¹ Mubuhe emishekera we Sayuni, mubande orhubuli oku ntondo nyimana, abantu bomu chihugo boshi bagere mw'omusisi, bulya olusiku nnamahanga aba buhre luyirika, lukola luli hofi, ² Luli lwa mwizimya n'olwikungu, luli lwa mudumbi, lunali mw'omwizimya, lola oku obutu bw'abantu ntwali, olwiganyo lwabo lurhasagiboneka, lurhanachi habe ahanyuma ly'aho kuhika maburhwa manji. ³ Alanga guli muliro gwa kuyocha, nahanyuma ngulumira ya muliro, echihugo chaliyosire nk'ishwa ly'Edeni, zigera zasiga obwerule, zirharhalukiraga ankantu. ⁴ Okuboneka kwabo kuli nka bihesi na nka kula abasirika bazigenda kwo balibirha. ⁵ Emilulumo yazo elinka mituga nya ntambala oku ntondo ntyo kwo zaja tulungula nka kula engulumira eyocha olubala; ziyishire nkangabo ndarhi echirheganyize okuntambala. ⁶ Emalanga gabo abantui banagere mw'omusisi, n'amalanga gabo gatulule. ⁷ Zinalibirhe nka basirika badarhi, zinashingire oku nkuta nka barhabazi, ngasi luguma lunagere kwalo lurhanahabuke. ⁸ Zirharhenga mwo ezahusikanya ezabo, ngasi luguma lunashimbe enjira lunali mwo. Zinachikanike aharhankarhulwa na ntabyo byazirhanga. ⁹ Zinashandabane omu bishagalo zije zashona oku nkuta, zije zashesherera omu mayumpa, zigerere omu madirisha nka mushambo. ¹⁰ Amalnga gazo igulu linagere mw'omusisi, izuba n'omwezi binahindamuke mwizizi, n'enyenyezi ziheze obulangashane bwazo. ¹¹ Izu lya Nnamahnga linzyumvikane okw'ashokolire engabo zage, bulya ahashigirwa hali hanji, bulya eli ntwali y'okuhikiriza omuhigo gwage, bulya olusiku lwa Nnamahanga luli ludarhi nalwakuyohya, chirhu ntaye walulindira. ¹² Nnamahanga adesire erhi: Ngalukiri n'omurhima gwinyu gwoshi mugalichishalisa, mukalaka n'okushiba. ¹³ Ahali h'okubera enyambalo zinyu, aabe emirhima yinyu yomuhindamula, mugalukire Nnamahanga, mungu winyu; bulya aba wa bonjo, aba nawa murhima mwinja, arhakaliha dubaduba, chikwone abamubidu oku bonjo, anakagaya amabi. ¹⁴ Ndi wankamanya oku akachij'emurhima n'okurhuha emigisho ahanyuma ly'aho, ago mango munalerhe entulo n'isadaka emunda Nnamahanaga mungu wirhu ali? ¹⁵ Mubuhe omushekera we Sayuni, mujire amango gw'okuchishalisa, muhamagale olubaga. ¹⁶ Muhamagale olubaga mujire ihano likulu mushimamanyanye abashosi, muhamagale emisole, chiru n'abana barho boshi, omuhya mulume ahuluke omu mwage, n'omuhya arhenge omuchumpa chage. ¹⁷ Abajinji balakire omunyumpa ya Nnamahanga, ahagarhi k'ech'oluso, n'irherekero; Abakolera Nnamahanga bamuyinginge erhi; Mashi Nnamahanga orhufe obonjo, orhabonesagya bantu bawe nshonyi mpu libe itwiro lya migani omu mbaga! mpu baka derha mpu bichi Nnamahanga wbo aligi ajira. ¹⁸ Nnmahanga asima echihugo chage, anafire abantu bage bonjo. ¹⁹ n Nnamahanga anashuzize omusero gwabo, anabwizire olubaga lwage erhi: "Nkola nashubi kamuha engano, n'idivai na mavurha mwayigurha mudandire! ntachi mulikire ezindi mbaga mpu zika mushekera. ²⁰ Namuhimira abashomabanyi binyu bahubuka enyanya, nabahihamira omu mpinga n'omu chihugo cholumuka, abali oku chigamba chambere nabahabulira omunyanja y'omunyu; Abali okuchigamba ch'enyuma nabahololera omunyanja y'eMediterane. Emirumba yabo yakabayira omulubala, ntyo kw'abakagi mushoshoba bashigwarhwa. ²¹ W'idaho orhachi yobohaga, osime onachishinge, bulya Nnamahanga anajijire ebi somerine. ²² Mwe nsimba zerubala murhachi yobohaga, oluhasi lumezire omu bulambo, n'emirhi ya lehesire, emirhi y'emitini n'ey'emizabibu ekola eli ya yana. ²³ Naninyu mwe bana b'eSayuni, mushagalukire Nnamahanga, mungu winyu, bulya ye muh'enkuba oku kashanzi kayo, amurhumira enkuba ntanzi n'enzinda nk'oku byanali burhanzi. ²⁴ Engo bakubirhirha mwo zayunjula ngano, orhubindi rhwayunjula murhobo n'amavurha. ²⁵ Nmugalulira elya myaka enzige zakaagi muyonera, banahulumbu namahanzi n'ebisholera, lulya lukuli lwinji nalirhumire emwinyu. ²⁶ Ninyu mwalya ebilyo binji n'okuyigurha, mwakuza izino lya Nnamahanga Mungu winyu, wamujirire ebisomerine; n'abantu bani barhakachi bona nshonyi. ²⁷ Mwanaishio manya oku ndi omurhi ka Izraeli, n'oku nie, Nnamahanaga, ndi Mungu winyu, n'oku harhali windi; n'olubaga lwani lurhabona nshonyi. ²⁸ Enyuma ly'aho nalumiza Muka gwani oku bantu boshi, bagala binyu na bali binyu bakaleba, n'abashosi binyu bakalorha ebilorho, n'emisole yinyu yakabonekerwa. ²⁹ Chiru olumira n'oku bambali binyu n'abamabalikazi binyu mwezo nsiku nalumiza Muka gwani oku bantu. ³⁰ Nani nayerekana ebirhangaza emalunga n'okw'idaho, omuko n'omuliro n'olwikungu lw'omugi byabonekena, ³¹ Izuba lyahindamuka mwizimya, n'omwezi gwaba mudukula nka muko. Embere olusiku lwa Nnamahanga luyishe, bulya luli lukulu na lwakuyobohwa. ³² Ngasi muntu wakayakuza izino lya Nnamahanaga achizibwa bulya obuchire bwaba oku ntondo y'e Sayuni n'omu Yerusalemu nk'oku Nnamahanaga yene anakuderhaga. Bobaligi aba Nnamahanga ahamagire mpu balame.