¹ E kinwa cha Mukota cha rerwa kuri Mika; Murashiti, mu kiranga cha ba Yotamu, Ahasi, Esekiya; mabake ba Yuda, utahwa ku Samariya na ku Yerusaremu. ² Beya bati murukire. Chuo tea mate, n'aambi barika mu chuo. Mukota Ongo wabesi kariho mu byema byabe; Mukota ng'u urimu bwimbe bukiri bwashururukara. ³ Busha Ongo wa saa mundikaro yae, wahita, Utambange hambasiro n'e roto. ⁴ bushwa iwe e sanguu si seshenga, marambo ase benguka, buri mecha ahitange mu kikuka. ⁵ N'ebiti mbyo busha e kibii bwa Yakobo, bushwa e bibi bye numba ya Isiraeri. Kiinki nge kibi cha Yakobo? Nti Samaria? Sini nke sa ntata sa kangama sa Yuda? Nti ku Yerusaremu? ⁶ Naronjii ku Samaria kebee ch'ikowi mu mashwa, Kwa s'ekee bo e misabibu, naarekera makoi mu burambo, na siya e ntangiro. ⁷ E tumoi tuti twabaswa twachikawi, Ohembo sabo seemasa shikwi mu kasha; na naashiriya e tuhombo twabo tuti; Ohembo rwatuka mu busingirani nti ohembo rw' isingirani. ⁸ Ngi chakwi na riranyi, n'nyonsi; ntendi yo na mbara birato na munkaanga. Na kui buri munterere, n'ibibee buri etunduu. ⁹ Bushwa e kihuru chae chahange; Wansansabana iya na ku Yuda, Wasoka na iya mu nkimiro rwa bea bani, Isaa na ku Yerusaremu. ¹⁰ Kiro itura o ku Gashi; kiro tu ire ku Asho. N'irekera mu mukungu ku Beti-le-Afra. ¹¹ Eta, enda bisa ku Shafiri mu buri mweya munkaanga na wankene, bisa ku saanani batanga turana isea, kiro cha Betiseri yasingwa mutwii huumba e. ¹² Beya barika ku Maroti batimanengi murishukara rae, bushwa byema bya hita ituka kwa Mukota iya na murubi rwa ku Yerusaremu. ¹³ Mine mufarasi e katibita kee bita, bariki ba ku Rakishi. Ukoranga bubi itukire mu kikumi cha Sioni, bushwa kiri Ongo ngi kwa kutukire ebubi bwa ku Isiraeri. ¹⁴ Ngi Ngi chasingwa uku shemba Moresheti-Gashi; ma numba a Akizibu asebese ntankiro ye ritimwa ra babake ba ku Isiraeri. ¹⁵ Naakurishie umpe muhani ,Mweya wa ku Maresha. Itatwa ra Isiraeri risenda nkuru iya na ku Adura. ¹⁶ Beeirwa, beeya e buteo wabe, Bushwa e bana babee bashima oongo. Bese n'uhana buri. Inju bushwa wenda katingirwa kore nabee.