' nyibira, ulyi mu Roma?' Era kuhusa: 'Netchi.' ²⁸ E mukulukulu era kuhusa: Faranga sinene sinatolaa ko ekuba mwesha tchiwo. Na nyono, ku Paulo atetaa, na butolaa mwa kubu tchwa. ²⁹ Unao e wendee amubusa era kureka. Na ilyi e mukulu alola kwa Paulo alyi mu Roma, era kwoboa, kwa bushi amu hwekaa' ³⁰ Asesi, mwa kuhonda amenye e kunalyi tchiye tcha tchumaa e Bayaudi bamushitaka, e mukulu kulu era kumukula e milyisi yaye, n'eku bira e bakulu bekwish'emandja ne luhu lwoshi lw'e Basadukayo bakundamane; na, ilyi andaasa Paulo, era kumubika e kakatchi kabo.