¹ Bonso mor' obungu rwar' itenguuha, Mor' obungu rurisere b' abi! ² Rutango rukira anga na murenge, nti rwaraa mw' ihakanyiwa, ntirwri ya kuri Mukota, rutangeya kuri Ongo. ³ Ebakakare barikire munkati naro, ntare s' ihiyange, ebakery' esamnsa bae ngoi sa mwiyorioro ntisaraa mwesiya kikai cha mukoma. ⁴ Ebatahwa bae bea batetera, nti bea b' eira; bashebakungu bae babishange 'bikai byashuururwa, banoange 'myomba. ⁵ Mukota w' eira munkati naro, utaronjanga bubi; kinsi mukomakoma esemansa sae uronjiengi to mo chaka, usir' eruka, eina emweya mubi nt' usi nkene. ⁶ Namashirianga nganda; enkumbu s' abo ikakura to; namabishang' emwengere y' abo, kusisa tu b' etanga muto! esambungu s' abo shamashiriranga, kusira urikanga muto , kusira bea! ⁷ N' eba: kuti oongo hunang' ensubaha, utea mote mw' ihakanyiwa, Eburiky' abe butakoch' ikakurwa, Kinsi ch' ema atuka chasond' iku kory' ani kita mweya; Eina babesa tete ebisha emikorere y' abo. ⁸ Munirindiri; ng' weba Mukota, Mor' otu rusesimana 'ni katinge 'mishokoro, bushwa namanga ekumanyanya esanganda, Ebukumanyanyie 'babake, mwinsansabanyie bo ebusubuke bw' ani; Bushwa mo kasha k' emono wani echuo kiti kiseshikwa. ⁹ Himpo, ns' eninke 'bea mitutu yashuururwa, kongo babikiraa ebati e rina ra Mukota, mw' i kukore mu mutima w' esimirana. ¹⁰ Etukire kubasirwe 'sangesi sa ku Etiopia kusensaire banihemange ebansansanyiwa b' anu basendishhieyo nkembo. ¹¹ Mu 'ngo matu utorukiriyo tu nkene oongo mo bubi. Bushwa nsekutoyo munkati n' abe ebati babesanga bahimange na ngari, n' otusheiyo tw' eyuma mo r' ou rwani r' washuururwa. ¹² Nsesiayo munkati n'abe bea barongu na bakeke, ngi basesheeyo emabekero abo kumund' e rina ra Mukota. ¹³ E basiya mo bana ba isiraeri batakoriyo tu bubi, batebiyo tu bushukishuki, na mo monu abo mutabesiyo tu binwa by' ehusa; Eina baserishayo, baseruhhukayo, na kusira tu mwea waseshoshayo bo. ¹⁴ Kuwa murenge wa ngoa , kikumi cha ku Sayuni, Rekera w' ikokoma, kikumi cha ku Isiraeri. Moa na kokoma mo mutim' abe uti, kikumi cha ku Yerusaremu! ¹⁵ Mukota wa mabundw' ebihumbo by' abe, wamahimire kore emurenda 'be; E mubake wa ku Isiraeri Mukota uri munkati n' abe; Ongo sira tu bonso bw' asunga ongo. ¹⁶ E r' oti 'ndo, Yerusaremu ukushishiwa: kiro 'subaha kikai ku sayuni, emine y' abe kiro yatetera! ¹⁷ Mukota, Ongo w' abe uri munkati n' abe, buri murai w' ashukayange waseronja kuri ongo ngaa sikiri waranganga ihehera mo nchime ' ae, washee kuri ongo eondo rw' omoo. ¹⁸ Nsekumanyanya imbi bari mo bonso, kore n' ematu esangoa s' ematu, Imbi barituka mo bura 'be, esankene s' arikerae bo. ¹⁹ Sunga mo matu 'ngo, ntasimirani yo n' ebabi b' abe bati; nseramyayo ebakuneka, na nsekusomboyo ebarihensiwa, nseronja n' abo kinwa ch' itata Ongo na busime mo chuo kiti ekuri bo munkaty' esankene. ²⁰ Mo matu ngo, nsebukuru chayo; e matungo nsebukuma nyayo ; Bushwa na bburonjayo kinwa cha ngoa na buronjayo kinwa cha ngoa na ch' itata munkaty' ebea bati b' echuo, nsekiayo namakurucha ebinu baritingirwa mo meso inu, Ng' weba Mukota.