¹ Bhingi bhamakind' ibhucha ironja mitiro ya 'mbi bhiti byaribhererera munkati n'itu. ² etukana na 'mbo bhabhesanga turiho etukir' entangiro na mabhindukenga bhakori na bhaturi bhango mwasi. ³ Namasunga nti rarengekana hotu kury' ani, kuruma n'isondekanya shu'shu mu 'mbyo bhikai bhiti ebhucha mo ntangiro ya 'byo, ekutiranyie byo ebwatondekana byo, e muhanga Teofire, ⁴ Kongo ubhesa n' iteerera er' eira r' emahano areninkwa ongo. ⁵ Mo matu abhundukenga Herode mubhake wa ku Yudea, kwabhesenga Shebhakungu uma erina rae Sakaria, mukikanda che bhashe bakungu bha Ongo, mo ruanda rwa Abia Erisabeti e mukari hotu nt'wamor'oanda rwa Aruni. ⁶ E bhati bhabhi bhabhindukenga nti bhakomenwa hamakako na Ongo. barika nti bhemisa shu e myomba iti ya Nyerekuritu. ⁷ Nti bhasira mwana, na Erisabeti wabhesenga ngumba. Nabho bhati bhabhi ntie bhakungu. ⁸ Otu ruma Sakariya wabhinduke nt'uri mo murimo wabhushe bhakungu wa Ongo bhushwa ne kikanda e kirangangee. ⁹ rabhinduke itukana n'e mwenjo we murimo wa bhashe bhakungu, Sakaria warondorwa murienda kashika rungo, muri rameso ra Ongo. ¹⁰ Kikanda kikiri che bhea bhamurindire e kumbuka nti bhahemange. Sakaria nti urikire kumunda eri rameso murishika,erukongo. ¹¹ Maraika wa Mukota,wiya kuri Sakaria nti wasimana mu mombo we kwabhume webhutanda we mpero. ¹² Sakaria watingwa murisungae Maraika wabhinduke na bhobha. ¹³ Maraika were Sakariya angi subhaha bushwa Ongo wamorukira e mahemo abhe. Mukari wabe wasekubhute mwana ukumuninka rina ra Yohana. ¹⁴ Ubhinduke na ngowa ni moa nguru, bhushwa nae na bhea bhingi, bhasebhinduke n'imoa, muribhutwa rae. ¹⁵ Wabheseyo mukakare mumakako a Nyerekuritu, ina utomuyo mau atiati, warisiwayo Mutima Mushasha ntukiri mo bhura wa nina. ¹⁶ Nawe wakurucha bingi be ruanda rwe ba israeri kwa Ongo wabo, ¹⁷ Useyayo ha makako nae mu Mutima n'e maa. Eriya, wabhindurayo e mitima ya bhatita ekuruchiyeyo mo bhana bhabho n'ebhindura e bhatengu mu wenge bwa bheya bh'eira, kongo bhabhinduke bheya bhamatunganyiirwa Mukota ¹⁸ Sakariya were e maraika: e kinwa nchi chamubesa buni? ani iye mukungu ,ne matu amukari'yari iye mingi nguru. ¹⁹ Maraika wa musako: ani ngentumwa Gabrieri, nisima nanga hamakako na Ongo, nani nakutumwa kakuture e mwasi uno wakoma. ²⁰ Ituka ino ntambi ubhesa karumbu,utwebhi tu, irindirira bhibhererere mukiranga chabyo. ²¹ Nebheya mbo bhabhesenga bharindiringe Sakaria, bhisarima murikiya Sakariya wakusiya e kumunda ne rirameso. ²² Warikiya mwituka mo nt'utamukocha iyebha tu nabho, bhasibha mbwa mahumanana kumunda ne rirameso washeyabho e mwine bhusabhusa, wabhesa ntiye karumbu. ²³ E matu ae e murimo akiya amasira watukamo, wenda mu mwae. ²⁴ Nampo kuruma ematungo, mukari Erisabeti wariya bhukure wibhisa myeri isano: webha: ²⁵ Nyerekuritu wamandonjie nchumo imbu bwamansunga we, ikuto e sankene sani munkati e bheya. ²⁶ Mu mweri we mutubha e ntumwa Gabrieri watumwa na Ongo mobhungu rwa ku Gariraya rutukurwange mbu ku NaSareti. ²⁷ kwe kitasa cha Chamasimirana mw'ibhesa mukari w'e mweya'ngo utukurwange mbu ngi Yosefu wamukisasa cha Ndaudi, ne rina re Kitasa kicha ngi Mariya. ²⁸ E ntumwa yeya kukwae yebha. nakukeya, umaninkwa nchumo, Nyerekurwitu uri hima nabhe, umakasanirwa nkatinkati e bhomina. ²⁹ Naye wahaka nguru, bhushwa ne kinwa ncho, wanikira mo mutima wae, nkerei nki nji? ³⁰ E ntumwa yamwire bhuno, kiro kasubhaha e Mariya, bhushwa umaninkwa nchumo na Ongo. ³¹ Usibhanga mb'ukuria bhukure n'ukubhuta mwana, ne rina rae ngi Yesu. ³² Ungo wabheseyo mukakare, waatikurwayo mbu mwana wa Ongo ingu we kwiyo Nyerekuritu. Ongo wamuninkayo e kitumbi chishe Ndaudi, ³³ Iwe ngi wasimanireyo e numba ya Yakobo ematu ati, ne bhubhake bwae bhutangabesenga na ngendero. ³⁴ Mariya wasako ehntumwa; e kinwa nchi chabhese bhuni nani nti nisi wabhume? ³⁵ E ntumwa ya musako yamwire bhuno: e Mutima mushasha ng'wasekwehie n'emaa a Ongo ing' uri e kwiyo usekubhumbe n'e kirimirimi. Bhushwa nancho e kikai chabhutayo ongo chabheseyo nti chashuururwa chabhikirwayo mbu mwana wa Ongo. ³⁶ Ukaenga Erisabeti wamukisasa kinu, uri na bhukure wa mwana wa wabhume mo bhukungu wae. na uno mweri wa mutubha mu mweya ngo watikurwa mbu ngumba. ³⁷ Bhushwa mbu kusira kinwa chafundisa Ongo ³⁸ Mariya webha: ukaenga ani mukori wa Nyerekuritu; e kinwa ncho chabherereranga imbo wamebha ongo. e ntumwa yatuka yenda. ³⁹ Mariya wakosora wenda mo chuo chesangu, wasimana wenda mobungu ruma rwa kuYudeya. ⁴⁰ Wakime mo numba ya Sakariya wakeya Elisabeti. ⁴¹ Elisabeti wakiya werukira enkei ya Maria. emwana washata mubura wae. mwituka entambi njo Elisabeti warisiwa ne Mutima Mushasha. ⁴² Wabhikira mumurenge mukiri nguru webha: umakasanirwa ongo munkati ne bhomina bhati, neribhuta rebhura wabhe ramakasanirwa. ⁴³ E kinwanchi chamatuka kuni, nina wa Nyerekuritu wameya kukwani? ⁴⁴ Kae kasa enkei yabhe yakukiyanga yakime mumate ani e mwana washata mo bhura wani na ngowa ningi. ⁴⁵ Wakasanirwa ingo wasimira; e bhinwa e byebhanga Nyerekuritu byabhererera yo. ⁴⁶ Mariya webha; e mutima wani watata Nyerekuritu. ⁴⁷ Ne mutima wani wamakokome Ongo rukombora wani. ⁴⁸ Bhushwa mbu wamakae ebwetunganyanya 'ni; itukire runotu e sanganda siti bhantiko mbu narikasanirwa. ⁴⁹ Bhushwa mine maa wanikore mikorere mikiri nguru; ne rina rae washuururwa. ⁵⁰ Ne sansasi sae siri hambasiro nebhamusubaha, itukire bhiranga na bhiranga. ⁵¹ Wamakia maa mumine yae. wamansansabhanya bhise e muhao bhushwa ne myanikiri ye mitima yabho. ⁵² Wamahicha ne bhahime mo bhitumbi byabho, wamatarish' e bhea 'mbi bhe kwihohya. ⁵³ Bhise rwaka wamasukucha bho mu 'mbi byakomakoma. Bhise bhehe wamakito bho bhusabhusa bhasira tu nki. ⁵⁴ Wamasake e ntumwa yae Isiraeri wanikire esansasi sae. ⁵⁵ Imbo wakiyanga were bhatita bhitu kuri Ibrahimu ne bhana bhae ne kare kati. ⁵⁶ Mariya warika naye ngerero ya myeri ishatu. wakuruke ku kwae. ⁵⁷ Na Erisabeti, mo matu ae eribhuta arekiya amarumira wabhuta mwana wa wabhume. ⁵⁸ Bhirabhe ne ruanda rwae, bhorukira e bwamakia Nyerekuritu wamukwire nsasi. ⁵⁹ E rotu rwe munane bhenda kariya e mwana e kotende, bhamubhikira Sakaria iemisanya n'e rina r'ishe. ⁶⁰ Nina wasako webha nti nge bhubho iwe waninkwa rina ra Yohana. ⁶¹ Bhamwire; kusira mweya muruanda rwinu utikurwange mo rina ndi. ⁶² Bhendere ishe mwimushisha rina nki risondange ongo emwana waninkwero. ⁶³ washishabho, mumbesi kisai nta tiraho e rina re mwana. e rina re mwana ngi Yohana. E bhati bhisarima. ⁶⁴ Muntambi njo e bhunu bwae wobhoka ne rwami rwae hotu, webha watata Ongo. ⁶⁵ E bhobha watinge e bhati bhabhesanga mpo, ne bhinwa bhiti bhino byaturwa muchuo kiti cha ku Yudea. ⁶⁶ Ne bhatimbi bhorukiranga byo bhabhika byo mo mitima yabho: bhebha bhuno ingu wabhinduke mwana wasusa bhuni? bhusha mbu e mwine wa Nyerekuritu wakubhesenga hima nae. ⁶⁷ Sakariya ishe w'emwana warisiwa ne Mutima Mushasha , wahurukwa webha: ⁶⁸ watatwe Ongo witu wa Israeri bhusha mbu wameya mo bheya bhae n'ekururebho. ⁶⁹ Namatusimanik' er' ihembe r'er' itoshukaya, munkati ne numba yentumwaye Ndauti. ⁷⁰ Imbu webhanga we cho momonu e bhatahwa bhae bhashuururwa ebhabhesenga ho itukire karekare. ⁷¹ Tushukaiwe ituka e bharenda bhitu na munkati emine ya'mbi e bharitubhaa. ⁷² Mwikorebho nsasi bhatita nianikiratu endani yae. ⁷³ erisere raserengawe hamakako na tita Ibrahimu. ⁷⁴ Mbwe watuninka bhate, twoshukaiwi mumine ye bharenda bhitu, tumusimire risira bhobha. ⁷⁵ Mw'itukochesha iyoshukara etuka mo mine y'ebharenda bhitu. ⁷⁶ Nongo mwana ubhikirwayo mutahwa wa Ongo ingo uriekwiyo bhushwa ongo usondorayo habhusondori ne mbaso ya Nyerekuritu mwitunganyanya ense yae. ⁷⁷ Ihanisa e bheya bhae er'iyoshukara munkati ne risasirwa e bhubhi wa bho. ⁷⁸ Bhushwa ne bhurongu we sansasi sae Ongo witu. munkati chaka chatukanga e kwiyo chatwehie. ⁷⁹ Kashea bho e chaka imbi bharikire munkati ne mwirimya, na munkati ne rirumbirumbi re roku, niendja emindi itu muinse ya bhuhoro. ⁸⁰ E mwana woshuka, washee maa munkati ne mutima, wenda karika mo bweru, irindirira e matu easeyayo we hamakako na Israeri.