¹ Alagi ezo nsiku nako kashanzi nagalula empira z'e Yuda n'eze Yerusalemu, ² Nashoboza embaga zoshi, nabahonolera omu kabanda ka Yehoshafati, n'eyo munda anabatwira olubanja enyanya ly'abantu bani, n'enyanya ly'omwimo gwani lubaga Izraeli, balya bashandakaga omu mbaga zoshi n'okugaba echihugo chani. ³ Bayeshera olubaga lwani echigole, bakaguza bagala babo, lyo babona ebi bahonga embaraga, bakaguza abananyere balyule kw'amanvu banywa. ⁴ Ninyu mwe bishagala by'e Tiro n'e Sidoni, mwandwa hobe! naninyu mwe bishagala by'e Filisti mweshi, mumanyage mwanka haliza okuchihola okunie, akaba komulalire ntyo, nanamugalulira ebyo byoshi bwinja na duba! ⁵ Mwashamwire enfgaranga n' ennoro zani, n'ebirugu byani by'engulo ndarhi mwaka bilibirhana omu mahero ginyu. ⁶ Mwaguliza Abagiriki abantu bani abamu chihugo ch'e Yuda, n'omu chishagala chacho ch'e Yerusalemu, mwabarhenza omu bihugo byabo. ⁷ Musinze nkolaga nabashoboza ngasi ahamwana bagulize, nago mabi mwabakolire abe mwengahira kwo. ⁸ Nguliza ab'aYuda baali binyu na bagala binyu, nabo babagulize Abasheba bab'emahanga, nie Nnamahanga ndesire ntyo. ⁹ Bakubize abantu b'e mbaga zoshi: muchireganye okuntabala, mutule entwali, abarhazi anabo bashone enyanya. ¹⁰ Enfuka ebihesi binyu bihinga mwo, mutule mwo engorho, n'orhubangulo rhwinyu mutule mw'amatumu, omwoba edrhe erhi: niono mba ntwali. ¹¹ Harhuli muyishe mwe bihugo rhubibikanwa bunganane mwolo lubanda lwona nnene. Nnamahanga obanike kw'entwali zawe! ¹² Muchimoge mw'embaga, muyinamuke omu lubanda luderhwa Yehoshafati; bulya omwo mwo natamala, ntwire embaga emanja, nie Nnamahanaga ndesire ntyo. ¹³ Mulikage akabangulo, mubaholole nkakula baholola amalehe gamayera. muba honyogole nkakula bakand'omukenzi nka guyunjwire malehe ga mizabibu, orhubindi rhuyunjulirine, bulya amabi gabo gali manji. ¹⁴ Loli eyo ngabo nyinji eri omu lubanda lw'okutwira emanja. Bulya olusiku lwa Nnamahanga luli hofi, lwo ayerekana mw'oburhe bwage mw'olo lubanda. ¹⁵ Izuba n'omwezi byatuala mwizimya, n'enyenyezi zazima. ¹⁶ Nnamahanaga akola ali ashoholer'e Sayuni, izu lyage lililya yumvikana e Yerusalemu. Amalunga n'igulu byagera mw'omusisi; Chikwonw Nnamahanga ali afulika olubaga lwage, ab'Izraeli bakachifulika muli ye. ¹⁷ Nty kwo mwamanya mw'oku nie Nnamahanga, Mungu winyu, oba e Sayuni oku ntondo nyimana, aba hugohugo barahachi labarha mwo. ¹⁸ Mwago mango emizabibu ya yera bwenene omu ntondo, ebintu bya kamwa mw'amarha gakabualajika oku rhurhondo, emibunda y;e Yuda yoshi yahulula mw'amishi; enshoko yarhenga omunyumpa ya Nnamahanga, enywese olubanda luba mw'emirhi y'akasiya. ¹⁹ Echihugo ch'e Misri chahinduka biguka, n'ech'edomu chihinduke mpinga, bulya bali baminyize aba Yuda; bayirha abantu b'eru kweru omu chihugo. ²⁰ Chikwone echugo ch'e Yuda, ch'ohe chayubakwa mw'ensiku zoshi, n'echishagala chacho ch'e Yerusalamu chiberwe mwo n'abantu emyaka n'emyaka. ²¹ Nachiholera abantu bani, abayirhagwa buzira chirhumire, nta babalire abakaagi barhindibuza. Bulya nie Nnamahanga nabera e Sayuni.