¹ E kinwa cha Mukota ch' ehie Safania, musiky' a Kushi, musiky' a Kedoria, musiky' a Amaria, musky' a Hesekia, mo matu a yosia, musiky' a Amoni, mubake wa Yuda. ² Nsebishabisha ebiti mo chuo, Ng' weba Mukota. ³ Nsebishayo ebeya n' esanyama, emironge ya mo mwanya n' ebikuro bwa mo nyansa, N' ebikai by' er' isitaya, n' ebabi etuka mo chuo, Ng' weba Mukota. ⁴ Nserangayo Yuda n' emwine ani n' ebeya bati ba ku Yerusaremu; Nseheanya ekebe chasia ch' ebakorengi Baari etuka mubuno butaka, Erina r' ebakakare bae n' ebakori hima n' abo, ⁵ Imbi b' indamange habusondori ebichiri bya mo mbingu, imbi b' indamange mw' isere mo rina ra Mukota na mor' emubaky' abo, ⁶ Imbi barisia Mukota, na 'mbi batangasonda Mukota, ebatina emushisha. ⁷ Mubebere hamakako na Nyerekuritu, Mukota! Bushwa er' otu rwa Mukota ruri kwihi, Bbushwa Mukota waritunganya kinsinso, warirondora banarwae. ⁸ Er' otu rw' ekinsinso cha Mukota, Nseshiriayo ebakwakare n' ebana b' ebabake, n'ebati 'mbi bambara nchangi sa beni. ⁹ Er' otu 'ndo, nsehumbayo ebati mbi bomeraengi kubasirwa esankuso n' eririy' enumba ya Nyerekurwabo bubi na bwibi. ¹⁰ Ind' otu, ng' weba Mukota, kusebesayo mirenge ha rubi rw' ebikuro, mirakasao mo umpe mutanga w' er' obungu, na changa kikiri kubasirw' esangu. ¹¹ Mubibii, bisa ku makreshhi! Bushwa ebachuhishii bati bamashhirira, E bea bati bise behe bamasika. ¹² Mo matungo, nsesondekanyayo ku yerusaremu n' itara, na nsehumbayo ebeya bari mo mataka 'bo n' ebebange mo mitima 'bo: Mukota utakoranga ari 'shu ari bubi. ¹³ E bikai by' abo biseshokorwayo, N' emanumba 'bo asekakurwa; Basimbayo manumba, atarikiyo tu mo 'bo, Base ekayo misabibu, ito muyo mo 'bo. ¹⁴ E r' otu rukiri rwa Mukota iye ruri kwihi, ruri kwihi, rw' eyange tete; er' otu rwa Mukota rwabuch' iorukirish' emurengy' ae N' ebarai bakuange mirenge ya bwae. ¹⁵ E r' otu ndo otu rwa busubuke otu rwa bonso na rwa kiro, otu rw' eshiria na rw' eshambura, otu rwa mw' erimya nakwasiro, otu rw' okungu n' otundo, ¹⁶ Otu rusebuhwayo e kahanda n' emirenge y' ebita mo sambungu sasuma-suma n' ekwakangamyaa. ¹⁷ Nseriayo ebea mu boonso, na basetambayo buri bihhumu-humi, bushwa barikora bubi kuri Mukota; Nsensansabanyayo enchama 'bo buri mukungu, n' enyama s' abo buri tubi. ¹⁸ Nakiro efesa y' abo arie noro itakochiyo iyoshukayo bo , Mor' otu rw' ebusubuke rwa Mukota, Mo kasha k' emono wae echuo kiti kisesaka , bushwa usebisha bisha bis' echuo bati.