¹ Bushwa, sunga mo matu 'ngo, mo kashangi nko. Nsekia nakuruch' ebatingirwanga be Yuda na baku Yerusaremu. ² Nsekumanyanyayo esanganda siti, nti nahichie bo mo burambo bwa yosafati. Himbo nsekimeyo mw' ikere bo mansa, Mo byakae Isiraeri b'ea b'ani, mwandu wani, Ebarinsanswa mo sanganda, na bushe chuo ch'ani charikwibanyie bo. ³ Barishatire'bea b'ani mbai, baninkan' ebasike b'ani mu bihanga; barichuy' ebikumi mau na bar' omo. ⁴ Banu munsondange mo 'nki, ku Tiro na ku Sidori; Na banu bis' ebutaka bw' ebafiristini? Banu musondange kw' eune kury'ani? Kuti banu musondange kw' eune kury'ani? Kuti banu musondange kw' eune, nsekiya tete mw' ebukuru chie ekw' eune mo mintwe y' inu. ⁵ Murishokor' efesa yani n'e noro; N'ebyabesanga n'ani bya. busy'asuma na byakonda, Mureriya byo mo marameso inu. ⁶ Murichuy' ebana ba Yuda n' ebaku Yerusaremu mo bayunani, kongo muriya bo kore n'echuo ch'abo. ⁷ Sunga, nisekurucha bo ekwakutonga banu bo, Na nsebukuruchieyo ekweune kw' inu mo mintwe y' inu. ⁸ Nsechuyayo ebasike n' ebikumi by' inu kuri yuda, Na basechuyayo bo kuri ba Sheba, oanda rwa kore; bushwa Mukota wamakind' ieba. ⁹ Mutur' ebikai mbyo mosanganda. Mutunganyanye 'mbua. Musimong'ebarai. Beyee kwihi, bateye, Ebea bati b'ebita. ¹⁰ Mwesang' etukenge twinu tubesi ma panga n' emikushu y'inu ibesi matumo. Ebatetera b'ebe mbubate bankangwe. ¹¹ Mukanyahe na mw'iye, banu nganda s'ekwendende, Mukumanae. Himpo, eh . mukota, hicha ho ebarai b'abe. ¹² Esanganda s'isumuke na bataye mo burambo bwa Yosafati. Bushwa hiha nseba na mwebe mw' ikera er' obansa rw'esanganda si ti s' ewendende. ¹³ mutingi emukushu bushe mbuto yamase. Mwiye, munoe , bushw'emuringa wamarisa, ekiribu kirisere. Bushwa rikiri er' isubuka rabo. ¹⁴ ibo bihumbi, bihumbi mo burambo bw' er' ikera er' obansa; Bushe 'rotu rwa Mukota iye ruri kwihi, mo burambo bw'erobansa. ¹⁵ E mwishi n' emweri byabesa mwerimya, n'esankekeni safund' isaka. ¹⁶ Etuka ku Sayuni, Mukota uhiyange, Etuka ku Yerusaremu, Worukirishang' emurengy'ae. Embi n'echuo by' etimba ebwenge. Eina Mukota mabekero Isiraeri. ¹⁷ Na mukusibayo mbw'aningi Mukota, Ongo winu. Narika ku Sayuni, er'ou rw'ani rwashuururwa. Yerusaremu usebesa washuururwa, n'ebeni bateeti yo kuro. ¹⁸ Mo matu ngo esangu s' isehichayo nsande yahunda, emaata asihitange mobikuka na kusebesa mecha mo ndusi siti sa Yuda. Nchoko isesisaire mo numba ya Mukota n' ibobora ebusasara buti bwa ku shitimu. ¹⁹ Ku Misiri kusekiya iroro na Edomu usebesa bweru, bushwe er' erianya ebana ba Yuda, Ebakuburanga bo enshama ra bubi mo chuo ch'abo. ²⁰ Eina Yuda usebesayo mo beya na Yerusaremu obuto mw' obuto. ²¹ Nsuneyo enchama yabo eitamuune neki ani, Na Mukota userikayo ku Sayuni.