¹ Inki kisebha bhate? turike mo bhibhi kongo e nchumo yarira? ² Anga! Bhate mbi twakwire mo bhibhi, bhuni ngi bwamuba tu bhate ho mo bhubhi ? ³ Nti bhanu mosi mbu bhate bhati imbi twarubhikwanga kumunda na Yesu Kirisitu twa rubhikwanga mu rikwa rae? ⁴ Ngeriebha mbu twatawanga nae murirubhikwa mo rikwa rae, kongo bhuri bwafukanga Kirisito mo bakwi moritatwa ra Tita, na bhate hotu twabhesanga nti twendange mo bhuingo bhushasha. ⁵ Kuti twakind' ibhunduke murime uma nae mor'isusana mor'ikwa rae tusebhesa mbo hotu mor'ifuka rae. ⁶ Mwesibha mbu e mwea witu wa karekare wariarwanga mo riango hima nae, kongo e mubi we bhubhi wabhishiwabishiwa, bhushwe anga ntwabhesa tu bhafuku bhe bhibhi; ⁷ Bhushwa ing' wakwanga warobhorwa mo bhibhi. ⁸ Na Kuti twarikwa hima na Kirisitu, turi nesimira mbu tusebhesayo hotu ho hima nae, ⁹ Mwesibha mbu Kirisitu ingu wafukanga munkati ne bhakwi, utamukwa tu, eroku rusira tu bhunkangwe kuriwe. ¹⁰ Bhushwe wakwanga, bhushwe ne bhibhi ngyasingwanga wakwa rima ne ruti, warekuruke mo karamo na bhushwa Ongo ngi bhuriwe ho. ¹¹ Bhumbo, na bhanu bhesine, mwesunge bhuri bhakwi mo bhubhi na bhuri bhari ho kuri Ongo kumunda na Yesu Kirisitu . ¹² E bhibhi kiro byasima mo mibhi yinu y' erikwa na angi simira ekarawa kao. ¹³ Ang' ikoresha e bhitambo bye mubhi wabhe mo bhibhi, ina ria e mubhi wabe kwa Ongo buri bheni munkangwe, waramanga e r'oku, ne sanungo se mubhi wabhe bhuri bhikai by'eira kuri Ongo. ¹⁴ Kiro e bhibhi byabhesa na kara kuri ongo, bhushwe nti bhanu muri tu mo myomba ina mo nchumo ya Ongo. ¹⁵ Inki kwe? tukore e bhibhi bhusha turi mu nchumo nti mo myomba? ¹⁶ Anga nti banu mosi mbu ungo ewarikwitereka mu bhanu mw'imorukire, bhanu bhakori bhae, ari mu bhubhi bwe rikurisha mo roku, ari mw'irisia ririshange mwea mo reira. ¹⁷ Ina e bhuhoro tuninkebo Ongo! bhushwe abhesanga bhanu bhafuku bhe bhibhi, ina mwehicha mu mutima, mu mahano e aninkwanga bhanu. ¹⁸ Murobhorwa ne bhubhi mwibhese bhafuka bhe reira. ¹⁹ Nebhange bhuri mweya bhushwe n'e bhutetera bw'e mibhi y'inu, Na bhubho, bhanu mukoreshange e bhitambo bhinu bye mubhi bhuri bhafuka b'e r'eira ne byema,ina enompena, mukoresha e bhitambo bhinu bhuri bha bhafuku bhe riira ne rishururwa. ²⁰ Bhushwe e kashangi akosanga bhanu bhafuku bhe bhibhi nti mu minwa ne riira. ²¹ Mikorere 'nki ng'yabhutanga bhanu? Mikorere yabhususa iya na run'otu. Bhushwa hende na'mbi bhikai, oku. ²² Ina entambino, ebwamobhorwa oongo mo bhubhi, ngie ongo mufuku wa Ongo; ongori na mikorere yashuururwa mu murimo w'ekaramo k'e matu ati. ²³ Bhushwe e ruhembo rw'e bhibhi nty'eroku, ina e ruhembo rwa ongo nti e karamo ke matu ati kumunda na Yesu Kirisitu Rukombora witu.