¹ E kinwa cha Ongo chashishiwanga Osea, ntangi ya Beeri, mukashangi ka Uzias, wa Yotamu, Ahasi, Esekia mi wa Yuda, na kashangi ka Yeroboam, ntangi ya Yoasi mwami wa ku Isiraeri. ² murisondora ongo webange na Osee, Ongo weba na Osee: Enda katinge mumina umwa wambaraka na baana ba buaingirani; bushe echuo chamiria mum'busingirani chamatuka ongo. ³ Wenda, nitinge Gomeri, kikumi cha Diburani wariya bukure na wabuta mwana. ⁴ Na Ongo wa mushisha: muninke rina ra Yesereheri mbuushe mukampe kashangi, na naninkabo marisipisi e nyumba ya Yehu mu bushe enchama ya kukum'burambo ku Yesereberi, naneyae mubabake e nyumba ya Isiraeri. ⁵ Murotu ro, naneya e kara ka Isiraeri mu mitiri ya Yesereheri. ⁶ Gomeri wariya bukire, na wabuta kikumi na Ongo weba na Osea: muninke rina ra Roruchama, bushe ntasasiri tu e nyumba ya Isiraeri. ⁷ Iiina, nasasira enyumba ya Yuda; nakasaneribo kuri Ongo, Ongo wabo na ntakasanibo mukara, na mumwere, na mubita, na nambi batayanga efarasi. ⁸ Gameri, wariya tu bukure na wabuta mwana wabuume. ⁹ Na Ongo weba muninke rina ra Ntiwani, bushe baanu ntibeya baani, na ntiani Ongo winu. ¹⁰ iina e mwanso e bana ba Isiraeri babimduke buri misiye ye nyasa ungo utamukochi irengechwa ni answa, na yawesa mpi hererwa yo bo: bani nti bea bani, beree bo: banu bana ba Ongo uriko. ¹¹ Ne bana ba Yuda ne bana ba Isiraeri bakumanana hima mukwi rondore mukakare uma, wataya ituka e chuo; busha erotu ndo rwa Yezereheri yabesa yo nkiri.