¹ Ntangiro ye mahano a Yesu Kirisitu, Mwana wa Ongo. ² Itukana n'ebwatiranyiwanga na Isaya, e Mutahwa ; sunga, narebheka mu makako abhe e ntumwa, e usetunganya yo ense yabhe, ³ Uno murenge we ukuengi mu bweru: Tunganyanya ense ya Mukota, rengekanya e myengere yae. ⁴ E chuo ekiti cha Kuyudea ne bhea bhati bha kuyerusaremu bhenda e kuriwe,na bhasie e bhubhi bwabho, ⁵ Bharubhikwa mu ngensi ya Yorodani. ⁶ Yohana wabhesenga na nchangi Y'ohu rwa Ngamia, na mukabha mumangati. Wabhésenga urisanga tukuku na bhuki. ⁷ Ntu turange, e mwasi wekaramo, ntwebhange bhuno: wiyange kuruma nani nge mukiri indenga, nani nti nakomenwa ihíta iyobhora e miri ye bhinantiro byae. ⁸ Ani, na bhurubhika mu mecha; iwe, usebhurubikayo mu mutima mushasha. ⁹ Mumatungo, Yesu wenda ku Nazareti ya ku Gariraya, nanko warubhikwa na Yohana muri Yorodani. ¹⁰ Mukashangi kasaanga we mu mecha, rasungwa kokwiyo kwiobhora, ne Mutima wasika ekuriwe bhuri kampite. ¹¹ Na murenge uma werikirwa kukwiyo w'ebha: ongo nge mwana ni ungu washimwa nani, kumunda na be naterekako e nchimi yani e iti. ¹² Kuruma, e Mutima wenja Yesu mu bweru, ¹³ Nanko wakinda ko matu makumi anye werekwa na mushumbu wabhésenga hima ne nyamishwa se bhusara, n'esa Ngashani nti bhamukorengi. ¹⁴ Itukampo Yohana warekia wamasubhurwa, Yesu w'enda ku Gariraya, mwinsonsomora e kinwa cha Ongo. ¹⁵ Webha: entambi yamiya, n'ebhubhake bwa Ongo iye bhuri kwihi. Mutunganye, na musimire e kinwa che karamo. ¹⁶ Nambu e bwabhesangae bwetange we kumushi ne nyansa ya Ku Gariraya, wasunga Simoni na Anderea, musiky'abo Simoni, nti bharobhange na tukira munyansa; bhushwe bhabhesanga nti bharobhi. ¹⁷ Yesu werebho: munimise, na nabhukiayo bharobhi bha bhea. ¹⁸ Itukampo, bhareke e tukira twabho bhamwemisa. ¹⁹ Warekia wamenda kore, wasunga Yakobo, musike wa Sebedayo, na Yohana munachabo, nabho tu, nti bhari mu bwato na nti bhatunganyange e tukira. ²⁰ Itukampo, wabhikira bho; bhasia ishe wabho Sebedayo mu bwato hima ne bhakori, bhamwemisa. ²¹ Bhenda ku Kapernamu murotu rweriruhuka, Yesu wakime kasa mor'irameso mwihana. ²² Bhasingwa ne mwenjo wae; bhushwe wabhesenga uhanange bhuri mukakare, nti bhuri e bhandiki. ²³ Mwabhenga murirameso rabho wabhume ntwatingirwa na bhifasi, na nti ukuange: ²⁴ Kurinki ani nabhe Yesu wa ku Nasareti? Uriya bhushwe n'eturiminya; nisi ongo ngi washuururwa wa Ongo. ²⁵ Yesu wafinebho nguru, w'ebha: Kobha, natuka kumunda ne mweya uno. ²⁶ Ne kifasi chatuka kumunda nango mweya; mw'imukubha e Kwansi n'ikua murenge mukiri. ²⁷ E bhati bhatingirwa na bhobha bhukiri bhashishana: inki kino. kinwa kishasha kino? Ukutongi na bhunkangwe e bhifasi na nti byamwerikire! ²⁸ Ne mwasi wae werikirwa e kuti kumushimushi na ku Gariraya. ²⁹ Mor'etuka murirameso; bhenda na Yakobo na Yohana mo numba ya Simoni na Anderea. ³⁰ Inabhe wa Simoni wabhesenga wekinde, nanturi na kabhurura; nampo bhebha nae bhushwa na Yesu. ³¹ Wiya kwihi nae, wamusimanya ni mutinge mo mombo , na mokashangi nko e kabhurura katuka na mpo wakore bho. ³² Murisisi, muriorobha re mwishi bhamu rishie bhakoni bhati n'ebharin'ebhifasi. ³³ Nerubhungu e ruti rwakumanana Kubhusondori n'emuriwe. ³⁴ Waramya bea bhingi e bhebhesanga na kinsi makoni, wahensa bhifwasi bhingi, na ntwarisianga mbwe e bhifasi byebhe, bhushwa byabhesenga nti bhimusi. ³⁵ Mumurangaranga, muntambi ye richuchukara e bhutu, wa simana, wenda kahema mu bweru. ³⁶ Simoni nambi e bhabhesanga nae bhabhucha imusonda. ³⁷ Bharekia, bhamusunga, bhamwere: bhate bhati tukusondekanyange rero. ³⁸ Wasubya:twendi kumpe, musimpe mbungu sa kwihi, kongo natura mu mwasi wekaramo hotu; bhushwa na'ncho ngi chasingwa n'eya. ³⁹ Wenda kahana mumarameso eati a ku Gariraya, na wahensa bhifasi. ⁴⁰ Mubhembi uma wiya kuriwe; wirekera mo mindi yae, na wamwere nakikohe cha bhonso: umashima, umundamya. ⁴¹ Yesu, watingirwa na bhonso, woro e makasa ae , wamuturana mo,na webha: na risia,rama. ⁴² Ituka mpo e bhibhembi byatuka,na washuurukara. ⁴³ Yesu wa murera himpo-himpo hima nisisinya, ⁴⁴ Wamwere :irange kiro tura e mwasi uno mu mwea uti uti ina enda kishea kuri e bhakungu, na ukutu e ruhembo rwabhe, bhurimbu e bwatiranyiwa e myombo ya bhushwe kincho kibhe ihano. ⁴⁵ Ina e wa bhume ngo, warikia wamenda, wa bhucha itura e mwasi ngo na murenge mukiri, ni insansabhanyao, iya mu ngerero ya Yesu utamukochange ikime murobhungundo mukwishea. bha bhesenga nti bhasimana habhutara, mu bhutaka bwa bweru, bhiya kuri we mwituka ekutikuti.