¹ Yesu wakime n'ikundukanya ku Yeriko. ² Mor'ekime, we, nti muri mw'eya uma erina rae ngi Sakayo, mukongori wa horo, nae nti mutumba. ³ Wasonda isungana na Yesu, mw'isibhirira kuti iwe ngiinye, eina nti ware sungana'ne bwishwa e bwingi w'enteko na nti mwihi nguru. ⁴ Watangira isondora n'itaya hambasiro e muti eh'etere Yesu. ⁵ Yesu, nae, warekiya w'eya ha, wararame e kwiyo, n'umusungange wamwire: Sakayo, hita tete, bhushwa mbu n'sondange ikime mu mwabhe run'otu. ⁶ Waresika, n'ikoke Yesu na ngoa. ⁷ E santumwa sae sarekia sasunga mbo sakwa mono n'ihuhuma, bhebha: wakime munji numba y'e mukongobanya. ⁸ Sakayo wasimana, n'iere Yesu, nakuto muhango mo mwandu wani mw'ininka e bhasene, na namabha nanyaanga kikai kuri mweya uti mu imusinga bhinwa bya bhushukishuki, namukuruchie byo mbiso sinye. ⁹ Yesu wamwere: run'otu e karamo k'eya mu ino numba, bwishwa mbu nae mwana wa Ibrahamu. ¹⁰ Bhushwa mbu e mwana w'ebheya w'iyanga kasonda n'iramya ingu wabhesanga wamarimina. ¹¹ Bharekiya bhari m'onteko mwiyorikira mbi byebhange Yesu, w'ere bho mwani; nti iye bharikiya ku Yerusaremu; nabho nti iye bhanikirange mbu e bhubhake wa Ongo bw'e ndange kasimana. ¹² Nampo n'iwebhange: mweya uma watundwa w'endanga kore, mw'ienda, kasimikwa n'ikuruka. ¹³ Warekia wakuruka, wabhikira e santumwa sae bhanache ikumi, n'ininka bo bhutea ikumi n'ierebho: mwendi kanonka, iya mor'otu ndo rwakurukayo ani. ¹⁴ Eina bhanache bhamusubhuke, n'ihema ntumwa bhamubungura, n'iebha 'ne: nti twana 'ngu mweya watusimaniri. ¹⁵ Warekiya wakuruka, na nti wamasimikwa, warisha myomba y'eb ikira e santumwa sae esasiyerengae e bhehe, mw'isond'isibha bhuni ngi warikora kinsi mweya nambo bhutea e bwasiererwanga we. ¹⁶ Ingu waroso w'eya n'iebha: imbu bhutea ikumi wansiyerenga ongo, hamaongerere b umpe ikumi. ¹⁷ W'ebha: chongo ncho ongo ntumwa yakonda; bhushwa mbu ntubha mwibhi munchi kinwa k'ikeke nguru, nakuninka mbungu ikumi usimaniri to. ¹⁸ N'angu w'emetabhi w'eya, n;iebha: e Nyerekuritu: m'umbu bhutea bwansiyerenga ongo h'ongerere bhumpe bhutea bhusanu. ¹⁹ Wamwere: na ongo, usimanire mbungu isanu. ²⁰ N'ompe w'eya; n'ieba: e Nyerekuritu; ebhutea bwansiyerenga ongo nge bhuno narekundika bho. ²¹ Bhushwa narekusubhaha imbu e wasua ongo mw'ikweriyere nchi enti chabhe, n'isonda inoa mirime mwishwa ndi nti erekanga ongo. ²² Ingu mubhake wamwere: imbi ebyatuka m'obhunu bwabhe ngi byasingwa uminwa ongo ntumwa y'ema. Umasibhange mbw'ani nasuwa, n'eriyerenga enti byani, n'inoa mbi enti byekang'ani. ²³ Ufundi ikurucha e bhutea kuri mbi e bharanganga bho ntakumana bho mor'ikuruk'ani? nti ham'ongerere bhumpe. ²⁴ Were mbi e bhabhesanga e bhari kwihi nae: mu mubhake imbo bhutea, muninke bho ingu we r'ikumi. ²⁵ Bhamwere: e Mukota, uri na bhutea ikumi. ²⁶ Ani n'ibwerengi: ingu mweya uti uri na kikai, ngw'aninkwa; eina ngu usira nki nanki karine wabhakwi ko. ²⁷ Eina mbi bharenda bhani e bhantina mbu nti ani ngi na musimanire bho, hano hariani, mukonore bho mo makako ani. ²⁸ Warekiya wamakindi iyebha mbyo bhinwa munkati n'enteko, Yesu wasimana nt'uri habhasirwa e mbunda mw'isonda iyenda ku Yerusaremu. ²⁹ Warekiya warirana iya ku Bhetefage na ku Bhetania kwihi n'ando ou rubhikirwange mbu rwa Seituni, watuma ntumwa sae sibi; ³⁰ n'iere bho mbu: mwendi m'undo ubhungu rw'ekubhusondori; mukiya mukime, mukusunga chana cha mbunda chaminwa hakisibho, kitanga kambenga mo mweya mwobhoranga cho nindushie cho. ³¹ Nangu usebwere mbu inye ngw'abhutuma mw'ioboranjo mpunda musubyanga bhuno: Nyerekuritu wamuraamo. ³² Imbi bhatumwanga bharekia bhenda bhasunga mbi bhinwa e bhiti byakushishiwanga bho. ³³ Na bharekiya bhobhora e chana ch'empunda, bhisa cho bhashisha: inki ch'asingwa m'obhora ncho chana ch'empunda. ³⁴ N'ibhasubyange mbu: Nyerekuritu ngw'amuraaa mo. ³⁵ Bharisha cho kuri Yesu n'isansa e sanchangi sabho habhasirwa n'itarisha Yesu habhasirwa. ³⁶ Wakiya w'endange, bhasansa simpe nchangi m'onse. ³⁷ Werekiya iye uri kw'ihi na ku Yerusaremu m'orihita e r'ou rwe Miseituni, ekimpumi kiti ch'esantumwa sae bhabhucha ikokoma n'itata Ongo mu murenge mukiri bhushwa bhishisharo byamesungire bho. ³⁸ N'iebha: wakasanirw'e mubhake, ng'wiya mo rina ra Mukota. Bhuhoro mo mbingu na bhusime mo bhuari bw' ekwiyo nguru! ³⁹ Na bhampe mu bhafarisayo munkati enteko bhamwere e santumwa sabhe sikobhe. ⁴⁰ Wasubhiya: w'ire bho: n'ibw'irengi bhanu: na kiro mbi bhamukobha, emakoi nti aseebha. ⁴¹ Warekia iye uri kwihi, wasunga e robhungu n'ibucha irire ro. ⁴² W'ebha: ramubhesange ongosi er'otu runo, imbyo bhinwa byamusingwa ubha na bhuhoro, eina byamabhiswa mo meso abhe. ⁴³ Bhushe mbu e matu ngi ari ku bhusondori, e bharenda bh'abhe bhasimba kisansire, n'ikutimba bhakwekenya ekuti. ⁴⁴ Bhakusiro e kwansi n'ikusonya hima n'ebhana bhabhe kumunda, bhatakusieri yo anga n'ikoi kumunda erisesia hambasiro na rimpe ntirakurwa; bhushwa ntu sibanga nji ntambi y'eyanga Ongo ku kwab e. ⁴⁵ Wakia wakime mw'irameso, wabhucha ihensa mbi e bhanonki ebhabh'esanga bhari kumunda. ⁴⁶ Were bho: chatiranyiwa, e numba yani y'ihema, eina bhanu mubhindura yo numba ya bhanyai. ⁴⁷ Itukirer'otu ndo,w'endi ukimengi mw'irameso kahana ebheya. Eina bhashe bhakungu n'ebhandiki, , n'ebakakare b'esanganda, bhasond'imuya. ⁴⁸ Bharuka nchi echamukora bho, bhushwa e bheya bhati bhabhesanga nti bhamatumana mw'imorukire.