¹ Kanwa ka Nnamahanga kayishiora Yoeli na Pethueli. ² Yumvi ebi mwe bashosi, rhegeri irhwiri, mweshi, bubaka omu chihugo ewe: K'ebi bikola bibire omu kashanzi k'ensiku zinyu? erhi amango gaba sho? ³ Mubi ganirire abana binyu, n'abana binyu babi ganirire abana babo, n'abana babo okw'iburha lwanayishe. ⁴ Ebi enshwa zasigaga enzige zabilya, eb'inzige zasigaga, ba nahulumbu babilya, ebi banahulumbu basigaga amahanzi gabilya. ⁵ Tuliki umu ndalu, mwebalalwe munalake! mweshi banywi bamanvu, murhoze emilenge, bulya amalehe baga kabulire hali n'orhunwa rhwinyu. ⁶ Bulya olubaga lwashonire enyanya z'echihugo chyani, luli ludarhi, lurhagwerhi muganjo, luhu rhyazize amino nka ntale, emihenge yalwo elinka ntale mpamu. ⁷ kali karhuyonera ishwa ly'emizabibu, karhesheregize emirhi y'emitini, ako kasholero kayiyubula kw'eblyula, kasiga emirhi myumu myumu erhachiri kw'ebyasi. ⁸ Mulake kula omunyere ashiba nk'alakira owakagi musheba! ⁹ Nta ntulo y'engano n'ey'omurhobo echijirwa omu ka Nnamahanga, abajinji nabakola omunyumpa ya Nnamahanga bali balaka. ¹⁰ Amashwa ga bondwire, idaho lirhachiyera, bulya nta ngano echibonekana nanta murhobo muhyahya guchibonekena. ¹¹ Abahinzi babire burhe, abahinzire emizabibu baliba chilumbwija bulya engano n'iporoji bya hezire, nta burho echiyera. ¹² Emirhi y'emitini n'ey'emizabibu ya yumire, amalehe gakuli gaholoka, emirhi yamikomamanga, n'ey'emishugushugu, n'emitofaa, mira ya yumaga yoshi, obushagaluke n'omwishigwe byahwire oku bantu. ¹³ Mwe bajinji mulake munashibe mubande endulu, mwemukola oku irherekero, muyishe mulale muyambirhe amasunzu, bakozi ba Nnamahaga wirhu, bulya isadaka ly'engano n'ely'idivai birhajirwa omu ka Nnamahanga. ¹⁴ Mubalanjire n'okuchishalisha, mulalike obushimanane bwimana, mulalike abagula. muhamagale n'olubaga lwoshi baje omu ka Nnamahanga, Mungu winyu, muje mwamuyakuza rhumurhule emirenge. ¹⁵ Ahoo: obuhanya bw'ololusiku bulya olusiku lwa Nnamahanga lwa yegerire: luyishire nka burhendebuze burhenzire omu wemisi. ¹⁶ Karhwene rhurhabonaga oku ebilyo bili byabula emalaga girhu? obushagaluke n'omushingo bya hera omunyumpa ya Nnamahanga? ¹⁷ Emburho zayumira omu budaka, n'enguli zaba mikungula, n'enkuluba zashabusire bulya ebihumbulwa bya hwire. ¹⁸ Nk'oku insmba zigwerhe zayama, ebintu bikola bija byayegereza eyi n'eyi, chiru na maso g'ebibuzi gazibuhirwe. ¹⁹ Emunda oli Nnamahanga yo ntuzire emirenge, bulya omuliro gwa yokire obulambo, gwasingonola abasi bali omu malambo, gwasingonola emirhi yoshi yali omu muzirhu. ²⁰ Ensimba z'erubala we zilizarhula emirenge, bulya enyishi zaganyire, bulya omuliro gwayokire abasi omu bulambo.