¹ Bbaliku subba bbapka bbapi mbela, na nesindya subbanu bbadakubbaku bbegisi sa mbela, ndibbakungilisa egisa hikya sa mbela kapibbo, nabbakungana nkuma mundya bbusumba, kupesia bbakumi luzukana ndya kakulebha. ² Bhiabbo bbakutotombilia ngeli ndyabbo sasiana, na guabbo nalaso samazina bbakusekagaa. ³ Na kowakugomba bbakupesia bbakumi mugaso saloki sadimaga, bbotinilua musangotuka kalasiyo kalebhi kedda bbuluzanagi ndyabo kalali. ⁴ Nanga kabba Mambombi kabbuduelia bbamalaika ndibbasobio, no abbumaka subbakubhu, nabhisabbo kankomo sakilimikiaga doisa kachuelabbo musango, ⁵ Kadduelia guabbimba zalieyi, noo anjuna Noa, na ndibbekina nohambu, ntebhezi mazima ndyabbi kabhikisa libbo tumai. ⁶ Kabba na ohueliana luza kyalo ndya ka sodomu na gomola, abbikaisa abbe sazibhiliabhe kowa ndibbabbakanti mbusa, ⁷ Na kabba namwanisa loti mazima tooto, aokaziddi sini kamugendio sangidda ndya bbeho bbakoliziddi. ⁸ Nanga alimazima, mundyalikisobbe sabbo, bbulizana katolo molimoli ndyaki majima kowa ndyatangia na ndyayaokaga kowa ngelisa bbuoli, ⁹ na nkumasu aibhi nesindya tokizuna bbabbu nduli subba kimaziddi nabhisa ndibbakali na mazima subba nesio ziddi. nakabbetolo sa nkomo. ¹⁰ No bbenjo ndibbabbatombili kozo subba tangala na kima ndya kabheeni na gaya kusalia bbakati na sekaga hikya. ¹¹ Noo alibbamalaika, ndibbali gboluabbo ka maani na kamaani bhiayi, bbakakubbunyegelaga musango amaziddi kowa Mambombi. ¹² Noo bbo, bbyabba hangibhuo mabbula ibha, ndibbabba bbokotiano bbya bbanyama sabbulisabbo bbakusekagaga kaloki ndya bbakaibhi, bbakubbuluzaa subba luza ndyabbo. ¹³ Bbakuena mpela sa kola zidi ndyabbo, bbakuddeddelua subba bhutamizi ntangali na bbakutangia saziddi ka bbugeni ndyabbo ka mbono ndya bbakukola bbugeni mamoti na bbenu. ¹⁴ Ndibbe isuabbo atumiku ngidda bbakpa ndibba bbakakutoka dduansobia, bbadakisagi mulima ndyali tonono, ndibbe mulima abbusagio. ¹⁵ Mbusa sa tukabbo kanesio semenemene, nibbabbuli katomba nesio ndya balama, mukwa beori, mundya bhali mpela mazinana. ¹⁶ Noo bbantanukaga kasobia ndyaki nkumesi, nkaina mundyakasobholi loki nakionga kalasoa nkpa nakikomisa bbalimo ndibba nabii minjo. ¹⁷ Bbeho aliahuddi ndyakaliku libbo, na kubhandiakumbibhuo. ¹⁸ Mamoti naongiloki gbolusi sa kutangia, nabbakubbusengelia kabbasa kozo, kasiana, bbapka ndibbandiki tetia ndibba bbali kabbuliki sa dimaga. ¹⁹ Nibbakulaka bbuliki amabbonga keesi bbo bbalibbatua luze, nanga nkpa kasagwa na nkpaho, naye bbakumbikisa kankomo. ²⁰ Nanga bbenjo ndibbatetia zangaga ndya guabbimba kanesio saibha nkumasu na njuni Yeso Kilisito, bbakagbebhua kaloki iyoho na sagua ngelio ndyabbo ndyaka ddakililia alimazinana kolia ndya kateketa. ²¹ Nanga abbikibba amabonga kowabbo embe kakabbe nibbaibha, mbusa ddua bbilagilo mawelikana ndyabba bbupio. ²² Noo akiddi kowabbo bbyaganya sa mazima ; mbua asikili bbuloki ndyaki nkumi, nanguya mundyaogio asikilianioga dodho.