¹ Simoni Petelo , nkoli na kwenda mindya Jeso Kilisto, ka bbee ibba da Hikia ndye menemene moti subba mazima ndya Mambombi. ² Kobbu abbee kya bbenu na ddaiddai atodde bhee subba ibha Mambombi na Yeso nkumasu. ³ Nanga maani ndyake ndya mambombi akipi bbesu kima ndyali imamoti na bbuli na welikana, kaibha iye mindyakieka ka nguko ndya ke na ibha kima ndyake ungumi. ⁴ Thodde ka loki yoo ndyakipa na laka ndyaki gbolusi sina na Mabbonga ; andulu na kalaka bbubbe na ngelio ndya Mambombi. kabba nubbu zunibhu tuka luzukana ndya mee gwabbimba nanga tangala. ⁵ Hii, nanga looki yoo bbukibhi sabhe toodee nasekeli ndyanu na maniponi, subba ikya na subba ikya na kaikya ndya bbenu kiibhe, ⁶ na subba ibha ndyanu gbutusi na gbutusi ndyanu bbua mulima na subba bbua mulima ndyanu, welikana. ⁷ Na kawelikana ndyanu bhala ndyatualuganda, bhala. ⁸ Nanga looki yoo kabba ndyanu abbe bhiabbika abbukusi kedda bbakali bbanpka ibbakali na mbokayi kaibha nkumasu Yesu Kilisito. ⁹ Nanga iye mindya bbuli looki yoo ali ndakani iso katangia kima ndyali bhiyabhiya, koni abbusukani nisii awelikani kasobbia ndyaki ndyekala siyoo. ¹⁰ Kabbinzo, bbalunga bbesu bbuko lamanii bbiani kola mabbonga ekebhwa na bboebhua ndyanu. ¹¹ Nanga yoo bbukupesibhwa bbinjo ngila ka kusalia gbolusi ndyakada kusiabhe ndya nkumasu, njuni Yeso Kilisito. ¹² Ka bbinzo nibbindilia katolo poni kanilisanu bbenu looki yoo, nakabba nubbuibhi na meisibhua subba mazima ndobbulinayi. ¹³ Na nizibha mazima, tomono ndye minili subba ndabbo yoo, nibbumeide bbenu kanesio sakanilisanu, ¹⁴ kiibha nisi bakabbua ka ndabbo ndyamo abhiki bhungo bbya nkumasu Yeso Kilisito mindyanianisia. ¹⁵ Hii nikikola namani na katomo noponi mbusa sa kuwa ndyamo andulu bbukanilie loki yoo. ¹⁶ Nanga kikitombi ganya ndya bbokisibhuwa na ini ndikubbutolia bbenu tuka na bhika ndya nkumasu Yeso Kilisito, noo bbesu ngumesi kitangi kugboluanpka ndyake. ¹⁷ Nanga aena kindya Mambombi abha na nguko, ndya laso abhika tuka ka nguko mesio miyo alinamii mindiembalia, ndikibbi imamoti naye. ¹⁸ Na kioki laso joo natuki gulu, ndikibbi naye ka gusia mawelikana ¹⁹ Noo kili na loki sa kunabiki ndiatelemio sini, na abbu gbokilania bbenu bbuzibhe bbiatala ndya zigio subba kilimikiaga na kasiya kyalo natanga tanga mindya umaumau subba mulimanu. ²⁰ Bbukiibha loki yoo, nisi kalibhe kunaabi, subba kitabbo atolibhua nisi bbianpka bbinzo abhalia. ²¹ Nanga naabi poni kabhikisibhua ka bhala ndya npka tuki kindya Mambombi nabbakieki sibhuwa na mulima ma welikana.