¹ Enyuma ly'aho, nabona empingu mpyahyahya n'igulu lihyahya. Empingu tanzi n'igulu lirhanzi erhi byamaahirigirha, n'enyanja erhachibonekaaga. ² Ago mango nabona chirya chishagala chimaana, e chishagala ch'e Yerusalemu chihyahya chahonokaaga e mpingu, kurhenga emwa Mungu. Echo chishagala chalirheganye nka muhya ochigoshwiire amango akol'aja oku buhya. ³ Nayumva izu lineene lyarhenbga aha ntebe, l'yadera mpu:" Mungu akolaga abeera omu bantu! Abeera booshi n'abo, nabo baba lubaga lwaage. Mungu yeene aba booshi nabo, anaba Mungu waabo. ⁴ Ahorhola ngasi mulenge gw'omu masu gaabo. Harhakachiba lufu, harhakachi ba chiru n'emishibo erhi nduulu, erhi malumwa ebya miira byahirigirha. ⁵ Ago mango olya wali tamiire onku ntebe aderha erhi: " Nkolaga njijire ebintu byooshi bihyahya." Enyuma ly'aho ambwiira erhi:" Yandika ebi, bulya ebinwa byaani biba by'okuli bikwanine okuchikubagirwa." ⁶ Ashubi nayushuula erhi:" Byajirikiine! niendi Alfa na Omega, Omurhondero n'Obuzinda. ogweerhwe n'enyorha namuha ebi anywa buzira kugula. Anyeera aha nshooko ya miishi g'obulamu. ⁷ Abahima, nabashooboza ebyombuli ba Mungu waabo nabo babe bagala bagala baani. ⁸ Chikwoone abooba nabarhali bemeezi, n'abantu b'emirhima mibi, n'abiisi b'abantu, n'abagona, n'abajira obukurungu, n'abachikumba ensanamu, nabashuumi booshi, ahabo hantu muli omw'enlya nyanja eyaka muliroi n'echibiriti. Lwo luligi lufu lwakabirhi olwo. ⁹ Malahika muguma w'omu balya balifumbasire bilya bikombe nda biyunjwiire mahanya nda ga buzinda, ayiisha, amwiira erhi:" Yiisha, nakuyereeka omuhya olinka muka Omwaanabuzi wa Mungu." ¹⁰ Muuka gwa Mungu angwarha, n'olya malahika ampeka oku aha ntondo ly'omushozi muuli bweneene. Anyereeka chirya chishagala ch'imana Yerusalemu yahonokaga kurhenga empingu. ¹¹ Chakaag'ilangashana, erhi obukuze bwa Mngu burhuma. Echo chishagala chakaag'ilangashana, bulangashane bushushire nka bw'ibuye lya ngulo ndaarhim nk'ibuye lya Yaspi lili lya langashana nka nshangabuye. ¹² Chaligweerhe olukuta luneene na luiiri. Emihango yacho yaali ikumi n'ibirgi, nabamahalika ikumi nababirhi bakaagi langa eyo mihango. Okw'eyo mihango kwaali yandisirwe amazino gwa milala ikumi n'ibirhi y'olubaga lwa Iziraeli. ¹³ Ngasi lunda lwaali mihango isharhu isharhu: Isharhu ebushoshokero bw'izuba, isharhu ebuzuukiro bwaalyo, isharhu ekulyo na isharhu ekulembe. ¹⁴ Olukuta ly'echo chishagala lwaali luderkerire oku mabuye ikumi nagabirhi. Ago mabuye gaali yandisirwe kwo amazino ikumi na gabirhi g'entumwa z'Omwaanabuzi wa Mungu. ¹⁵ Olya malahika wandesagya alifumasire olugero, lushekesheke lw'ennooro. Aaligi agera mw'echo chishagala, n'emihango yaacho n'olukuta lwaacho. ¹⁶ Echo chishagala chali chya kaare (Mraba), obuliiri namarhambirhambi byaali yumanine. Oyo malahika ageera chilya chishagala nalulya lushekesheke lwaage : chaali gweerhe bilometre bihumbi b ibirhi namagana gabirhi oku buliiri, chanaligi chigali obuuli bw'enyanya n'obw'omu marhambi. ¹⁷ Olya malahika ageera n'olo lukuta, lwaali gweeshe metre makumi gali nda zibirhi kuja enyanya, omu kushibuulira olugero ayoorhaga akolesa. ¹⁸ OLo lukuta lwaali luyubake namabuye g'eyaspi, n'echigala choone chya yaspi n'echishagala choone ch'aali cha nnoono zichire, chanakaag'ilanagashana nka chiiyo. ¹⁹ Amabuuye gw'omusingi gw'olo lukuta lw'echishagala gaali mataake ( machoore). Mabuye ga ngasi lusero ga ngulo ndaarhi gwo gaali gajiire gagayinjihya. Ibuye lirhanzi ly'omusingi lya Yaspi, elya kabirhi lyaali lya Safilo, elya akasharhu lyaali lya Agate (Kalkedoni), elya kanni lyaali lya emerodi, ²⁰ Elya karhanu lyaali lya Onigisi, elyaa kaali ndarhu lyaali lya Sardonike, elya kali nda lyaali lya Krisoliti. elya kali munane lyaali lya Berulo, elya kali mwenda lyaali lya Topaze, elya kali kumi lyaali lya Krizoparase, elya kali kumi naliguma lyaali lya Tirikwazi (Haikinto), n'elya kali imkumi nakabirhi lyaali lya Ametusta. ²¹ Eyo mihango ikumi n'ibirhi gaali magerha ikumi nagabirhi. ngasi luunvu lwaali lujijirwe n'igerha liguma lyoone. Ibarabara ly'omu chishagala lyaali lya nnooro zichire, zakaag'ilangala nka chiyo. ²² Ntabonaga nyumpa ya Mungu omwecho chishagala, bulya NNahamwirhu Mungu ogala byooshi boona Omwaanabuzi bo baba nyumpa ya Mungu ya mwo. ²³ Echo chishagala chirha chifinjiri kumolekerwa n'izuba erhi mwezi, bulya obulangashane bwa Mungu bwo buchimooleka n'Omwaanabuzi ly'itara lyaacho. ²⁴ Embaga z'en'igulu za lambagiira omu bulangale bwaage, n'abaami b'en'igulu baheka mwo amagale gaabo. ²⁵ Enyuumvi zecho chishagala zakalegereera ziigwirwe. zirhakakayiigalwa chiru n'ehitya buulya arhabaharaka ba budufu. ²⁶ Omwo mwaheekwe obugale n'obukulu bw'embaga. ²⁷ Chikwoone ntahyo hichafiire hyananaje omwecho chishagala erhiru omuntu ochishweekera oku kujira amabi n'okushuuma. Abanaaje mwo boone banali balya amaziino gaabo gali mayandike omu chitaabu ch'obulamu, chilya chitaabu ch'Omwaanabuzi.