¹ Yakobo, nkoli mindia Mambombi na Mindia Nkumasu Yeso Kilisito, kowa ntula komi na mulu Bbali ndibbebbuli hanjikana, nibbumatisia ! ² Abba namabbami, bbuzibe bbia dedelua tootokima sisi sienjo dua kalika kinganu, ³ Bbuibe nesindie kinga ndiaka hikiandianu abikisindu telema tooto. ⁴ Ndo agbokiliani telemanjo atumisebbiani mulimosi, sekina bbubbe ndiemenemene na ndibbe bbudakilio, kanga bbulwabe kimanapipi. ⁵ Subbanu moti kabbulwa iiba kima akunge koa Mambombi, mindia kupaga poni binjo na kanga tanuka, na akumpaa. ⁶ No ondakungenjo subba hikia, kangasikia; nanga ye mindia kusikiaga mbusae enyagi kukuma ndiaku yagakoi na kunigwa libo Gbolusi, na kumbaki makiaki na sekeli poni. ⁷ Tabi mbkanjo kalakuiba eti akuena kima na moti kindia nkumasu : ⁸ mbka ntua mulima bbali, andi ntagangali ka nesio ndiaki pooni. ⁹ Dhhumbi namani ndoti udedelwe nanga uidikania. ¹⁰ Ogunoye, nguda, akue sindaga subbagua ndiaki ; na akukolia bbia kimolesa kasimili. ¹¹ Mani akuhuaga na azungi, omisa kasamili, kimolesi amuge, na bbunjasi asibbe : ali bbinjo naye nguda akubbulaka nesiyo ndiaki poni. ¹² Adedelwe mbka mindia atokisaga kinga ; nanga, mbusasaga, akubbana sabbu ndiaka tolo poni, ndiankumasu alaka ka ndibba bba balio ¹³ Kalakubbabe mbka, kinga kanduabe, kalakugieti : andi Mambombi mindia ni kingio. Nanga Mambombi kalibe sa toka kingaki, na yenkumesi ka kukinga mbka. ¹⁴ Nolo mbka nkumesi kinga ndiaki akutukiliaga kaye nkumi kuebesianana. ¹⁵ Mbusa wekumi kuebesiana, abokote ; na nsobia ka bomba, abokote kuwa. ¹⁶ Bbukulu kuedimaga, bbanamami ndibbe ni bbukundio. ¹⁷ Nkisa poni mabbonga na mani ndiemenemene sa mulimo akusimaga tukilia gulu, kindia aba ntua pemu, kindiaki kalibe kuegalia kedhe dudhu yoneyo. ¹⁸ Akibbokota tuka kabala ndiaki, kaloki sa majima, sekina kibbe bia muganulo sa kima ndiahanga. ¹⁹ Bbuibe njo, banamami ndibbe ni bbukundio. Dumbino, mbka poni esakimese ka oka, nolo bbukebbuke kaongi, bbukebbuke ka zigidhilwa ; ²⁰ nanga zigidhilwa ndia mbka kakoli ka mazima ndia Mambombi. ²¹ Kainjo no, bumake dudhu poni na mazinana poni na bbubbale ka bbudoti lokindiamesia bbanuku, na ndiakutoka lamisa mulimanu. ²² Bbubise loki subbanu, na bbukulubba bbaokiukaka, ka kwedimaga bbakumi na kuelilikana sa bbinjo bbinjo. ²³ Nanga mindia kuoka loki kanga bisai ka mulikaki, amwenyagibia mbka mindiezibili ka ndebelwa nesindie eenyagio, ²⁴ na kadakia kueziba, aiye dhumbi abbusukane nesindie abbiyo. ²⁵ Noho ye mindiatangia bilagilo toto, bilagilo sa bbuliki mabonga, na likakimu, kalakubba mudki na bbusukanai, nono nkoli, mbkanjo akubba na dedelwa sua kimandiaki. ²⁶ Kabba mpka nakueziba eti andi ntuadini, keekabbe na zibilili dakaki, togu nali sa dimaga mulimaki, dini ndia mbkaho alisa kitelu. ²⁷ Dini toto sa majima ndiakali na mudola, namusa sa Mambombi abasu, andisa ya detiliaga bbakuena na bbamakikusa subba muena bbusu ndiabbo, na kuekingililia ka kima mujangu ndiaka gwabbimaho.