1 Nti bhanu mosi ebanakitu, bhushwe nishisha bheya bhasi e myomba, imbi e myomba ikorange kumund' e mweya mo riba ho rae. 2 E mumina, e wabingwa, wahwi endere mo myomba ya moke wamabhesa ukiri ho ina kuti moke wamakwa, nti wahwiemisa e myomba ye mabingwa. 3 Ina muntambi moke uriho, na kuti uri na umpe wabume,nti wabikirwa, musingirani; eina kuti moke wamakind'ikwa, nti ntiwaminwa tu n'emomba w'ekuri moke. 4 Na bhumbo, bhanu bhanakitu, muritukana ne mubhi wa Kirisitu, washurwanga bhushwe ne myomba, kongo mubhesa bha umpe, muungu ewakufuka mo bhakwi kongo twabute Ongo byuma. 5 Bhushwe twarekiya tukiri mo mubhi, e karawa k'ebhibhi ekasibwa bush' emyomba nti kanubyang'ebitambo by'emibh'itu, kongo twabhuta byuma by'oku. 6 Ina enompena, twamatunjiirw'emyomba, inji yatukiyanga bhakwi mor' ibhesa twaminwa muyo, iye tukorange mu mutima mushasha nti mu mitiro ya karekare. 7 Twebhe bhuni? E momba wema? Kusira, bhushwa nasibhanga e bhubhi itukana n'e momba. bhushwa ntamusibhang'e korak'emakuti e momba utamuhangirengi ko. 8 Ina ebhibhi byashee 'nse, bhushe 'momba byarisha kumunda nani kinsi bhususe bwa karawa; bhushe e hasir'e momba ebhubhi nti bwarikwa. 9 Nakuba ho nti hasira momba, ina itukire e myomba yabese, ne bhubhi bwabhesa ho, nani nakwa. 10 E myomba ngi yahwirusha e karamo, yandishie eroku. 11 Bhushe e bhibhi mo myomba yanishura. 12 E momba washuururwa, ne myomba nji nayo yashurukara n'ihunda. 13 E byahunda byamarisha erikwa rani? kore nampo! ina ebhubhi, murikwishea bhuri bhubhi murindishie e rikwa, bhushwe e bhibhi. 14 Tusi mbu e myomba ya mutima, ina ani wa mo mubhi, narichuiwa mo bhibhi. 15 Bhushwe ntinisi imbi ebhikorange ani. Ntangakora e byashima ani, nikorange e bya nena ani. 16 Na namakora ebyabhaa ani, nasibha mbw'e momba wahunda. 17 Himpo nti ani tu ngi nikorange e bhinwambi, ina e bhibhi ebhiri kumunda nani. 18 Ebyakonda nisi byo, bh'itarikanga kumunda nani. ng'iebha mbu kumund'e mubhi ani, nisasange ina naruka kara k'ikor'eshu. 19 Bhushwe ebyahunda ebyashima ani, ntangakorabyo, ina nikorange e byema, entibyashima 'ni. 20 Namakora e nti byashima ani, nti ebha mbu nty'ani nge nikorange byo ina ebhubhi buri kumunda n'ani. 21 Nashee munkati nani e momba ngu, kuti nisondi ikora byakonda ebhubhi bwanimina. 22 Bhushwa nashime myomba ya Ongo etukana ne mweya wa kumunda nani. 23 Ina kumunda nani kuri umpe momba munkati ne bhitambo bye mubhi, bhikwanange n'eriyorukira rani, nanjo yandonja mufuku w'ebhubhi mbu bhuri kumunda nani. 24 W'emario nty'ani, inye ngi wasendamya n'emubhi w'er'ikwa? 25 Ina e nchumo tukuruchiiyo Ongo kuri Yesu Kirisitu Nyerekuritu. Nani niri mwirindire,mufuku wa myomba ya Ongo, na mo mubi ani mufuku we myomba ye bhibhi.