1 Pauro na Timoteo, bhafuku bha Yesu Kirisitu, mo bhati bhashuururwa kumunda na Yesu Kirisito e bhari ku Firipi, kuri e bharangi n'e bhakori bhabho: 2 E nchumo ne bhuhoro bhibhesi n'inu ituka kuri Ongo Tita na Mukota Yesu Kirisitu! 3 Natata Ongo wani mo bhiti mbyo byanikira m'wani ebyarang'ani kuri bhanu. 4 Ntinareke, mo mahemo ani ati kuri bhanu bhati, 5 Mwishea e sangowa sani mumbi e bhikorange bhanu morienja e mwasi we karamo, itukire erotu rusondori iya na runotu. 6 Namakind'irisia mbu ungu wabhuchanga kuri bhanu e murimo ngu wakoma wabherereshayoo'shu mo rotu rwa Yesu Kirisitu. 7 Rira eira nanikirembo kuri bhanu bhati, bhusha nabhuria mo mutima wani,amabe nti mor' isibhana rani, amabhe ntimwiebhere na mwitura kariho ke mwasi wakonda, bhanu bhati mbi mushangira uo mukisa n'ani. 8 Bhusha Ongo kariho kani nabhushima bhanu bhati hima n'ebhonso bwa Yesu Kirisitu. 9 Nanchi kihemang'ani munkati n'emahemo ani, e nchimi yinu iongorere ngendo ningi moresibha na mo bwenge bhuti. 10 Morinsonsomorwa r'ebhikai byarengekana,kongo mushuururwa na bhasira kinwa chema mo rotu rwa Kirisitu. 11 Bharisa chuma ch' eira kiri kuri Yesu kirisitu,mo wime na muritatwa ra Ongo. 12 Nashima mbu muteerere, bhanakitu, mbu ebyakumananga nani byakusakenga nguru mo rienja emwasi wakonda. 13 Himpo, munkati eriminwa n'ekuti nku, kusira entusi mbu bhushe bwa Kirisitu ngi chasingwa naminwa. 14 Na bhingi mo bhanakitu kumunda na Nyerekuritu, bhari n'echangu bhasira mitikotiko mwetura emwasi anga bhobha. 15 Bhima, eira bhaturang'emwasi wa Kirisitu mu karawa na mutima wabhuhaka, ina bhampe bhaturange emwasi wae hima na mwanikiri wakonda. 16 Imbo bhakorange na nchimi, mwesibha narekindi iterekwa mwekite e mwasi wakonda. 17 Ina e bhampe mbo, bharisere na mutima w'obhangu, bhaturange Kirisitu mu bhiremero mbi nti byashuururwa hima na myanikiri y'isimo kumunda nani bhurunga munkati n'eriminwa rani. 18 Nge kinki? mukinsi bhususe, abhese mo bhususe bhusungwange, abhese mo reira, Kirisitu ntwashambarwa rikeke: nakokome cho na nakokomerwayo tucho. 19 Bhushe nisimbu bhimbyo bhisebhunduke mo nchukaro yani,bhushwe n'emahemo inu n'erisake r'emutima wa Yesu Kirisitu. 20 Etukana n'eresimika morerinde rani n'emwenyihiro ntabiyo na nkene siti, ina mbu enompena buri ematu ati, Kirisitu waasimayo mo mubhi wani anga mitikotiko, ari mo karamo kani, ari mo rikwa rani. 21 Bhushe Kirisitu nge karamo kani, n'erikwa kuri' ani mwengerero. 22 Ina amabhese rakonda mo mikorere yani nibhe ho mo mubhi, ntamusibha iebha echamushima ani. 23 Naashikwa mu nkaro sibi: niri n'emwanikiri werikweire n'ibha hima na Kirisitu, inchi ngi charengekana nguru. 24 Ina bhushe bhanu rarengekana nguru nirike mo mubhi. 25 Na narisia, nisi mbu nisebheseyo na nserikayo hima ninu bhanu bhati morioshuka rinu na mo sangowa sinu kumunda n'erisimira. 26 Kongo morekuruka rani kokuri bhanu mushei kuri ani mwasi mukiri w'eshima rinu kumunda na Yesu Kirisitu. 27 Ina mwemise mubhususe bwakonda bw'emwasi akonda wa Kirisitu, kongo amabhese nisiya kabhusunga, amabhese nti niri ho, narindire nerikire bhebhange kuri bhanu mbu musimana nguru mu mutima uma, bhakwani bha mutima uma mo r'esimira ekinwa chakonda. 28 Angi musiana, anga n'akeke esubyahwa n'ebharenda, incho ngikiri kuribho kengeko k'erimina, ina kuri bhanu nchukayo. 29 Nacha mo roharo rwa Ongo, bhushe murironjeirwa nchumo, mwiemisanya na Kirisitu, ina ho nti emusimira, ina hotu inubha bhushe nae. 30 Mw'esimika ebhita mbyo byasunganga bhanu byasimika'ani nangi byerukira bhanu enompena mbu ngi byatingy'ani.