¹ Ndibbenibbubhaliyo, yoho andu bbaluwa ndya kebbali ndyenibbuandikilio bbenu, subba pooni. ² Andu bbukaniliye yoo makulu ndyaongebhwa kala na bbakwenda bbamawe likana na injo kilagilo ndya nkumasu namulamizi ndyabhikisibhwa na bbakwenda ndibbanu. ³ Bbukuibha ddani lookiyoo nesi subba tolo ndya kadda kaliliya bbakibhika na toha ndyabbo, na bbatombi tangaala ndya bbo bbokaka na bbakionga. ⁴ Na bbakiyonga, alimani lakana sa bhika ndyaki ? nanga tukiliya kindyabba abha bbakuwa, pooni alianesi yabbiyo ka teketa sa bbongosiya. ⁵ Bbakabhala bbusukana, nanga, yabbi gulu nalikiku na looki ndya Mambombi, na kyalo ndya bbongosebhwa tuka subba libbo na kalibbo, na looki ndya Mambombi, ⁶ na ka looki andu gwabbimba ndiabbo ka mbono yoho atumisibhwa libbo, nakuluzukana, ⁷ Noo gulu ndyalibhe endindi, na gwabbimba, abhisibhwa akootu sa kaala ka looki yoho, na bbundilibhwa na katolo sa musango na lujanaga ndyabbo ebbo bbakanti mambombi. ⁸ Noo alikima, ndibbenibbubhaliyo, bbukulukubbusukana, ndyali na musa sa nkumasu, tolo moti ali bbya saga elifu moti, na saga elifu moti alibbhya. ⁹ Nkumasu ka kueddaga tumasa ndya lakiyo, nesi ibbetolo bbaibhiyo, noo bbuwa mulima ndyabbo, nanga kabhali na npka moti bbulaki, noo bbopooni bbelikikane ka kwesikiyaku. ¹⁰ Tolo ndya nkumasu adakibhika bbya nchuma ; katolo si njo, gulu adakikoliya na giti, na ndya hanguana pooni ka asili akisiddisibhwaa, na dduddu na mulimo ndyaliku pooni aswekiliyeku. ¹¹ Dumbi noo, nakabba kima yoho pooni akwenikana binjo, abhalibbenu bbubbe bbatuwa mugendiyo mabboni subba mugendiyo mawelekana, na welekana ndyanu. ¹² Bbukujibha na ka nchenge tolo yoho ndya Mambombi, na hanuliliya ; ndya subba gulu akiwelekana na kasiddayi, na ndya hanguana ka asili akiswekaa na akizungaa ? ¹³ Noo, nesi yabbi kwelaka ndyaki, bbubbundili gulu mpyaka na gwabbimba mpyaka kindye mazima alika subbaki. ¹⁴ Dumbi no keeyoo, ndibbenibbubhaliyo, nanga bbubbundili kimayoo, bbukole na maani andu bbuenikane subba ddayiddayi kanga kiima pooni sasogosaka amalama na musaki. ¹⁵ Na bbenu bbubhaliliye bbuwa mulima kindya nkumasu nesi ndyali kulama, nesi namaasu Paulo ahandiika satuakanji ndyabaa mpa. ¹⁶ Nesi ndye ddee subba baluwa ndyaki pooni, nakionga subbabbo gualooki yoho ; ibhakimabhiai, ibbakatelemi ibbakugaliaga, nesi ndye dde handika ndyekina, kaluza naga ndyabbo bbokaka. ¹⁷ Noo, bbenu ndibbenibbubhaliyo, bbukuibha looki yoho na musa, bbujibhe bbukulubba no bbuisibhwa na nsobhia ndyabbo bbee bbapka ziidi, bbwegengiya na dduwa telema tonono. ¹⁸ Noo, bbubbe subba koobbu na ibha nkumasu na mulamisi mundyasu Yeso Kilisito kindyaki abbe nguko endindi natolo pooni.