¹ Okengêre Kulya rhwabâga Mâshi Nyamuzinda; olole obone okw'enshonyi zarhugwasire. ² Ebyali birugu birhu bikola biba bya bandi Bantu. abantu b'emahanga bahanda omu nyumpa zirhu. ³ Abashombanyi bayisire balarha. rhwabîre nfûzi, na banyâma bakola baba bakana. ⁴ kugulu rhukola rhugula amîshi rhunywa, n'enshâli rhutwana nazo ntyo. ⁵ Abarhurhegeka bakola bakârhukolesa obukûkuru, rhwajogonokirwe, lêrhaga ciru okumira omûka! ⁶ E Misri n'e Asiriya Yo rhukola rhuj'îhûna ebi rhuj'ihûna ebi rhwalya. ⁷ Balarha bakag'ijira amabi barhacihaba, rhwe rhwatumwirage ahâli habo. ⁸ Abaja bo bakolaga barhurhambwire, na Ntaye wankarhukûla omu maboko gabo. ⁹ Nka rhwaja rhwalimya ebi rhwalya, rhunaling'icîheba omu ngabo y'ebishungu bira bibêra omu mpinga. ¹⁰ Rhukola rhuba biru-biru nk'abahirîre omu nyumpa erhi ishali lirhuma. ¹¹ Bakola bayankira bakirhwe omu sayuni, na bâli birhu bayankirwe muli ngasi lugo E Yuda. ¹² Abarhambo birhu babamanika oku kurhi, n'abagula* birhu barhacikengwa. ¹³ Abana birhu b'emisole babarhega enyanjikwa mpu bakâshwa, n'abanarhabana bakola bakâbabarhuza ennando n'enshâli zibayabîre. ¹⁴ Abagula birhu barhaciri babêra aha ngombe, n'emisole yirhu erhacibone okulaka kwajîre ahâli h'amasâmo girhu. ¹⁵ Rhurhacijira bushagaluke okulaka kwajîre ahâli h'amasâmo girhu. ¹⁶ Nta kantu rhucisigaline rhwakengêrerwa kwo, Yajewe, rhwahanyagîre erhi rhugomera Nyamuzinda! ¹⁷ Co cirhumire amagala gali garhulya, N'amasu garhu yunjwîre e mirenge. ¹⁸ Bulya entondo y'e sayuni* erhaciba kwo Nndi, Likola ishubukiro lya banyambwe. ¹⁹ Nyamuzinda, oba Mwami ensiku n'amango, oburhegesi bwawe buba bw'emyaka n'emyaka. ²⁰ Bici byarhumire warhuyibagira lwoshi? ²¹ Mâshi Nyamuzinda, orhugalule rhushubire emwawe, ohindule ensiku zirhu zishub'iyorha nka zirya za burhanzi. ²² Ka warhulekerirage lwoshi lwoshi, ka wehe oburhe bwawe burhahwa?