¹ Dumbino mbusa sagakomi na sosihini nitoda yamika Yerusalemu imamoti na Baranaba, nenikimbua Tito imamoti nemi, ² Nemi niya nenizibi, natoliaga bbo makulu mabbo nga yoo ndienibbuilia suba bbapka biabo, noho ka nsobokoa bbatwanguko ; kekabe kedde nenisakima nagiyau kitelu, kedde nisakimanakitelu. ³ Noho Tito mindiabi imamoti nemi, iye, mindiabbi muyunani bbakantumililiatinaki. ⁴ Noho nanga banamaki batwa mbela bbo ndibba bbagodaka nsobo, Bbeho bbagodda kansobbo bbalike na bbalia kwoluliaga bbuliki ndiasu mabbonga ndiekilinai subba Yeso Kilisito, bbakibise subba bbuziana. ⁵ Noho nakalibinjo bbikiebisa kusi sabbo sekina majima sa makulu mabbonga alike subanu. ⁶ Noho bbeo bbatwa nguko ndibba bbaenikana bbiabbapka bgulwabbo (nesindie bbalio kalikima kindiamo, Mambombi kabali keiso ndiampka) niginti bbeho bbatwa nguko bbakanitoddiakima. ⁷ Noho danga sa kimanjo, ndiatangia nesindie nilibe katotwa makulu mabonga ndia ndibba bbakabbutinio, dde nesindie Petelo alibe kowa makulu mabonga ndiabbo ndibba bba bbutina ; ⁸ nanga mindiaye mindiantokisa Petelo ka bbukwenda ndia ndibba bbabbutina, andiye mindia nitokisa emiyelia bbapka, ⁹ Ndiamesia iba kobu ndieniba nai, Yakobo, na nakefa, na Yoane, dumbi nabbakubba bbia mbango, nabakunipa emi na Baranaba kiboko ndia nakulukusa lunga na sekina bbesu kiiye kindia bbapka ziddi na kakiala, nabbo baiye kindia bbapka ndibba bba bbutina. ¹⁰ Nohoka kima moti ndiabbabala koasu, kibbukanilie bbanako, neenjo kibalandu kolia. ¹¹ Noho Petelo ndiabika ka antiokia, niha kananaye, tonono, nangaya gbokiliani tiniliaki musango, ¹² nanga kekabikembe kindia bbapka ndibbetolo ndibbatuka kindia Yakobo, aliaga imamoti na bbapka ziddi, noho ndiabbakidda, nakusikia mbusa, na kibbuaku, nalikatia bbeo ndibbabba bbutina. ¹³ Na bba Yuda ndibbatiga nabbakwegalia imamoti naye, dde Balanaba nakuebbuaku na kuegalia kindiabbo. ¹⁴ Noho ndieniba ka mazima sa makulu mabonga nintolea Petelo na musa sa bbapka poni buye ewe kubba Muyuda, utombi mugendio ndia bbapkaziddi, kengekabbe ndiabbatuda, tibuuye andiki we tumilia bbapka tomba mugendio ndiabba Yuda ? ¹⁵ BBesu bba Yuda ka bbokotiana, keekabbeno, bbatwa nsobi bbia bbapka ziddi. ¹⁶ Bikiiba nesindie npka bbakakumbaliliga majima nanga mugendio sa kilagilo, noho kahikia Yeso Kilisito, bbesu ki muhikia Yeso Kilisito, sekina bbakibalilie majima ka hikia ndia Kilisito, kekabe ka mugendio sa kilagilo, nanga kalibe npka mindia bbadakumbalilia majima katotwa mugendio sa kilagilo. ¹⁷ Noho nesindie bbakumi yeki bbaga kabala eti bbakibalilie majima subba Kilisito kienikana batwa sobia, ee, Kilisito alabbi nkolisa nsonia ? aabbee, napipi. ¹⁸ Nangano ddee kialika kima ndieniholaga, nianisi nesindie nkumi nili nsobbi. ¹⁹ Nanga, ka kakilagilo, emi nikuwasa kilagilo, sekina nibbena muliki kowa Mambombi. ²⁰ Niebbamba Imamoti na Kilisito, noho neniliabe, kekabbe nandimi, nohono Kilisito alibe subbami, nabbuliki ndienilinai endindi subba kozo, ali mindia Mambombi, mindianikunda, na pesiaku kozuaki kowenu. ²¹ Kigali kobbu ndia Mambombi, nanga kabba majima nabbi katotwa kilagilo dumbino Kilisito akuwa kitelu.