¹ Eyi myanzi miyandike omulira, yabaga amango ga mwami Aswero ali arhambwire ebihugo byali kurhenga e Buhindi kuhika e Etiopiya byali bihugo bihumbi igana na makumi abirhi na nda. ² Ago mango mwami Aswero alitamire oku ndtebe ya kanyabwami eyomunda e Susi. ³ Mwaka gwa kasharhu gwa burhanzi bwage, alis'idinye lya abakulu bab'abasoda bage boshi na abarhonyi bage, na abarhambo, na abakulu byebihugo baja haguma boshi babuganana. ⁴ Abalangula obugale alikola agwerhe kurhenga amango ayimaga obwami, ayerekana n'okubwami bumukwanine, eryo idinye ryanshinzire nsiku zirhali nyi hofi myezi ndarhu. ⁵ Erhi akokasangi kahika, mwami abajirira idinye lya bantu boshi bali olunda lw' Eshunani engomeni, abakulu okubarho; bahisa insiku nda omuchiraro ch'enkafu za mwami. ⁶ E ngo baliraga mwo iryo idinye baliba yiyubakire echogo c'emyenda myeru, egezire mwo n'ebyolubala, n'ebidukula; eyo myenda bayirhunzire oku mu gwechitani mulukire haguma n'ogundi gushusha akaduku eyo migozi bali jire bayishesheza omu mpango ntule n'ebyuma by'enfaranga, bagali izingirika oku mutungo muyubaka n'amabuye g'ngulo ndarhi meru, n'agashush'ennoro n'amîru. ⁷ Bamulalusagy'endalu omukanagarhi k'ibumba ly'ennoro n'ebyo bicuma byali bya ngasi lubero n'omurhobo nago gwali ngasi lubero nka gwahabwami. ⁸ Okunywa kw'okwali nkakulya babwizirwe, buzira bichihanzo erhi okwo kubigwasirwe. bulya ntyo kwo mwami ali babwizire abakozi bomunyumpa; ngasi muntu ajire okw'anasimire. ⁹ Kandi omu omugoli Vashti abajirira idinye. balya bakazi b'omunyumpa yage y'akanya bwami ka ka Aswero. ¹⁰ Olusiku lwa kalinda mwami ashagaluka omumurhima gwage enyanya y'idinye amujiriraga Mehumani, Bitha, Harbona bighaeli, Abagtha zeti na Karkasi bimangizi b'enyumpa ya mwami nda, bakakolera mwami Aswero. ¹¹ Mpu babwire omugoli Vashti aje omu luhya emalanga ga mwami, ayambale n'ecimane cy'obugoli achiyerekane emalanga g'abarhonyi bulya omugoli Vashti ali w'iranga linja. ¹² Omugoli Vashti alahira bwayisha okuntumwa mwami alirhumire, lero mwami akunira bwenene. ¹³ Mwami adosa abahanuzi bage nk'okw'ubworherhe bwanali, bulyamwami akagi huna ihano oku bantu bamanyire amahano g'echihugo n'okubatwi b'emanja. ¹⁴ Abahanuzi bamuyegerera haguma na Karhena, na Shethari, Admatha, Tarshishi, Meresi, Marsena, na memukani, na balya bakulu nda b'e shamu na Eumedi balya babônaga iranga lya mwami n'okutamala burhangiriza hofi na mwami, abadosa, ¹⁵ Rhujire omugoli Vashti gurhi? oku marhegeko bulyalira arhajiraga nkakulya mwami Aswero alilonzize okuboko kwa bimangizi kwa b'enyumpa yage. ¹⁶ Lero Memukani ashuza mwami embere abarungu bage, oyu mugoli Vashti arhajiriraga mwami akaganyagusa yene chiru na abarungu boshi nabo abajirire akaganyaguso n'olubaga lwage lwoshi, na abali omubishagala byoshi bya mwami Aswero. ¹⁷ Bulya ebijiro by'omugoli byama manyikana nabakazi boshi, chiru nabalume bâbo baganyagusibwa emalanga gabo, byakwaderhwa oku mwami Aswero adesire oku omugoli Vashti alerhwe ambere zage ci arhayishaga. ¹⁸ Chiru n'ene abakazi b'eyo munda eShamu na Umedi balibakayumva eyo myanzi y'ebijiro by'omugoli bababwira (vivi) lero lero Abangugu boshi bangasi mwami rhwayaka akaganyaguso. ¹⁹ Lero nk'oku mwami akabona bishinganire kwandi bibe okumalonza gage g'akanyabwami nabyo biyandikwe omwirhegeko ly'abeshamu n'abe ewamedi birhaciderhwe oku omugoli Vashti akengwe embere lya mwami Aswero na abagoli boshi bw'owindi mwami owindi mukazi mw'inja kulusha oyo. ²⁰ Hano bamanya oku mwami waderhaga ako kanwa abakazi boshi b'omuchihugo; omubi n'omwinja bakenga b'iba. ²¹ Ako kanwa kasimisa mwami n'abarhonyi, ajira nk'oku Memukani aderhaga. ²² Arhuma amruba omu ngasi chihugo oku murhondero nk'oku baderha mwo nank'oku bayandika mwo lyo ngasi mulume aba y'ekola arhegesire omulala gwage n'oluderho lwe mwabo nk'oku daderha mwo nank'oku bayandika mwo lyo ngasi mulume aba y'ekola arhegesire omulala gwage n'oluderho lwe mwabo nnamulume lube lwo lukaderhwa mwo.