¹ Paulo, nkwenda, bbakali bbapka kedda kindya, noo kindya Yeso Kilisito na Mambombi nkumasu, mindya bbuhumbula ndibbabbakuwo, ² Na bbanamani ndibbobbali neemi, ka nkanisa ndya Galati. ³ Na kobbu na kaddaiddai abbe na bbenu tuka kindya mambombi nkumasu na nkumasu Yeso Kilisito. ⁴ Mindye peesiya ye nkumi ka sobbiya ndyasu, andulu akibbuwe ka gwabbimba ndyalelu mazinana, nesindya bha li Mambombi na nkumasu. ⁵ Abbe na nguko tolo poni katolo poni abbe bbinjo. ⁶ Niswekiya nanga bbuntukibhe bhwango eye mindiabbueka bbenu ka kobbu ndya Kilisito, nobbukukoliya ka makulu amabbonga. ⁷ Kalibhe ndyekina makulu mabbonga, noo alibhe bbapka ndibbobba kibhaga bbulizana, na alibhe bbapka ndibbobbakibhalaga ngalingesa makulu mabbonga bdya Kilisito. ⁸ Noo, kabba bbesu kumesi, kedde malaika mindya kagulu bbikibbuto liya makulu amabbonga ndyakalitai yoo ndyekibbutoliya bbenu, akinwe ! ⁹ kisangwa nekiongi, na nisikiliku endindi kabba npka moti kabhika dimagannu na makulu ndya kabbongi akinwe. ¹⁰ Na dumbi, ali bbatuakanji ibbenili kahana, kedda Mambombi ? kedda nikabhala ddedabbo bbatuakanji ? na kabba nibbi endindi nenibbu ddiddi batuakanji, kibbikibba nkwenda mindya Kilisito. ¹¹ Nibbutooliya, bbanamani, makulu mabbonga ndyebbabbutoliya kowami kaali ndya npka. ¹² Nanga kibbuwa kindya npka baa, noo ka enikiluwa sa ndoti ndya Yeso Kilisito. ¹³ Bbuibhaa, nabbuoka makulu ndya mugendyo ndyamo kalasio ka dini ndya bba Yudda nesi ndyenikola siini na luza nkanisa ndya Mambombi. ¹⁴ Nemi ni ya na Musa ka ddini ndyabba Yudda ya kolisa bba mamadda ibbabbi na myaka ndyamo nasubba ntula ndyamo nekikyepesiyaku sini bbala abha. ¹⁵ Noo, Mambombi, mindya ni bhisa kasoho ndyamami, nakinieka ka kobbu, ndyatangiya na mabbonga. ¹⁶ Enikesa miki mindyaki subbami, andulu nionge makulu ndyaki ka kyalo ndya ka gwabbimba, ndumbi bbikioka na bbapka ibbabbali subba koozo na magila, ¹⁷ Na yekiyaga ka Yelusalema kindya ya bbabbi bba kwenda kekebbe minenbbaga, noo ye niiyaga ka alabiya, nenikisikiya ka ddamas. ¹⁸ Myaka salo mbusabhe, niddaya yamika Yelusalema ya tangyana na kefa nenikilika kindyaki tolo komi na mulutano. ¹⁹ Noo kintangi na moti mindya bbakwenda, ambe kabbe Jaqueli, mawa nkumasu. ²⁰ Kayoo ndyenibbuandikiliyo, yoo, andulu ndyali namusa sa Mambombi kikadimaga bba. ²¹ Mbusabhe nenikiya nasekeli sa bbasulia na sakilikia, ²² Noo, kibhikwana keisoami ka nkanisa ndya Yakobbu yuaya ndya yabbi subba Kilisito. ²³ Noo bbaokiti miyo mindya bbimehe na kalooki ka hikiya ndya luzakala. ²⁴ Nabbakinsinda Mambombi kowemi.