¹ Icyamp'ugasatur'ijuru, ukamanuka, imisoz'igatengukir'imbere yawe. ² Nkuk'umurir'utwik'inyayu ukatuz'amazi, kugira ngw izina ryawe rimenyekane mu banzi bawe,amahang'agahindir'imishits'imbere yawe. ³ Ubgo wakorag'ibitey'ubgoba tutabyibgiraga, waramanutse, imisoz'itengukir'imbere yawe. ⁴ Kuk'uhereye kera nta bg'abantu bigeze kumenya, cyangwa kumvish'amatwi no kurebesh'amaso, indi man'igir'icy'imarir'uyitegereza, itari wowe. ⁵ Ubonana n'unezererw'ibyo gukiranuka, akabikora, n'abagendera mu nzira zawe bakwibuka; ariko wararakaye, kuko twakoz'ibyaha; ndetse twabimazemw igihe kirekire; aho no gukizwa tuzakizwa? ⁶ Kuko twese twahinduts'abanduye, kandi n'ibyo twakiranutse byose bimeze nk'ubushwambagara, bufit'ibizinga; twese turabank'ikibabi, kandi gukiranirwa kwacu kudutwara nk'umuyaga. ⁷ Nta wambaz'izina ryawe, nta wibatura ngwakugundire; kuko watwimy'amaso,ukadutsemba, uduhoye gukiranirwa kwacu. ⁸ Ariko noneh'Uwiteka uri data wa twese, tur'ibumba, naw'ur'umubumbyi wacu; twese tur'umurimo w'intoke zawe. ⁹ Uwiteka, wirakara cyane bikabije, we guhora wibuka gukiranirwa kwac'Iteka ryose; turakwinginze witegereze, twese tur'abantu bawe. ¹⁰ Imidugudu yawe yeraihinduts'ikidaturwa; i Sioni habayikidaturwa, i Yerusalemu habay'amatongo. ¹¹ Inzu yacu yera nziza, aho hiye; n'ibintu byacu byose binezeza byarononekaye. ¹² Uwiteka, uziyumanganye, kandi bimeze bityo? Uzaceceka, itugirire nabi rwose?