¹ Petelo, nkwenda minda Yeso Kilisito, Kowabo ndibbali bageni na ndibba bbanjikana subba aponto, Galatia, Kapadokia, Asia na Betenia. ² Nesindie dhee Mambombi abbasu alika na bbuibi kalasio, ka welikana sa mulima, sekina bbabbe bba dhoti, na ogisabbo ka magila ndia Yeso Kilisito : udhue nkisa, na daidai abbe biai kowanu ! ³ Utume na nkisa uwe Mambombi, aba nkumasu Yeso Kilisito, nesindie ye, atodha bbokotasu kakobbu ndiake biai sekina kibbe na kuesigia ndiali bbuliki satoloponi ka humbuka ndiake aka Yeso Kilisito ka subba ndibba bbakuo, ⁴ kisena muandu ndikali ma luzukanai, dhee ndiakakutoka tukai be napipi, ndiakali na dudhu, hundiabbu bbindili gulu ka mbinguni ! ⁵ Nabbenu ndibba mani ndia Mambombi, abbubbindia kamesio sahikia doisanu kaena kulama ndialika eenikanai katolo ndia kambono ndia mbusa ! ⁶ Subaki bbudhe dhedhelua mulinaisini, kabake ndindi kambono pipi, kabba nangbokiliani mwenisanu bbusu katolo pipi subba kinganu ka nesio yoo neyo, ⁷ Sekina kingibwa ka hikia, ndianu ndialisa mugaso kolia feja ndiakulu zukana naduaka kingai na kala, eenikana ndiemene na nguko katolo ndia Yeso Kilisito akwenikana, ⁸ Iye mundio bbunkundi kebbukuntangie, eye mundie bbumuhikia kanga tangaki dhee, bbudhedhelu sini kadhedhelwa ndiakalina ongaibe, sa nguko, ⁹ na bba na sungeliasa hikia ndianu, na kulama sanu. ¹⁰ Bba nabbi, subba maku makuluo sa kulama bbaonga katotwa kobu ndiakibbudhabe bbenu. ¹¹ Bbabala kabba naali kambono ndiadhi mulima ndia Kilisito ndiali subbabbo ndianisana kambono ndiatandika ongabe mwena busu ndiakunduabe Kilisito dhee na nguko ndiakumbikabe. ¹² Nibbakutangia nesindie kali katotwa bbo nkumesi, nohokowanu ndibbe bbukola ka kimaho, ndiaongebua be kowanu endindi nabbo ndibba bba bbuongilia bbenu makulu mabbonga ka mulima mauka ndiatuka gulu, lokioho malaika nabbo bbekumbuli zibai. ¹³ Bbinjo dhimbino bbue tina kudu ndianu, bbubbe bbatwa kweimabe, nibbulia nobbuesigi dhakilia ka kobu ndiakibbu kidhabe, ndia Yeso Kilisito akienikana. ¹⁴ Bbia bbanikibba dhoti, bbukulukubba nabalayo neyondio bbubbi naikala, sa bbulaiba. ¹⁵ Noho, nesindie mindiabbue ka ali mawelikana, nabbenu dhee bbubbe bbamawelikana subbadhe nadhetaga ndianu poni, nesindie bbandika. ¹⁶ Bbukubba bbamawelikana, nanga emilima welikania. ¹⁷ Tino bbuku mweka aba, iye ntini musango nesindie npka asobio, keekabe nanzibi mioho andiani, bbudhetage na bangakatolo ndio bbulia nai mehebbiabba bbageni, ¹⁸ bbuibe nesindie bbutukiku kekabbe kima ndia kutodha luzukanai, bbai ambangana kedhe feja, dhumbi bbutuke subba mugendio ndiamu ndiakagbokiliani ndiobbubbua kindia bbabanu, ¹⁹ noho ka magila ndiemenemene ndia Kilisito, bbia mikia ntama kangansobia kedhe likoku, ²⁰ naye aibikana mazima kekabbembe gwabimbaho nalaaenikani kasungelia sakambono nangabenu, ²¹ na bbenu kowaki bbumuhikie mambombi, iye mindia muhumbula tukaki subba kuwa napaki nguko ; sekina hikia ndianu kuesigia ndianu abbe subba Mambombi. ²² Bbukumesia wela mulima ndianu mazima, doisaka kunda sa mazima kowa bbadanu, bbukundane biani bimoti na ndibbe tolo, kamulimanu poni, ²³ nanga bbutodha bbokotianu, kali ka mbulu maluzukana, noho ndiaka kulukana, ka loki ndia Mambombi ndiali na bbuliki ndiakadakusiabe. ²⁴ Nanga kozoponi ali bbia kasamili, nanguko ndiaboponi bbia kimole sa kasamili. Kasamili maoma, na kimole akumugaa ; ²⁵ noho loki ndia nkumasu akulikabe toloponi. Na lokioho andu ndiabba bbutolia kolilia ka injili.