¹ Dumbi oddue kima ziddi poni, na dimibhua sabhala yoo ne yoo na abbililia poni. ² Ubbuzibhe bhenze ibbabbo bbhaniki bba kotiani endindi, mubhale bbele ndya kamulima ndyakali na dimaga, bbubbe nayi doisa kakula ; ³ Kubba nibbibha bbya nkumasu alimabbonga. ⁴ Bbubhike bhiabhia naye, tali malika ndya makibhua na bba npka, noo abboibhu na abbongi namusa Mambombi ; ⁵ nangu na bbenu dee, bbya talindyalika, mualikibhua bbubbe ndabbo samulima, mawelikana mabbonga kindia Mambombi kolilia Yeso Kilisito. ⁶ Nanga andikwa subba maandiko : onzibhe, nibhisi subba Sayuni tali mabbimba nenpkengbu, ndya bboibhua, na sanguko, naye mindia muhikio kakitangia soni. ⁷ Noo kima sa mugaso yoo alikoanu bbobbuiko; noo bbee ibbahiki nzi tali bbaaliki bbakomia, alitali manyeta nenpkegbu. ⁸ Tali sakadisa na mani sa gengia ; nangaa bbabbi ka loki ijoo bbabbi bbaoli ; nabbo bbabhi sibhumejo bbabbe na loki ijoo. ⁹ Noo bbenu bbuli kwalo ndyabboi bhuwa, bbakwenda gbolusi ka kusalia, kwilo moti mawelekana bbanpka ibbali tunga ndya mambombi nkumi, kubbonga ndyake mindya bbuekia tukanu kakilimikianga bbugodde ka bhenu ndyake samani, ¹⁰ bbenu ubbukubbi kyalo kalasio yoo noo endindi bbuli kyalo ndya Mambombi ; ubbikubbi nubbueni ganilia noo endindi bbueni ganilia. ¹¹ Ubbobhalibhua, nibbukungia, bbia bbageni na maddetangi gua gwabbimba, bbuddue bhala sa kozo ndya kaluana na mulima. ¹² Bbubbe na mugendo ndyanu imabbonga subba bbanpka ka kyalo ; ka kima ndya bbakaambililianu bbenu bbaabbakoli ziddi, bbakatangia mugendio ndyanu mabbonga bbansinde Mambombi, katolo ndyada kibbuzibha. ¹³ Bbuddote, nakilagilo poni ndyabbanpka katotua nkumasu kabba nalisalia kabbana ngboluanpka sini. ¹⁴ Obbe kabbatelemeli, bbya ebbebbutikibhua naye, goiye bbakoli ziddi, na ngungisa bbakoli mabbonga. ¹⁵ Nanga joo alibhala ndya Mambombi kakola mabbonga ka keisa daka ndya bbaluku kibbudakise bbanpka bbijojobbijo, ¹⁶ nisi bbali na bbuliki sa bbii, bbuli kubba na bbuliki sa bii nimuatiangi kunpka ziddi, noo bbakoli Mambombi. ¹⁷ Bbubbuutisse bbanpka ; bbubhale bbanamusa ; bbuntie Mambombi ; salia. ¹⁸ Bbakoli, bbuoke tiyaponi kabba engesi ibbanu, kali kabbee bbokaka ibbabbongia na ibba hehelia, noo nabbee ibbakalamia. ¹⁹ Nanga loki yoo abbalibhua, kabbanpka kabbala nguhumaka kanilia Mambombi, naye akemwena bbusu keye kabbe mazima. ²⁰ Bhuiye aninguko tina kabba bbiki sobbia na bbukubbibhua nanga eye, bbubboi mulima noo kaduabhe kakola mabbonga bbukumwena bbusu. ²¹ Nanga bbuekwa keinjo nanga Kilisito amwenabbu kowanu ddee nakibbuddwelia bbenu bbutombe nesineye abbiyo. ²² Iye kakoli sobbia kedda ini kaenikana kananokwake ; ²³ mbono ndya bbansekangia, kabbusikisilia sekaka ; katomono ndya mweni bbusu, iye kadimagi ; noo ebhisa kindyaki mindya ntini musango ka mazima. ²⁴ Eye nkumi akumba sobbia ndya bbesu subba kozo ndyake gua musalabi, nakabba bbesu ; naka bbindibhua ndyake bbulamaa. ²⁵ Nanga bbubbi nobbubbuli bbiatama ; noo ndindi musiki poni bbabbundili na nkwenda sa mulima ndyanu.